Үл мэдэгдэх цагаан нунтаг бүхий илгээмж НҮБ-ын байранд илэрчээ. Шинжлээд үзсэн чинь боомын нян байж гэнэ. Тэр дор нь түргэн авч, төв байрыг бүхэлд нь хаасан тухай дэлхийн хэвлэлүүдэд бичжээ. Шалгалт одоо ч үргэлжилж, НҮБ-ын ажилтнуудад сонор сэрэмжтэй байх чиглэл өгсөн аж. Гэтэл яг ийм нянтай илгээмж Монголд зургаан удаа ирчихээд байдаг. Илрүүлсэн гаальчдаас өөр анзаарч тоож байгаа газар байдаггүй. Тагнуулынхан л мэдэх учиртай хэмээн асуувал "Манай сайтаас үзчих" гэсэн хариу өгөв.
"Гадаадаас ирсэн сэжигтэй илгээмжийг бүү задал. Дотор нь боомын нян байж мэднэ" гэсэн сэрэмжлүүлэг бичсэн юм болов уу гэж бодоод сайтад нэвтэрвэл тэр тухай нэг ч үг үсэг олж уншсангүй. Зургаан удаа ирсэн хайрцаг бүрт өөр өөр төрлийн нян, магад ч үгүй нөгөө гайхал гахайн ханиадны вирус ороод ирсэн байхыг үгүйсгэх аргагүй. Ямар нэг арга хэмжээ авахгүй байгаа болохоор дахин, дахин ирээд байдаг ч юм билүү. Олон хавар нэгэндээ гэдэгчлэн нэг л өдөр үндэсний аюулгүй байдал хөндөгдөх вий дээ.
Олхонууд ШААБАР
Зохиогчийн эрх хуулиар хамгаалагдсан. Мэдээлэл хуулбарлах хориотой.