Малын эрүүл мэндийн асуудал махыг голчлон хүнсэндээ хэрэглэдэг монголчуудын эрүүл мэндтэй ч салшгүй холбоотой. Харин сүүлийн жилүүдэд малын хуурамч эмний наймаа газар авсан байна. Энэ байдлыг орон нутгийн удирдлагууд таслан зогсооход хүч хүрэхгүй байгаагаа бидэнд дуулгасан юм.
Хүний эрүүл мэнд хүүхдийн эмнэлгийн асуудал хурцаар тавигдаж байгаа энэ үед малын өвчинг анагаах эмний тухай ярих нь зохимжгүй. Гэхдээ хэрэглэх хүнсний 80 хувийг эзэлж байдаг мах махан бүтээгдэхүүн өнөөдөр газраас ургачихаагүй гэдгийг бодолцох цаг болжээ. Малын эрүүл мэндийн цаана махны асуудал харин үүний ард хүнсний аюулгүй байдал, хүний амь хөндөгдөж байгааг мал эмнэлгийн албаныхан хэлж байлаа. Энэ ч үүднээс мал уух юм чинь хаана ч хадгалж юу ч өгч байсан хамаагүй гэх хоцрогдсон ойлголтоосоо салах цаг болсныг хэлж байсан. Өнөөдрийн байдлаар бол улсын малын эмийн сан гэж манай улсад нэг ч байдаггүй байна. Эм бэлдмэлийн асуудлыг хувийн хэвшлийнхэн тэр дундаа ганзгын наймаачид хариуцдаг байна. Хуурамч эмийн борлуулалт ихэссэн гэдгийг ч орон нутгийнхан хүлээн зөвшөөрч байна.
Мал эрүүлжүүлэх асуудлыг мянга яриад ч эрүүлжүүлдэг эм нь чанарын шаардлага хангахгүй байгааг салбарынхан хүлээн зөвшөөрч байна. Монгол улсын эмийн бүртгэлд бүртгэгдээгүй вакцинаар малаа тарьчихаад махыг нь идээд байгааг болих хэрэгтэй гэдгийг хэлж байна.
Мал эмнэлгийн үржлийн газрынхан чихэнд чимэгтэй мэдээг дуулгаж байна. Ирэх жилээс Унгар улсын буцалтгүй тусламжаар малын эм био бэлдмэл хийдэг томоохон үйлдвэр болох асуудал яригдаж байгаа юм байна. Эрүүл малаас эрүүл хүнс гарна гэдгийг энэ удаагийн хэлэлцүүлгээс харж болохоор байгаа юм.
Зохиогчийн эрх хуулиар хамгаалагдсан. Мэдээлэл хуулбарлах хориотой.