Ерөнхий шалгалтын бүртгэл эхлээд багагүй хугацаа өнгөрч байна. Уг шалгалтын талаарх мэдээлэл, зөвлөмж, заавар, журам, шалгалтын сэдэв, даалгавруудыг Боловсролын үнэлгээний төв өөрийн www.eec.mn сайтаараа үнэ төлбөргүй хүргэдэг. Харин сүүлийн үед тус байгууллагын нэр, логог ашиглан шалгалтын материалуудыг нэгтгэн ном болгон хэвлэж, гадуур худалдаалж байгаагаас гадна 2010 оны элсэлтийн шалгалтын журам, хуваарь болон бусад мэдээ, мэдээллийг ташаа, алдаатайгаар гаргаж байгаа талаар тус төвийнхөн нийт иргэн, багш, сурагчдад анхааруулж байна. Тухайлбал, “Бишрэлт тэнгэр” ХХК-ийн нийлүүлсэн дорх нэр бүхий эмхтгэлүүд тус байгууллагын нэрээр “Улаанбаатар” их дэлгүүрийн номын тасаг тэргүүтэй газруудад тус бүр нь 3600 төгрөгөөр худалдаалагдаж байгаа аж. Буруу ташаа мэдээлэл нь иргэдийг төөрөгдүүлж, ихээхэн чирэгдэл учруулж байгаа тул үнэн зөв мэдээлэл хүргэх үүднээс хуурамч эмхтгэлийг танилцуулж байна. 2009 оны Элсэлтийн ерөнхий шалгалтын тестийн эмхтгэл /математик, физик, монгол хэл, орос хэл, англи хэл, газар зүй, биологи, хими, нийгэм судлал, Монгол Улсын түүх/ ¹ 1-¹ 4 гэсэн дөрвөн ном гадуур худалдаалагдаж байгаа юм байна.
Зохиогчийн эрх хуулиар хамгаалагдсан. Мэдээлэл хуулбарлах хориотой.