Газар хөдлөлт хэмээх байгалийн аюулт үзэгдэл сүүлийн хэдэн сар дэлхийг айдаст автуулаад байна. Манай улсын хувьд ч ялгаагүй байсхийгээд л газар хөдөлсөн тухай мэдээ ирсээр байгаа. Энэ сарын 6-ны өглөө 8.33 цагт манай улсын баруун бүсийн Увс, Ховд, Баян-Өлгий аймгийг хамарсан хүчтэй газар хөдлөлт болсон байна. Газар хөдлөлтийн төв нь дээрх гурван аймгийн зааг болох Алтан хөхийн нурууны зүүн хойд үзүүр ажээ.Тэнд 10 метрийн гүнд 4,9 магнитут буюу долоон баллын хүчтэй газар хөдөлсөн байна. Дээрх газар хөдлөлт гурван аймгийн бүх суманд мэдрэгдсэн гэх ч одоогоор ямар нэгэн хохирол учирсан талаар мэдээ алга байна. Харин газар хөдлөлтийн улмаас голын мөс хагарч, газрын усархаг хөрсөнд язралт үүссэн байна. Долоон баллын газар хөдлөлт гэдэг газар хөдлөлийн их хүчтэй гэдэг ангилалд багтдаг бөгөөд азаар газар хөдлөлт хээр зэлүүд газарт боллоо.
Манай орны ”Алтан-Хөхийн нуруу нь есөн баллын хүчтэй газар хөдлөлтийн бүсэд хамаардаг бөгөөд байнгын идэвхтэй голомт газар тул дахиад ийм газар хөдлөлт давтагдахыг үйгүйсгэх аргагүй” гэж мэргэжилтнүүд сэрэмжлүүлж байна.
Зохиогчийн эрх хуулиар хамгаалагдсан. Мэдээлэл хуулбарлах хориотой.