Өнгөрсөн арванхоёрдугаар сард уушгины хорт хавдрын улмаас хорвоогийн мөнх бусыг үзүүлсэн Киприйн экс Ерөнхийлөгч Тассоса Пападопулосыг Дефтер тосгонд нутаглуулсан юм. Гэвч түүний цогцос хулгайлагдсан талаар хэвлэлээр мэдээлэх болсон юм. Никосигоос холгүй газарт талийгаачийн цогцос олдсон талаар өнгөрсөн даваа гаригт "Франс-Пресс" агентлаг мэдээллээ. Киприйн хууль сахиулах байгууллага энэхүү мэдээг баталсан бөгөөд одоогоор цогцсыг ДНК-гийн шинжилгээ хийлгэхээр илгээсэн талаар онцлов. Киприйн хэвлэлд экс Ерөнхийлөгчийн цогцсыг буцаан өгөхөд гэмт этгээдүүд их хэмжээний мөнгө шаардсан талаарх мэдээ орон нутгийн хэвлэлд гарч байсан. Гэвч талийгаачийн төрөл төрөгсөд үүнийг няцаажээ. Одоогоор яагаад цогцсыг хулгайлах болсон шалтгаан тодорхойгүй байгаа аж. Уг хэргийг мөрдөхөд Киприйн цагдаа нар интерпол болон Холбооны мөрдөх товчооныхонтой хамтран ажиллаж байна. Тассос Пападопулос нь 2003-2008 онд Киприйн Ерөнхийлөгч байжээ.
Зохиогчийн эрх хуулиар хамгаалагдсан. Мэдээлэл хуулбарлах хориотой.