Ардчилсан хүчний холбооны анхдугаар их хурал Төрийн ордноо болж байна. Нийгмийн бүхий л салбаруудад шинэчлэл хэрэгтэй гэдгийг анхдугаар их хурал дээр тавигдсан илтгэл болгон дээр дурьдагдаж байна. Холбооны үйл ажиллагааны талаар Ардчилсан хүчний холбооны Ерөнхийлөгч З.Энхболдоос зарим зүйлийг тодрууллаа.
-Ардчилсан хүчний холбооны анхдугаар их хурал болж байна. Монголоо Шинэчилье гэсэн уриатайгаар үйл ажиллагаагаа явуулж эхэлсэн, үүний талаар товч тайлбар өгөөч?
-Бидний “Монголоо шинэчилье” бодлогоо шинэчилье гэдэг уриа маань зөвхөн төрийн болоод намын шинэчлэлийн асуудал биш. Нийгэм тэр чигээрээ шинэчилэх хэрэгтэй байгаа юм. Бүх салбарт бид монголын түүхэнд томоохон алхмуудыг хийсэн хэдий ч ганцхан зүйлийг чадаагүй байна. Хуулиа дээдлэх ёс гэж алга. Үндсэн хуулиа хэрэгжүүлдэггүй. Энэ бүхэн цаасан дээр байгаа хэдий ч агуулгаараа монголд хэрэгжихгүй байна. Тиймээс бид Нийгэм эдийн засгийн бүхий л салбарт шинэчлэл хийх хэрэгтэй байгаа юм. Төрийн байгууллагуудад нь хариуцлагын тогтолцоо алга. Шүүх, прокурор, авилгатай тэмцэх газар гээд байгууллагууд нь өөрсдийн ажлаа хийж чадахгүй байна.
-Ардчилсан хүчний холбооны хувьд Төрийн бус байгууллага гэсэн статусаар явж байгаан байна?
-Тиймээ. Өнөөдөр намын шинэчлэл Төрийн бодлогын асуудлыг ярихаар заавал намын гишүүнчлэлтэй байхаас өөр аргагүй байдаг. Тэгэхээр намд элсэх боломжгүй, тийм эрхгүй байдаг төрийн албаныхан байдаг. Тэдэн дунд нийгмээ шинэчилье, улс эх орноо хөгжүүлье гэсэн бодолтой, зорилготой хүмүүс их байдаг . Эдгээр хүмүүсийг мөн нэгтгэх зорилготой юм.
Баярлалаа
Г.Анир
Зохиогчийн эрх хуулиар хамгаалагдсан. Мэдээлэл хуулбарлах хориотой.