Иргэдийн анхаарал болгоомжгүй байдлаас шалтгаалан нийслэлийн хэмжээнд ахуйг чанартай галын дуудлага буурахгүй, харин ч ихсэх хандлагатай байгааг мэргэжилтнүүд хэлж байна. Сүүлийн хоёр хоногт л гэхэд Нийслэлийн Онцгой байдлын газарт галын 17 дуудлага иржээ. Тухайлбал, өнгөрсөн даваа гаригт Сүхбаатар дүүргийн VIII хороо, Худалдаа үйлдвэрлэлийн дээд сургуулийн урд талын дулааны шугам шатаж байсныг Аврах гал унтраах аравдугаар ангиунтраасан байна. Мөн өдөр тус дүүргийн XI хороо, Сүхбаатар дүүргийн нэгдсэн эмнэлэгийн урд талд УБХ 79-23 улсын дугаартай Хюндай” загварын бага оврын автобус шатаж байсныг аврагчид унтраажээ.
Сонгинохайрхан дүүргийн XI хороо, Амины орон сууцны гуравдугаар гудамжинд УБВ 77-82 улсын дугаартай “Маяти” загварын бага оврын ачааны автомашин шатаж байсныг Аврах гал унтраах 29 дүгээр анги унтраасан байна.
Мөн Сүхбаатар дүүргийн XVII хороо, Хандгайтын задгайд иргэн Г-ийн 5х7 метрийн хэмжээтэй байшин шатаж байсныг Аврах, гал унтраах 34 дүгээр анги унтраасан аж.
Г.СҮРЭН
Зохиогчийн эрх хуулиар хамгаалагдсан. Мэдээлэл хуулбарлах хориотой.