Хаврын башёо ба 3сарын 14-нд эхлэх Осакагийн барилдааны эхний өдөр өмнөх башёод түрүүлсэн бөх эзэн хааны цомыг сумогийн холбоонд буцааж өргөдөг ёслолыг Асашёорү Дагвадорж өөрийн биеэр шадарлахгүй, түүнийг төлөөлж Тагасога галын тэргүүлэгч ба дэвжээний багш Такасога сумогийн холбооны Мүсашигава тэргүүнд эзэн хааны цомыг, шүүгчдийн хөлийн цэцдэд түрүү бөхийн сүлд тугыг буцаан залах ёслолыг түшинэ.
Аса шёрүү Д.Дагвадорж 2007оны Нагояагын барилдаанд түрүүлээд монголд эмчилгээ хийлгэж байх хугцаандаа хөл бөмбөг тоглосон учир сумогийн холбооны шийдвэрээр 3сар барилдах эрхээ хасуулж, 9сарын барилдаанд багш Такасога эзэн хааны цомыг сумогийн холбоонд буцаах ёслолыг гүйцэтгэсэн билээ.
Өмнөх сарын барилдаанд түрүүлээд дараагийн сарын барилдаанд зодог тайлсан тохиолдол 85жилийн дараа давтагдаж байгаа юм байна.
Аварга Токичияма 1925оны буюу японы тооллоор Тайшёогийн 14 оны1сарын барилдаанд түрүүлээд 5сарын барилдаанд зодог тайлжээ. Энэ үед сумог жилд 3 башёо барилддаг байжээ.
Жилд 6 барилдаан барилддаг болсоноос хойш түрүү авсан бөх дараагын барилдаанд зодог тайлж байгаа нь анх удаа юм.
Зохиогчийн эрх хуулиар хамгаалагдсан. Мэдээлэл хуулбарлах хориотой.