МҮОНТ-ийн Залуучууд, цэнгээнт нэвтрүүлгийн алба UFC корпорацийн дэмжлэгтэйгээр Монголын их дээд сургуулийн оюутан залуусын дунд өнгөрсөн оны 12-р сараас эхлэн АСК тэмцээнийг зохион байгуулж эхэлсэн. Монголын үндэсний телевиз 1971 оноос “АСК” буюу “Авхаалж сэргэлэнчүүдийн клуб” тэмцээнийг анх зохион байгуулж эхэлсэн бөгөөд энэ тэмцээнд үе үеийн монголын сор болсон оюутан залуус оролцож ирсэн билээ. 1990 онд энэ тэмцээн “Дэвжээ” нэртэйгээр зохион байгуулагдаж эхэлсэн бөгөөд энэ жилээс эргэн АСК нэртэйгээр явж эхлээд байгаа юм. Энэ жил АСК тэмцээнд нийт 80-аад их дээд сургуулийн 81 баг өрсөлдөж тэднээс шигшээ тоглолт буюу шилдэг 9-н тоглолтонд Орхон их сургуулийн “Орхоны акулууд”, Дарханы Техникийн дээд сургуулийн “М+АСК”, Кино урлагийн дээд сургуулийн “Ардын элч”, Идэр дээд сургуулийн “Smiling lions”, Шихихутаг дээд сургуулийн “Хийдлийн ангуучид”, Хилийн цэргийн дээд сургуулийн “Алтан шонхорын 10 өндөг”, МУИС-ийн Мэдээллийн технологийн сургуулийн “E-kids”, Өвөрхангай аймаг дахь ШУТИС-ийн Технологийн сургуулийн “Оюуны зангилаа”, Сэрүүлэг дээд сургуулийн “Цаг хугацаа” багууд өрсөлдсөн юм. Эдгээр 9 багаас хагас шигшээ тоглолтонд Кино урлагийн дээд сургууль, Хилийн цэргийн дээд сургууль, Сэрүүлэг дээд сургуулийн оюутан залуус авьяас чадвар, мэдлэг оюунаараа шалгарч үлдээд байна. Авхаалж сэргэлэнчүүдийн клуб буюу АСК тэмцээний 2010 оны аваргын төлөөх тоглолт энэ сарын 29-ний өдөр 12 цагаас МҮЭСТО-нд болох бөгөөд Ялагч болсон баг АСК тэмцээний ерөнхий ивээн тэтгэгч, оюутан залуусыг нийгмийн оролцоог дэмжигч UFC корпорацийн 10,000,000 төгрөгийн шагналын эзэн болох юм. Бүтэн хагас жилийн турш оюутан залуус баг болон нэгдэн нийлж, үеийнхээ залуустай оюун ухаан, авьяас чадвараараа өрсөлдөн нийгмийн бурангуй үзлийг илчлэн ёгтлон шүүмжилж, тэдгээрийг шийдвэрлэх арга замыг өөрийнхөөрөө гаргаж ирсэн юм.
Эдийн засаг:Хөрөнгийн биржийн менежментийн багийг гадаадынхан удирдах уу Тендерийн урилга: Бульдозерын Д-16 маркын сэлбэг нийлүүлэхЭнтертайнмент:Өнөөдөр бич өдөр Ажилд авна |
Цагдаагийн мэдээлэл:Бичиг баримтгүй хятад иргэд баригджээ Ногоон гэрэл - цагаан шугам” тэмцээн болноОнцгой байдлын газрын мэдээлэл:Тарваганд хазуулж тахал тусчээ Олон тооны зээр тодорхойгүй шалтгаанаар хорогдож байнаАвилгалтай тэмцэх газрын мэдээлэл:АТГ БНХАУ-ын Авлигаас урьдчилан сэргийлэхгазар хамтын ажиллагааны[...] БНХАУ-ын Авлигаас урьдчилан сэргийлэх газрын төлөөлөгчид манай[...]Нийслэлийн мэргэжлийн хяналтын газар:Үдийн цай хөтөлбөрийн хүрээнд хүнсний 11 үйлдвэрт шалгалт явуулжээ Боловсролын байгууллагуудад хийсэн шалгалтаар 2585 зөрчил илэрчээ |
Зохиогчийн эрх хуулиар хамгаалагдсан. Мэдээлэл хуулбарлах хориотой.