-ХААЛТТАЙ ХУРАЛДААНЫ НЭЭЛТТЭЙ СУРВАЛЖЛАГА-
Ингэж хэлэхээс өөр арга алга. Хэрэг дээрээ эх оронч царайлдаг тэд нэдэр дээрээ жинхэнэ царайгаа гаргажээ. МАХН-ын Удирдах зөвлөл, УИХ дахь МАХН-ын бүлгийн хамтарсан хурал уржигдар шөнө дөл хүртэл үргэлжилж, төрийн албыг цомхотгох тухай асуудлыг хэлэлцсэн байна.
УИХ-ын дарга захирамж гаргаж, Ч.Улаан гишүүнээр ахлуулсан ажлын хэсэг төрийн албыг 7000 хүнээр цомхотгож, эдгээр албан тушаалтанд дэд сайдууд, Нийслэлийн Засаг даргын орлогч, яам агентлагийн орлогч дарга нар, мөн сайд дарга нарын зөвлөхүүд, Засгийн газрын бүрэн эрхт төлөөлөгчид зонхилон багтахыг маш тодорхойгоор дурдсан билээ. Эдгээрийг цомхотгосноор төсөвт наад тал нь 430-аад сая төгрөгийн хэмнэлт гарах тооцоог ч хэвлэлийнхэнд нээлттэй мэдээлсэн.
Сайн мэдээ гэж хэлж болох УИХ-ын даргын энэ санаачилгад хамтран зүтгэгчид нь даажинтай хариу барьсан нь тун харамсалтай. 7000 хүнийг ажлаас хална гэж байж болохгүй, тэд яаж амьдрах юм хөөрхий гэх хандлагаар энэ тоон дээр тоглолт хийжээ. Нэг биш нэжгээд албан тушаалд өөрийн хүмүүсийг томилж авсан Хууль сахиулагч Ц.Нямдорж сайд ажлын хэсгийн энэ саналыг нэлээн эсэргүүцсэн дуулдана. Түүнийг Засгийн газрын кабинетынхан нь толгой дохин дэмжсэн аж.
Ямартай ч би та бүхэнд хийсэн ажлаа танилцууллаа гэхээс өөрийг хэлээгүй, ажлын хэсгийн ахлагч Ч.Улаан энэ тухай ярихдаа "Ирэх оны төсөвт энэ тухай оруулахаар болсон шүү дээ" гэх хүүхэд ч үнэмшихэд багадах тайлбар хийж суух юм. Харин УИХ-ын дарга хамтран зүтгэгчдийнхээ гаргасан энэ шийдвэрийг сонсч суухдаа тун сэтгэл дундуур байсан аж. Хэдийгээр түүнийг хөгшин настай, тэтгэвэрт гарах цаг нь боллоо гэдэг шүүмж дагаж явдаг ч энэ удаагийн гаргасан шийдвэрийг ард түмэн өөрсдөдөө тун ойрхон, хоолны мөнгө минь таван цаасаар ч гэсэн нэмэгдэх нь хэмээн чих тавин хүлээж байсансан. Гэвч Удирдах зөвлөл болон бүлгийн гишүүд түүнийг жаргаж явахад садаа хэмээн тоомжиргүйдэв. Бүр тэр ч байтугай энэ хоёрын хооронд мөнгийг хэмнэсэн ч яалаа, байсан ч яалаа хэмээн цамаархсан гэнэ шүү. Хүүхдийн мөнгийг эргүүлэн олгох тухай саналыг бүр ч хүлээж аваагүйгээр барахгүй, давхар халамж Монголын ард түмэнд ихдэнэ үү гэхээс багадаагүй гэж хатуурхлаа.
Ерөнхий сайд асан С.Баяр урсгал зардал болон төрийн энэ данхайсан зардлыг багасгахаар 37 болон 85 дугаар тогтоолыг гаргаж байсан боловч дэмжлэг аваагүй гэдэг. Үнэхээр нүдээ олсон, ард түмэнд ойрхон тусах иймэрхүү ажил хэрэгч саналууд УИХ-д орохоосоо өмнө намын өндөр босгыг давдаггүй нь ямар гачлан...
Боловсрол:Дэлхийн хэмжээний мэргэжилтэй монгол залуус Шинэхэн сурагчиддаа хичээлийн хэрэгсэл бэлэгллээЦагдаагийн мэдээлэл:Траншейнд амьдарч байсан иргэд нэгнийхээ амийг хөнөөжээ Цагдаагийн байцаагчидад сургалт явууланаОнцгой байдлын газрын мэдээлэл:105-аас мэдээллэж байна Он гарснаар 90 хүн усанд осолджээАвилгалтай тэмцэх газрын мэдээлэл:Төрийн үйлчилгээ хувь хүмүүсийн бизнес болж буйг таслан зогсоохоор[...] АТГ БНХАУ-ын Авлигаас урьдчилан сэргийлэхгазар хамтын ажиллагааны[...]Нийслэлийн мэргэжлийн хяналтын газар:Үдийн цай хөтөлбөрийн хүрээнд хүнсний 11 үйлдвэрт шалгалт явуулжээ Боловсролын байгууллагуудад хийсэн шалгалтаар 2585 зөрчил илэрчээ |
Зохиогчийн эрх хуулиар хамгаалагдсан. Мэдээлэл хуулбарлах хориотой.