Улаанбаатар хотын Захирагчийн ажлын албанаас нийслэлийн иргэд, хөл бөмбөг сонирхогчдын амралт, чөлөөт цагийг зөв боловсон өнгөрүүлэхэд нь зориулж, зуны сүүдрэвчтэй үйлчилгээ гаргахаар зориудаар тохижуулж ажлын байр бэлтгэсэн 64 аж ахуйн нэгжид улирлын үйлчилгээ эрхлэх зөвшөөрөл олголоо. Гурван сарын хугацаатай тусгай зөвшөөрөл авсан эдгээр аж ахуйн нэгжүүд нь хоол, ундааны үйлчилгээ эрхлэхээс гадна дарс, шар айраг худалдаалах бөгөөд “Архидан согтуурахтай тэмцэх тухай хууль”-ийн дагуу шөнийн 12 цагаас өглөөний 6 цагийн хооронд согтууруулах ундаа худалдаалахгүй юм.
Нийслэл, дүүргүүдийн цагдаагийн хэлтэс, Мэргэжлийн хяналтын газар болон иргэдээс удаа дараа ирүүлсэн санал, хүсэлт, дүгнэлтийг үндэслэн өнгөрсөн 7 хоногт нэр бүхий 61 аж ахуйн нэгжийн тусгай зөвшөөрөл эзэмших эрхийг хүчингүй болгосон билээ. Эдгээр газрууд нь тавьсан албан шаардлага, өгсөн үүрэг даалгавар, авсан арга хэмжээ, торгуул, шийтгэвэрийг үл ойшоон цаг хэтрүүлэн ажиллаж, хүүхэд залуучуудад архидан согтуурах, дарвин цэнгэх нөхцөл бололцоог хангаж, ямар нэгэн халуун хоол, ундаа борлуулахгүйгээр зөвхөн архи, дарс, шар айраг худалдаалж, нийгмийн дэг журмыг алдагдуулан, зодоон, танхай зэрэг гэмт хэргийн үйлдлийг байнга дагуулж, иргэдийн ая тухтай, аюулгүй орчинд амьдрах эрхийг зөрчиж байсан юм. Нийслэл Улаанбаатар хотод 2010 оны эхний хагас жилийн байдлаар архи, согтууруулах ундаа худалдах болон түүгээр үйлчлэх зөвшөөрөлтэй 2197 хүнсний дэлгүүр, 598 ресторан, 593 баар, 294 кафе нийт 3682 цэг салбар ажиллаж байна. Захирагчийн ажлын албаны даргын тушаалаар тусгай зөвшөөрлийг нь хүчингүй болгосон 61 ААН нь нийт цэг салбарын 0,02 хувийг эзэлж байгаа нь нийслэлийн иргэд төдийгүй хөлбөмбөг сонирхогчид чөлөөт цагаа ая тухтай өнгөрүүлэх боломжтой үйлчилгээний газрууд цаана нь хангалттай тоогоор ажиллаж байна гэсэн үг юм. Мөн тэдгээрийн хувьд зөвхөн архи, согтууруулах ундаа худалдах эрхийг нь хязгаарласан агаад хоол, ундаа, диско, хараоке, биллиард зэрэг бусад үйл ажиллагааг нь хориглоогүй байна.
Эдийн засаг:Хөрөнгийн биржийн менежментийн багийг гадаадынхан удирдах уу Тендерийн урилга: Бульдозерын Д-16 маркын сэлбэг нийлүүлэхЭнтертайнмент:Өнөөдөр бич өдөр Ажилд авна |
Цагдаагийн мэдээлэл:Бичиг баримтгүй хятад иргэд баригджээ Ногоон гэрэл - цагаан шугам” тэмцээн болноОнцгой байдлын газрын мэдээлэл:Тарваганд хазуулж тахал тусчээ Олон тооны зээр тодорхойгүй шалтгаанаар хорогдож байнаАвилгалтай тэмцэх газрын мэдээлэл:АТГ БНХАУ-ын Авлигаас урьдчилан сэргийлэхгазар хамтын ажиллагааны[...] БНХАУ-ын Авлигаас урьдчилан сэргийлэх газрын төлөөлөгчид манай[...]Нийслэлийн мэргэжлийн хяналтын газар:Үдийн цай хөтөлбөрийн хүрээнд хүнсний 11 үйлдвэрт шалгалт явуулжээ Боловсролын байгууллагуудад хийсэн шалгалтаар 2585 зөрчил илэрчээ |
Зохиогчийн эрх хуулиар хамгаалагдсан. Мэдээлэл хуулбарлах хориотой.