Уран зургийн галлерейг монголын олон үндэстэн язгууртнууд ойрын өдрүүдэд чимэх нээ. Монголчууд бид дөнгөж 2сая 800-лахнаа гэж та бодож байна уу. Үгүй ээ. Бид түүнээс олон дахин их юм байна. Үүнийг дэлгэрэнгүй мэдэхийг хүсвэл та уран зургийн галлерейг ойрын өдрүүдэд зориорой.
Өнөөдөр нээлтээ хийсэн уг үзэсгэлэн Дэлхийд тархан суурьшсан Монголчуудын ахуй амьдрал, нийгмийн байдал, шашин шүтлэг, боловсрол, хэл соёл, зан заншлаа хэрхэн авч үлдсэн талаарх мэдээллийг агуулж байгаагаараа онцлог юм.
“Монголын төлөө зүрх бүхэнд” гэсэн энэхүү уран зургийн үзэсгэлэнгийн нээлт өнөөдөр 12 цагт болсон юм. Хамгийн доод тал нь 370 жил, цаашлаад 800-аад жилийн өмнөх хаягдсан гэх монголчууд өнөөдрийг хүртэл элэг нэгтнээ хүлээн бэтгэрэн амьдарчээ. Тэдний энэ бэтгэрсэн сэтгэлийг бага ч болов дэвтээсэн “Tasam” хөтөлбөрийнхөн “Тархан суурьшсан монголчууд” ТББ-ынхан хамтран судалгаа явуулж, баримтат мэдээллүүдийг бэлтгэн, зурагжуулж буулган өнөөдрийн үзэсгэлэнд дэлгэн тавьсан байна.
Тархан суурьшсан Монголчуудын байгууллага Монголын байлдан дагууллын явцад дэлхий даяар тархан суурьшсан монголчуудыг ихэвчлэн тайван биш хаалттай нийгэмд хайж, судалгаагаа чиглүүлжээ.
Эдгээр дэлгэн тавьсан гэрэл зургуудад Дээд монгол, Цагаан монгол, Цастын монгол, Дунсиань, Хазара, Шиньжааны монголчуудын тухай болон Афганистан , Турк, Иран дахь Монголын үеийн алдарт дурсгалуудын тухай 120 сурвалжлага гэрэл зургийг бэлтгэн тавьсан байна.
Тус үзэсгэлэнгийн үеэр үзүүлж байсан баримтат кинонд Цагаан монголчууд буюу Тунтраахиймаачуудын талаар өгүүлсэн хэсэг нь үзэсгэлэнг үзэж буй хүмүүсийн сэтгэлийг хөдөлгөж, нүдэндээ нулимс дуслуулж байгаа ч хүн харагдсан.
Тэдний өгүүлж буй дуунууд нь Чингис хаанаа дээдэлж алс холоос Чингисийн морьтон цэргүүд биднийг ирж авна хэмээн горьдлого тээсэн байгааг сонссон хэн ч болов сэтгэл нь хөдлөхгүй байхын аргагүй.
“Монголын төлөө зүрх бүхэнд” гэсэн энэхүү үзэсгэлэнгийн арга хэмжээний үеэр Цогт тайжийн үеийн 370 жилийн тэртээх Дээд монголчуудаас 15 төлөөлөл ирж оролцлоо. Тэд өөрсдийн үндэснийхээ хувцас хэрэглэлийг тэр чигээр нь авч үлдэж чаджээ. Тэд бол Хөх нуурын Монголчууд. Мөн цаашлаад Шинжааны Монгол, Юнаны, Ганьсугийн, Сычуаны Монгол гэх мэтээр хөвөрч өгнө. Дээд монголчуудын талаар түүхэнд үлдсэнээр 17-р зууны дунд үед Төвдийн бурхны шашин Гэлүг-па болон бидний хэлж заншсанаар шарын шашин, Нинма-па буюу бидний мэдэх улааны шашин хоёрын мөргөлдөөн ширүүсч Халхын Цогт хун тайж улааны шашинтан байж, түүнийгээ өмгөөлөн дэмжиж Хөх нуурт ирэн шарын шашинтнуудыг алж талан, шахан гадуурхаж, тэр үеийн шарын шашны тэргүүн 5-р Далай ламын байр суурийг хөдөлгөж эхэлсэн гэдэг.
Яг л энэ мөчид Ойрд монголчууд шарын шашинтан байж, мөн тэд дотроо бэлчээр нь хүрэлцэхгүй багталцаж ядан байх тэр мөчид 5-р Далай лам дөрвөн ойрдын нэг Хошуудын хан Төрбайхыг залан, туслан тэтгэж Халхын Цогт ханы халдалгаас хамгаалж өгөхийг хүсчээ. Хятадын баруун хойт хэсгийн Гансу, Сичуан, Шижан, Шинжаан дөрвөн мужын дунд орших уугуул Төвдүүдийн нутаг болох Чинхай буюу монголоор Хөх нуур мужид төвд, хятад болон хасаг, хотон, салар лалын шашинтнуудын дунд аж төрдөг Хавт Хасарын удам, түүхэнд бол Хошууд гэгдэх дөрвөн Ойрдын нэг одоогийн Дээд монголчууд аж.
Энэ мэт монголчуудын олон үндэс язгууртнуудын түүхийг өгүүлсэн судалгаа, дэлгэн тавьсан зургуудын монголын архивт хадгалан үлдэх гэнэ.
Тэдний дэлгэн тавьсан зурагнуудаас дурьдвал Илхадын үеийн булш бунхан, өнөөгийн Иран дахь монголчуудын амьдарч байсан туйр байшин, хэрэглэж байсан зоосон мөнгө ч хадгалагдан үлджээ.
Г. Туул
Эдийн засаг:Хөрөнгийн биржийн менежментийн багийг гадаадынхан удирдах уу Тендерийн урилга: Бульдозерын Д-16 маркын сэлбэг нийлүүлэхЭнтертайнмент:Өнөөдөр бич өдөр Ажилд авна |
Цагдаагийн мэдээлэл:Бичиг баримтгүй хятад иргэд баригджээ Ногоон гэрэл - цагаан шугам” тэмцээн болноОнцгой байдлын газрын мэдээлэл:Тарваганд хазуулж тахал тусчээ Олон тооны зээр тодорхойгүй шалтгаанаар хорогдож байнаАвилгалтай тэмцэх газрын мэдээлэл:АТГ БНХАУ-ын Авлигаас урьдчилан сэргийлэхгазар хамтын ажиллагааны[...] БНХАУ-ын Авлигаас урьдчилан сэргийлэх газрын төлөөлөгчид манай[...]Нийслэлийн мэргэжлийн хяналтын газар:Үдийн цай хөтөлбөрийн хүрээнд хүнсний 11 үйлдвэрт шалгалт явуулжээ Боловсролын байгууллагуудад хийсэн шалгалтаар 2585 зөрчил илэрчээ |
Зохиогчийн эрх хуулиар хамгаалагдсан. Мэдээлэл хуулбарлах хориотой.