Бүтэн гурван сарын турш “UBS” телевизээр явагдсан “Universe best songs” уралдааны “Гала” тоглолт болж ялагчаар нь Ч. Цэлмүүн тодорсон билээ. Бас тодотгоход тэрээр урлагийн оддын гэр бүлээс төрөн гарсан нэгэн гэнэ.
Та бидний сайн танил Киви хамтлагийн Намуунааг хүмүүс андахгүй. Түүнийг өвөө нь Ухнаа гуай ч мөн бидний хайрлан хүндэтгэдэг Урлагийн гавьяат зүтгэлтэн. Тэгвэл энэхүү томоохон гэр бүлийн нэгээхэн гишүүн нь уг шоуны маань ялагч Ч. Цэлмүүн аж. Учир нь тэрээр Кивигийн Намуунаагийн төрсөн дүү нь гэнэ.
Мэдээж энэхүү тэмцээнд шилдгийг нь тодруулахаар монголын сор урлагийн гавьяатууд маань шүүж байсан. Шүүгчдийн бүрэлдэхүүнд ч тэдний өвөө Ухнаа гуай багтаж байсаныг хүмүүс мэдэж байгаа.
Гурван сар үргэлжилсэн энэхүү шалгаруулалтын сүүлийн шатны сүүлийн хоногуудад Ч. Цэлмүүнийг ялах нь тодорхой гэсэн шуум ч гадуур яригдах болсон. Энэ ёсоор ч болсон.
Олон олон шоу тэмцээний нэгээхэн бичигдээгүй хууль ёсоор энэ удаагийн шоу ч түүний жишгийг дагасан гэгдэх яриа гадуур чих дэлсэх боллоо. Ямарваа нэгэн тэмцээнд өөрийн хүч авхаалж самбаа, авъяас чадвараа харуулж байж ялалт байгуулдаг бол энэ удаагийн “Universe best songs” –д түрүүлсэн Ч. Цэлмүүнийг “ олон хүнд тоглолтын билет худалдан авч өгч өөрийгөө дэмжүүлж үзүүлсэн” гэгдэх нь ч мөн олны үг ортой гэдэг үгээр батлагдах шиг.
Улаанбаатар паласыг битүү дүүргээд авсан уг шоуны үзэгчдийн гуравны нэг нь Ч. Цэлмүүнийг дэмжигч нар байсан гэдгийг батлуулалтгүй үзэгчид маань санаж байгаа болов уу. Тиймээс үзэгчдийн санал асуулгаар шүүгдсэн тэмцээний ялагч нь шудрагаар тодорч чадсан гэхэд эргэлзэх хүн цөөнгүй байна. Тэмцээнд илт давамгай байдлаар төрүүлсэн Ч. Цэлмүүний бас нэгэн тактик нь хөдөлгөөн байсан гэнэ.
Сонгууль нь хөдөлгөөнөөр гоёдог байсан бол одоо бүр шоу тэмцээн нь ч тэр, хөдөлгөөнөөр гоёдог моод гарчээ. Мэдээж нэр дэвшигчийг дэмжих хөдөлгөөн гэж байхад шоунд оролцогчийг дэмжих хөдөлгөөн байж болохгүй юм байхгүй л дээ. Гэвч хөөрч байгуулагдсан хөдөлгөөнүүд хэр удаан настайг нь ёстой л цаг хугацаа харуулах биз. Энэ жилийн сонгуульд ч олон хөдөлгөөнийг бий болгосон бол уг тэмцээн ч мөн хэд хэдэн хөдөлгөөнийг бий болгосон гэх. Түүний нэг хөдөлгөөн нь Ч. Цэлмүүнийг дэмжих хөдөлгөөн гэнэ. Харин тэргүүлэгч нь DZ man гээд бидний сайн танил Улс төрийн тоймч Дашцэвэг гуайг байсан гэгдэх яриа ч бас тархаад эхэлчихлээ.
Тиймээс сүүлийн үеийн өрсөлдөөн тэмцээн шоуны жишгийг харахад “ ямар ч өрсөлдөөнд өөрийн ур чадвараа гололгүй жоохон сэргэлэн зангаар хөдөлчихвөл ялалт байгуулж болдог юм байна гэдгийг сүүлийн хэдэн жил болж байгаа шоу уралдаан, сонгууль нь ч батлаад өгчихлөө.
Боловсрол:Дэлхийн хэмжээний мэргэжилтэй монгол залуус Шинэхэн сурагчиддаа хичээлийн хэрэгсэл бэлэгллээЦагдаагийн мэдээлэл:Траншейнд амьдарч байсан иргэд нэгнийхээ амийг хөнөөжээ Цагдаагийн байцаагчидад сургалт явууланаОнцгой байдлын газрын мэдээлэл:105-аас мэдээллэж байна Он гарснаар 90 хүн усанд осолджээАвилгалтай тэмцэх газрын мэдээлэл:Төрийн үйлчилгээ хувь хүмүүсийн бизнес болж буйг таслан зогсоохоор[...] АТГ БНХАУ-ын Авлигаас урьдчилан сэргийлэхгазар хамтын ажиллагааны[...]Нийслэлийн мэргэжлийн хяналтын газар:Үдийн цай хөтөлбөрийн хүрээнд хүнсний 11 үйлдвэрт шалгалт явуулжээ Боловсролын байгууллагуудад хийсэн шалгалтаар 2585 зөрчил илэрчээ |
Зохиогчийн эрх хуулиар хамгаалагдсан. Мэдээлэл хуулбарлах хориотой.