Дэлхий нийтээр Ираныг харж байна. Өчигдөр шөнө Тегераны талбай дээр цугларсан жагсагчид руу хүчнийхэн гал нээж, бороохойдсон байна. Эх сурвалждаас сонсвол тэд хүмүүсийг “амьтад” шиг л зодож байсан.
Доод тал нь Иран дах нууц хоёр сурвалжаас Тегераны жагсаалыг дарах гэсэн хүчнийхний оролдлого улам зэрлэг, хүчирхийллийн шинжтэй болж байна гэжээ.
“Тэд биднийг хүлээж байсан. Тэд бүгд буутай, онцгойгийн хувцастай байсан. Энэ яг л хулганы хавх шиг байсан” гэжээ. Мөн “Би маш олон хөл , гар нь хугарсан, толгойдоо шархадсан хүмүүсийг харсан. Хаа сайгүй цус байсан. Яг дайн шиг” гэсэн байна.
500-аад бороохойтой цэргүүд лалын сүмээс гэнэт гарч ирэн, талбай дээр байсан хүмүүс лүү дайрсан аж. Тэд эмэгтэй хүмүүсийг ч хамаагүй зодож, хүмүүсийг шууд буудаж байсан бололтой.
“Тэд нэг эмэгтэй аймар зодсон. Тэр эмэгтэй цус нөж болсон байсан” гэж Тегеранд үйл явдал дээр байсан өөр нэг эх сурвалжаас СНН-д нууцаар мэдээлсэн байна.
Энэ мэдээлэл шуурхай бөгөөд нууцаар ирсэн учраас СНН ямар нэг зураг байхгүй тухай мөн онцоллоо. Тэдний сэтгүүлчдийг Тегеранд ажиллахыг Ираны эрх баригчид хориглоод байгаа билээ.
Зохиогчийн эрх хуулиар хамгаалагдсан. Мэдээлэл хуулбарлах хориотой.