Өнгөрсөн амралтын өдөр орсон борооны улмаас олон хүн гол усны аюул д өртжээ. Азаар хүний амь нас эрсдээгүй ч гэлээ цаашид цаг агаарын байдал ойрын өдрүүдэд тогтворжихгүй учраас иргэдийг гол усны аюулаас сэрэмжлэхийг холбогдох байгууллагуудаас анхааруулж байна.Тухайлбал нийслэлийн Налайх дүүргийн I хорооны нутаг дэвсгэр Заан тэрэлжийн гарам дээр “Ланд-100”маркийн хоёр автомашин усанд суусан байна. Уг автомашины 1 машиныг нь уснаас гарган 2 дахь машиныг гаргахаар онцгой байдлын алба шуурхай ажиллаж байна. Автомашинд Чех улсын ЭСЯ-ны 13 ажилтан, сэтгүүлч, газарчин орчуулагч 20-иод хүнийг завиар гаргаж аварчээ.
Түүнчлэн нийслэлийн Хан-Уул дүүргийн 9 дүгээр хорооны нутаг дэвсгэрт Морингийн давааны ар талд Туул голд 22 настай эмэгтэй Г болон 71 настай С нар голын дунд хашигдсан байсныг аврах ангиуд шуурхай ажилласны дүнд аварч гаргасан бол мөн дүүргийн 13 дугаар хороо Зайсангийн 2-25 тоотод оршин суугч 26 настай,эрэгтэй Ц-г мөн хорооны 3-14 тоотод оршин суугч 26 настай,эрэгтэй А нар голын салаан дунд усанд боогдсон байсныг гарган авч хөдөлгөөнт эргүүлийн бүрэлдхүүнд хүлээлгэн өгсөн байна.
Зохиогчийн эрх хуулиар хамгаалагдсан. Мэдээлэл хуулбарлах хориотой.