Нийслэлийн Багануур дүүрэгт “Энтеровирус-71”-ээр үүсгэгдсэн гар, хөл, амны өвчин гарсан байна. Тус дүүргийн III хороонд долоон настай нэг охин, IV хороонд есөн сартайгаас 10 хүртэлх насны таван хүүхэд уг өвчний халдвар авчээ. Тэд дүүргийн хэгдсэн эмнэлгийн тусгай тасагт хэвтэн эмчлүүлж байгаа аж.
Үүссэн нөхцөл байдалтай хологдуулан Нийслэлийн Засаг даргын 113 тоот захирамжийн дагуу дүүргийн эрүүл мэндийн нэгдлийг өндөржүүлсэн бэлэн байдалд оруулжээ. Тус дүүрэгт байгалийн голомтод халдварт өвчин судлалын үндэсний төв, Мэргэжлийн хяналтын алба, өрхийн эмнэлгийн эмч нар хамтран айлууд олон сургууль, цэцэрлэгүүдэд ариутгал халдваржгүйжүүлэлт хийж, байнгын бэлэн байдалд шилжийн ажиллаж байна.
Мөн Төв аймгийн Баян дэлгэр суманд хоёр настай нэг хүүхэд гар, хөл амны өвчнөөр халдвар авч, сумын эмнэлэгт хэвтэн эмчлүүлж байгаа гэнэ.
Урин дулааны цагт энтеровирусын халдвар ихэсдэг тухай мэргэжилтнүүд анхааруулж байна. Бохироос үүдэлтэй энэ халдварт өвчин бага насны хүүхдүүдийн дунд нийтлэг тохиолддог. Өвчний илрэх шинж тэмдэг нь халуурч хоолонд дүргүй болох, бие сулрах зэрэг хордлогын шинжээр илэрдэг байна. Ихэвчлэн хоолой залгиур улайж амны хөндийн салст завьж, буйл, хэл, гарын алга, хөлийн ул, хурууны салаануудаар толбот гүвдрүү, цэврүүт тууралт гардаг аж. Энэ өвчин агаар дусал, ахуй хавьтлын замаар хүнээс хүнд дамжин халдварлана. Харин шавьж, хоол хүнсээр дамждаг болох нь одоохондоо тогтоогдоогүй байна.
Гар, хөл, амны өвчний нууц үе нь 3-5 хоног байдаг гэнэ. Энтеровирусээр голдуу арав хүртэлх насны хүүхдүүд өвчилдөг. Мөн ховорхон тохиолдлоор насанд хүрэгчид өртөх магадлалтай аж.
Иймд мэргэжилтнүүд дараахь зөвлөмжийг өглөө. Хүн ам олноор цугларсан газарт бага насны хүүхдээ дагуулж явахгүй байх, түүхий ус уухгүй байх, баталгаатайг нь хэрэглэх, өрөө тасалгааг чийгшүүлж, агааржуулж, өдөр бүр чийгтэй цэвэрлэгээ хийх хэрэгтэй гэв. Мөн хүүхдийн хамар хоолойн цочмог болон архаг үрэвслийг даруй эмчлүүлэх, аминдэмээр баялаг хоол, хүнс хэрэглэхийг зөвлөлөө. Хамгийн гол нь хүүхдийнхээ гарыг тогтмол савандаж угаахыг сануулав.
М.Мөнх
Боловсрол:Дэлхийн хэмжээний мэргэжилтэй монгол залуус Шинэхэн сурагчиддаа хичээлийн хэрэгсэл бэлэгллээЦагдаагийн мэдээлэл:Траншейнд амьдарч байсан иргэд нэгнийхээ амийг хөнөөжээ Цагдаагийн байцаагчидад сургалт явууланаОнцгой байдлын газрын мэдээлэл:105-аас мэдээллэж байна Он гарснаар 90 хүн усанд осолджээАвилгалтай тэмцэх газрын мэдээлэл:Төрийн үйлчилгээ хувь хүмүүсийн бизнес болж буйг таслан зогсоохоор[...] АТГ БНХАУ-ын Авлигаас урьдчилан сэргийлэхгазар хамтын ажиллагааны[...]Нийслэлийн мэргэжлийн хяналтын газар:Үдийн цай хөтөлбөрийн хүрээнд хүнсний 11 үйлдвэрт шалгалт явуулжээ Боловсролын байгууллагуудад хийсэн шалгалтаар 2585 зөрчил илэрчээ |
Зохиогчийн эрх хуулиар хамгаалагдсан. Мэдээлэл хуулбарлах хориотой.