Монгол Улсын Ерөнхийлөгч Н.Энхбаяр сонгуулийн сурталчилгааныхаа уулзалтыг “UB палас”-т өнгөрсөн бямба гаригт зохион байгууллаа. Тэрбээр сонгуулийн сурталчилгаандаа явахдаа ар, урдаа олон тооны хамгаалалтын машин дагуулж, дохион хангинуулан явах нь олон нийтэд ямар нэг том осол гарсан мэт сэтгэгдэл төрүүлж байсан юм. Мөн төрийн тэргүүнийхээ бүрэн эрхийг сонгуулийн сурталчилгаанд ашиглаж байгаа нь олны дургүйцлийг төрүүлж байлаа.
Дээрхийг бага хэрэг гэхэд болно. “UB палас”-т болсон уулзалтыг сонгуулийнх нь штаб зохион байгуулж, бэлтгэсэн хүмүүсийг оруулсан нь хэн ч харахад ойлгомжтой байв. Ерөнхийлөгч ард түмний амьдарлыг сайн, сайхан болгохоо амласны дараа хөгшчүүд ёстой нэг магтаалын үг урсгаж гарав. Нэг өвөө Ерөнхийлөгчдөө зориулав гээд дуулсны дараа нэгэн эмэгтэй “Би өглөө бүр таныхаа төлөө сүүнийхээ дээжийг өргөдөг. Улсынхаа тэргүүнийг чин сэтгэлээсээ хүндэлдэг” гэхчилэн зулгуйдсан үгсийг урсгаж гарлаа. Энэ бүхнийг сонссон Ерөнхийлөгчийн нүүр улайн, доошоо харахаас өөрийг хэлж чадахгүй байсныг нуух юун.
Зохиогчийн эрх хуулиар хамгаалагдсан. Мэдээлэл хуулбарлах хориотой.