АНУ-ын Ерөнхийлөгч асан Билл Клинтон Пхеньянд өчигдөр морилон ирсэн билээ. Тэрбээр Хойд Солонгосын шоронд хоригдоод буй АНУ-ын хоёр эмэгтэй сэтгүүлчдийн асуудлыг шийдэхээр хүрэлцэн ирсэн юм. Өөрөөр хэлбэл ноён Клинтон “12 жил хөдөлмөрийн лагерьт хоригдох ял” аваад буй Лаура Линг, Ёна Ли нарыг суллах зорилго өвөртөлсөн байгаа.
Тэгвэл Клинтоны зорилго бүтжээ. Тэрбээр өчигдөр орой хоёр сэтгүүлч эмэгтэйтэй цуг нутаг буцсан байна. Хойд Солонгосын удирдагч Ким Чен Ир сэтгүүлчдэд тусгай өршөөл үзүүлснээр ийн суллагдах болжээ.
Ноён Клинтон болон удирдагч Ким Чен Ир нарын хооронд их удаан яриа болсон нь ашиг тусаа өгсөн бололтой. Клинтон хэлэхдээ “Ийнхүү хоёр сэтгүүлчдэд энэрэнгүй сэтгэлээр хандаж суллаж байгаа нь танай улсыг дэлхий дахинд хүмүүнлэг, энэрэнгүй улс гэдгийг харуулж байна” хэмээжээ.
Лаура Лин, Ёна Ли гэх сэтгүүлч эмэгтэйчүүдийг гуравдугаар сард Хятадын хилээр Хойд Солонгос руу орж байхад нь баривчилсан бөгөөд тэднийг хууль бусаар хил нэвтэрсэн, улсын нууцад халдах гэсэн зэрэг хэргээр ийн хориод байгаа юм. Гэвч эх сурвалжийн хэлж байгаагаар хоёр сэтгүүлчийг зураглаачтайгаа цуг хоёр улсын хил дээрх аж амьдралыг харуулсан баримтат кино хийхээр явсан гэж байгаа аж. Баривчлагдах үед зураглаач нь зугтаж амжсан байна. Хэдий тэд Хойд Солонгос гаралтай ч АНУ-ын иргэншлийг хэдэн жилийн өмнө олж авсан ажээ.
Ажиглагчид Ким ийнхүү сайхан сэтгэл гаргаж байгаа нь Вашингтонтой харьцаагаа сайжруулах гэж улайрч байгаагийн илрэл гэнэ.
Ким Чен Ир өнгөрсөн жил харваснаас хойш бие нь ихэд муудсан бөгөөд нойр булчирхайн хавдартай болсон ингэж Өмнөд Солонгосын тагнуулын албанаас мэдээлж байгаа юм. Тиймээс удахгүй Хойд Солонгос шинэ удирдагчтай болох бөгөөд түүний дунд хүү Ким Чен Ан нь удирдагчаар томилогдож магадгүй байгаа юм.
Нөгөөтэйгүүр ноён Клинтоны айлчлал Вашингтон болон Пхеньяны харилцаа хурцадмал байгаа эгзэгтэй үед таарч байгаа аж. Тэд сүүлийн саруудад Хойд Солонгосын цөмийн хөтөлбөрөөс болж тун таарамж муутай байгаа юм. Хойд Солонгос дээр нь Орос, Япон, Хятад, АНУ, хоёр Солонгос нарын оролцдог Цөмийн зургаан талт хэлэлцээрээс татгалзсан нь улам ч хачир болж Олон улсын зүгээс ихээхэн “банга” хүртээд байгаа.
Харин өчигдрийн энэхүү хэрэг явдал тэдний харьцааг сайжруулахад ихээхэн нөлөө үзүүлнэ гэж олон ажиглагчид үзэж байгаа юм байна.
Боловсрол:Дэлхийн хэмжээний мэргэжилтэй монгол залуус Шинэхэн сурагчиддаа хичээлийн хэрэгсэл бэлэгллээЦагдаагийн мэдээлэл:Траншейнд амьдарч байсан иргэд нэгнийхээ амийг хөнөөжээ Цагдаагийн байцаагчидад сургалт явууланаОнцгой байдлын газрын мэдээлэл:105-аас мэдээллэж байна Он гарснаар 90 хүн усанд осолджээАвилгалтай тэмцэх газрын мэдээлэл:Төрийн үйлчилгээ хувь хүмүүсийн бизнес болж буйг таслан зогсоохоор[...] АТГ БНХАУ-ын Авлигаас урьдчилан сэргийлэхгазар хамтын ажиллагааны[...]Нийслэлийн мэргэжлийн хяналтын газар:Үдийн цай хөтөлбөрийн хүрээнд хүнсний 11 үйлдвэрт шалгалт явуулжээ Боловсролын байгууллагуудад хийсэн шалгалтаар 2585 зөрчил илэрчээ |
Зохиогчийн эрх хуулиар хамгаалагдсан. Мэдээлэл хуулбарлах хориотой.