2009 оны “Оросын гоо бүсгүй”-гээр шалгарсан Софья Рудева өнгөрсөн жил Санкт-Петербургийн их сургуулийг төгссөн юм. Энэ сард болох “Дэлхийн гоо бүсгүй”-г шалгаруулах тэмцээнд тэрбээр ОХУ-ыг төлөөлөгч оролцох билээ. Тэмцээний бэлтгэлээ хийж байгаа түүнтэй уулзаж ярилцсаныг сонирхуулъя
-Хоёр бүсгүйн нэг нь сайханд тооцогддог Оросын гоо бүсгүйгээр шалгархад ямар сэтгэгдэл төрсөн бэ?
-Энэ бол маш их нэр хүндтэй цол, маш том амжилт. Энэ титмийн зээн болсондоо би маш аз жаргалтай байна. Орос бол олон үндэстэн амьдардаг, маш олон сайхан бүсгүйтээ орон гэдэгтээ би санал нэгддэг. Манай улсын 50 гоо бүсгүй надтай цуг энэ тэмцээнд оролцсон. Оролцсон бүсгүй болгон бүс нутагтаа шалгарсан байсан. Гэхдээ би титмийн эзнээр шалгарсан. Би маш их аз жаргалтай байгаа бөгөөд энэ бол хувь заяаны хишиг гэж боддог. Тиймээс хүмүүсийн итгэл найдварыг алдахгүйг хичээх болно.
-Ийм нэр хүндтэй цол хүртэхийн сөрөг тал гэж бий юу?
-Надад хэцүү байна гэж би хэлэхгүй. Гэхдээ үүнд аажмаар дасч байна. Сэтгүүлчид болон олон түмэн миний үйлдэл болгоныг ажиглаж байгаа. Би нэр хүндээ зөв авч явах ёстой.
-Чамд хүн бүр анхаарал хандуулж байгаа нь таалагдаж байна уу?
-Энэ бол миний хамгийн гол зорилго гэж би хэлэхгүй. Байнга камерийн өмнө байх нь миний хүсээд байсан зүйл биш л дээ. Гэхдээ энэ нь намайг улам их сэтгэлийн тэнхээтэй болгож байгаа бөгөөд энэ ашиг бүрт би талархадаг.
-Гадаад төрхийн чинь талаар байнга ярьж байгаа нь яршигтай санагддаг уу?
-Үгүй, яршигтай санагдаггүй. Энэ цол намайг үргэлж биеэ сайхан авч явахыг үүрэг болгосон. Энэ нь хүмүүсийн анхаарлыг татдаг тиймээс миний гадаад байдлын тухай байнга ярьдаг. Гэхдээ би үүнд баярладаг бөгөөд гоо үзэсгэлэн гэдэг миний хувь хүний зөвхөн нэг тал нь гэж боддог.
-Би яг энэ тухай таниас асуух гэсэн юм. Та гоо бүсгүйгээр шалгархыг үргэлж хүсдэг байсан уу. Эсвэл үүнээс илүү ихийг хүсч байсан уу?
-Үгүй. Үнэндээ бол эцэг эх маань миний амьдралыг өөрөөр төсөөлж байсан. Тэд маань зураач л даа. Би ч гэсэн зураач болох гэж байсан. Би багадаа 10 жил зураачийн сургуульд суралцсан. Дараа нь театрын студид хичээллэсэн. Гэнэт өөр юм хиймээр санагдсан. Том болоод өөртөө эргэлзэх болсон. Урьд өмнө нь жишээ нь би хэзээ ч банзал өмсдөггүй байсан.
-Гадаад төрхийнхөө ямар нэгэн доголдлыг нуухын тулд өмсдөггүй байсан юм уу?
-Үгүй. Хүүхэлдэй шиг хувцасласан охид надад таалагдаггүй байсан. Би том болоод загвар өмсөгчийн агентлагт очдог болсноос хойш бүх юм өөрчлөгдсөн. Хүүхэд том болохоороо өөрчлөгддөг шүү дээ.
-Танд загвар өмсөгч болох ёстой юм байна гэж бодогдох үе байсан уу эсвэл аажмаар үүнийг ойлгосон уу?
-15 нас хүрч загвар өмсөгчийн агентлагт орсоноосоо хойш үүнийг ойлгосон. Охидуудад өөрийнхөө давуу талыг гаргах нэг юм хэрэгтэй гэж боддог. Ингэснээр өөрийгөө хөгжүүлдэг. Хэрвээ би ингээгүй бол яг л эрэгтэй хүүхэд шиг л байх байсан.
-“Оросын гоо бүсгүй” болсоноос хойш таны дотоод сэтгэлд ямар өөрчлөлт гарсан бэ?
-Өөрчлөлт бол шууд л харагдах байх. Эхэндээ энэ бүхэнд дасахад хэцүү байсан л даа. Хэлж, хийж байгаа бүхнээ гоё байлгах хэрэгтэй болсон. Одоо бол би буяны үйл ажиллагаа, загвар өмсөх, зураг авалт гээд маш олон зүйл төсөл дээр ажиллаж байна.
Энэ бол зүгээр нэг загвар өмсөгч байхаас огт өөр л дөө. “Оросын гоо бүсгүй” гэдэг цол нь өөрийн гэсэн дүр төрх юм. Гаднаа төдийгүй дотроосоо сайхан байх хэрэгтэй. Хүн бүр л чиний гоо сайхныг олж харахыг хүсч байна шүү дээ.
-“Оросын гоо бүсгүй” тэмцээнд оролцож байхдаа ямар шалгуураар орсон бэ?
-Тэмцээний үеэр оролцогч бүсгүйчүүдтэй бүтэн сар цуг амьдарсан. Өөрийгөө боловсруулж, өдөрт 6 цаг дасгал сургууль, аэробик, фитнесс хийдэг байсан. Сэтгэл зүйн хувьд энэ нь амаргүй байсан. Маш ардчилсан үзэлтэй байж, бусдыг гомдоохгүй байх хэрэгтэй болсон.
-Ийм тэмцэл нь хэцүү юу. Тэмцээнд оролцож байгаа бүсгүйчүүд янз бүрийн эвгүй арга хэрэглэдэг гэдэг?
-Би таны сэтгэлийг гонсойлгох хариу өгөх байна. Тэмцээний үеэр бүсгүйчүүд бие биенийхээ гутлын өсгийг хугалах зэрэг янз бүрийн эвгүй юм хийдэг гэдэг. Энэ бол худлаа. Би цэргүүдтэй зүйрэлмээргүй байна. Гэхдээ байнга цугтаа дасгал сургууль хийж байсан нь бүсгүйчүүдийг улам хооронд нь нягтруулж өгсөн. Хэн нэг нь бусдаасаа ялгарах гэсэн бол энэ бүх давааг давж чадахгүй.
-Би ямар нэгэн гунигтай явдлын тухай сонсох гэсэн юм л даа. Та яагаад энэ тэмцээнд түрүүлсэн бэ. Энэ талаар юу гэж бодож байна?
-Өөртөө итгэлтэй, шаргуу байсны ачаар би энэ тэмцээнд түрүүлсэн. Миний ертөнцийг үзэх үзэл нээлттэй бөгөөд би байгаараа л байсан. Би өөрийгөө хүндэлдэг тиймээс ч өөрийгөө гоо сайханы хатан хаан гэж боддог. Би бүр багаасаа л өөрийнхөө хүч чадалд найддаг байсан. Энэ нь надад тус болсон байх гэж боддог. Өөрөөр хэлэх юм бол миний өөртөө итгэлтэй байдал.
-Танд ямар нэгэн өө бий юу?
-Гадаад төрхийн хувьд ямар ч бүсгүйд өө байдаг. Би сэтгэлийн маш их тэнхээтэй болохыг хичээдэг. Ирээдүйд ямар ч болсон хүч тэнхээтэй хэвээрээ байгаасай гэж боддог. Энэ бол эмэгтэй хүний хувьд хамгийн чухал зүйл гэж би боддог.
-Та шагналынхаа мөнгөний нэлээд хэсгийг тэнэмэлд амьтдад зориулна гэсэн. Буяны үйлс гэдэг таны нэг хэсэг үү?
-Өнчин хүүхэд, хаягдсан амьтдад санаа тавьдаг ямар сайн бүсгүй вэ гэж хэлүүлэхийн тулд хийж байгаа юм биш гэдгийг хэлмээр байна. Би буяны үйлс хийдэг, гэхдээ энэ нь миний нийгэмд оруулж буй хувь нэмэр. Тулгамдсан асуудал байгааг би харж байгаа тул туслахыг хүссэн. Амьтдыг хайр найргүй хөнөөж, асрамжийн газар амьдарч байгаа хүүхдүүдийг харахад сэтгэл маань эмтэрдэг. Би “Оросын гоо бүсгүй” ч гэсэн хэн ч байсан хамаагүй бүгдэд нь туслахыг хүсч байна.
-Энэ сард Багамын арал дээр “Дэлхийн гоо бүсгүй” шалгаруулах тэмцээн болно. Бэлтгэл ажил ямаршуу байна?
-Би маш шаргуу бэлтгэж байгаа. Дасгалжуулагчид маань надад өдөр бүр алхалт болон уран чадварын хичээл зааж байгаа. Мөн сайн ярихын тулд англи хэл заалгаж байна. Спорт, йогоор хичээллэж гаднах байдлаа сайхан байлгахын тулд анхаарал хандуулж байгаа. Мөн сэтгэл зүйн бэлтгэл хийж байгаа. “Дэлхийн гоо бүсгүй” шалгаруулах тэмцээнд дэлхийн 80 орны бүсгүй оролцоно шүү дээ.
Эдийн засаг:Хөрөнгийн биржийн менежментийн багийг гадаадынхан удирдах уу Тендерийн урилга: Бульдозерын Д-16 маркын сэлбэг нийлүүлэхЭнтертайнмент:Өнөөдөр бич өдөр Ажилд авна |
Цагдаагийн мэдээлэл:Бичиг баримтгүй хятад иргэд баригджээ Ногоон гэрэл - цагаан шугам” тэмцээн болноОнцгой байдлын газрын мэдээлэл:Тарваганд хазуулж тахал тусчээ Олон тооны зээр тодорхойгүй шалтгаанаар хорогдож байнаАвилгалтай тэмцэх газрын мэдээлэл:АТГ БНХАУ-ын Авлигаас урьдчилан сэргийлэхгазар хамтын ажиллагааны[...] БНХАУ-ын Авлигаас урьдчилан сэргийлэх газрын төлөөлөгчид манай[...]Нийслэлийн мэргэжлийн хяналтын газар:Үдийн цай хөтөлбөрийн хүрээнд хүнсний 11 үйлдвэрт шалгалт явуулжээ Боловсролын байгууллагуудад хийсэн шалгалтаар 2585 зөрчил илэрчээ |
Зохиогчийн эрх хуулиар хамгаалагдсан. Мэдээлэл хуулбарлах хориотой.