Японд ажилгүйдлийн хувь долдугаар сарын байдлаар 5,7 хувьд хүрсэн нь урьд өмнө нь байгаагүй үзүүлэлт боллоо. Хэдийгээр дэлхийн эдийн засаг буцаж сэргэж байгаа ч Японы томоохон компаниуд ажилчдаа цомхотгосон хэвээр л байгаа юм.
Ажиглагчдын үзэж байгаагаар, Японы засгийн газрыг сүүлийн 53 жилийн турш тасралтгүй барьсан Либерал Демократик нам саяны сонгуулиар ялагдсан нь “ажилгүйдэл огцом өссөнтэй” холбоотой гэж үзэж байгаа юм. Ажилгүйдлийн түвшин дэлхийн дайнаас хойш дээд цэгтээ хүрлээ гэх мэдээ Ерөнхий сайд Таро Асогийн хувьд хүнд цохилт болсон. Түүнийг шүүмжлэх хамгийн том шалтгаан болсон байна. Саналын урьдчилсан дүн Таро Асогийн толгойлдог Либерал Демократик нас аль хэдийн ялагджээ гэдгийг харуулсан юм. Долдугаар сард 3 сая 590,000 япон хүн ажилгүй гэдгээр бүртгэгдсэн нь өнгөрсөн жилийнхээс сая гаран хүнээр илүү болсныг харуулж байна.
Мөн хэрэглээний гол бүтээгдэхүүний үнэ өнгөрсөн жилийнхээс 2,2 хувиар багассан ажээ. Эдийн засаг зогсонги байдалд орсноос болоод энэхүү үнийн уналтад үйлдвэрлэгчид нийлүүлэгчид ч цочирдохоо больсон байна.
Зохиогчийн эрх хуулиар хамгаалагдсан. Мэдээлэл хуулбарлах хориотой.