Дэлхий нийтийг цочролд оруулж, цар тахлын хэмжээнд хүрсэн томуугийн А хүрээний H1N1 шинэ вирусийн ханиадны хоёр дахь давлагаа эхлэхэд ойрхон байна гэж мэргэжилтнүүд анхааруулж буй. H1N1-ийн өвчин гарсан ОХУ, БНХАУ-ын дунд байгаа манай улсад уг өвчин хараахан бүртгэгдээгүй байна. Гэхдээ энэ өвчин хүйтэн сэрүүний улирал эхлэхтэй зэрэгцэн манай улсын хаалгыг тогшиж байгаа. Харин урьдчилан сэргийлэх, тэмцэх талд дээр ямар бэлтгэлтэй байгааг Онцгой байдлын ерөнхий газрын дэд дарга Т.Бадралаас тодрууллаа.
-Томуугийн А хүрээний H1N1 шинэ вирусийн ханиад дэлхийн хичнээн улсад тархаад байна вэ?
-Дэлхийн эрүүл мэндийн байгууллагад бүртгэлтэй 196 орноос өнөөдрийн байдлаар 191 оронд энэ ханиад бүртгэгдээд байгаа. Шинэ вирусийн ханиадаар 271 мянган хүн өвчилж, 3500 орчим хүн амиа алдсан харамсалтай тоо байна.
Цар тахлын хэмжээнд хүрээд буй энэ өвчний анхны тохиолдол Мексикт гарсан шүү дээ. Тэгээд ямар өвчин болохыг нь мэдэхгүй нэлээн хугацаа алдсан. Ингээд шинэ вирус болохыг нь тогтоосон байгаа. Одоо энэ өвчний хоёр дахь давлагаа эхлэхэд бэлэн болсон гэж Дэлхийн эрүүл мэндийн байгууллагаас анхааруулж байгаа.
-Тэгвэл А(H1N1)-ийн түгшүүр зарлаж байгаа энэ үед манай улсын хилийн боомтынхон хэр зэрэг бэлэн байдалд ажиллаж байгаа бол?
-Шинэ вирусийн ханиад дэгдэж байх үед “Алтан ураг” хамтлагийнхан Мексикт хөл хорионд байж байгаад эх орондоо ирсэн нь манай улсан Засгийн газрын хувьд томоохон шалгалт болсон л доо. Харин одоо хүйтэн сэрүүний улирал болж, ханиадны сезон эхэллээ. Иймд хаана, хаанаа бэлэн байдалд ажиллах нь чухал. Хоёр хөршид маань энэ өвчин гарчихсан хэрнээ манай улс тайван байгаа нь гайхамшигтай.
Манай хилийн боомтынхан хамгаалалт, хяналт хэр зэрэг хангалттай байгаа гэдэг нь сэтгэл өвтгөж байгаа. Гэхдээ мэргэжлийн зөвлөгөө өгөх, үзүүлэлт сургалт явуулж байна. Сэжигтэй хүн орж ирвэл тусгаарлах өрөөнүүдийг бэлтгэж байгаа.
-Шинэ вирусийн ханиадны эсрэг вакциныг эрдэмтэд гаргачихлаа. Манай улсын хувьд хүн амаа дархлаажуулах асуудал хэр зэрэг яригдаж байна вэ?
-Томуугийн A хүрээний H1N1 шинэ вирусын ханиад цар тахлын VI шатандаа орсон. Япон, Хятад, АНУ-д вакцин хийж эхэлсэн байгаа. Улс, орнууд хүн амаа дархлаажуулах асуудал хүчтэй яригдаж байна. Бруней гэхэд хүн амаа 100 хувь, Хятад, Япон 25 хувь дархлаажуулна гэж байгаа. Манай улсын хувьд ирэх арваннэгдүгээр сард эхний ээлжид 70-80 мянган ширхэг вакцин Хятадаас авахаар төлөвлөж байна.
-Ийм тооны вакцин оруулж ирвэл хамгийн түрүүнд ямар хүмүүсийг хамруулах вэ?
-Цэцэрлэгийн насныхныг болон ахмадуудаа нэн түрүүнд вакцинжуулах хэрэгтэй. Мөн төрийн албан хаагчид, хилийн боомтуудад ажиллаж байгаа, голомтод үүрэг гүйцэтгэх онцгой байдлынхныг дархлаажуулна. Дээрээс нь лабораторийн орчинд ажиллаж байгаа хүмүүсийг вакцинд хамруулах нь чухал. Учир нь сүүлийн 60 жилд 360 орчим өвчин шинээр буюу хуучин байсан өвчин сэдэрсэн гэж судлаачид тогтоосон байна лээ. Үүний 60 орчим хувь нь мал, амьтнаас хүнд халдварладаг өвчин байгаа юм. Энэ нь цаг агаарын дулаарлаас болон лабораторийнхон вирус алдсан байх тохиолдол бий. Иймд лабораторийн орчинд ажиллаж байгаа хүмүүсээ хамгаалах ёстой.
H1N1 нэгэнт манай улсад гарах нь ойлгомжтой боллоо. Манай улс цөөн хүн амтай, сийрэг гэдэг утгаараа гайгүй өнгөрөх байх. Гэхдээ энэ өвчний эсрэг ард иргэд өөрсдөө идэвхтэй тэмцэж, ариун цэврээ сайн хангах нь чухал. Юм болгоныг төрийн нуруун дээр үүрүүлж болохгүй шүү дээ.
М.МӨНХЦЭЦЭГ
Эдийн засаг:Хөрөнгийн биржийн менежментийн багийг гадаадынхан удирдах уу Тендерийн урилга: Бульдозерын Д-16 маркын сэлбэг нийлүүлэхЭнтертайнмент:Өнөөдөр бич өдөр Ажилд авна |
Цагдаагийн мэдээлэл:Бичиг баримтгүй хятад иргэд баригджээ Ногоон гэрэл - цагаан шугам” тэмцээн болноОнцгой байдлын газрын мэдээлэл:Тарваганд хазуулж тахал тусчээ Олон тооны зээр тодорхойгүй шалтгаанаар хорогдож байнаАвилгалтай тэмцэх газрын мэдээлэл:АТГ БНХАУ-ын Авлигаас урьдчилан сэргийлэхгазар хамтын ажиллагааны[...] БНХАУ-ын Авлигаас урьдчилан сэргийлэх газрын төлөөлөгчид манай[...]Нийслэлийн мэргэжлийн хяналтын газар:Үдийн цай хөтөлбөрийн хүрээнд хүнсний 11 үйлдвэрт шалгалт явуулжээ Боловсролын байгууллагуудад хийсэн шалгалтаар 2585 зөрчил илэрчээ |
Зохиогчийн эрх хуулиар хамгаалагдсан. Мэдээлэл хуулбарлах хориотой.