Монгол, Оросын найрамдлын сарыг хоёр орны эв нэгдэл, хамтын ажиллагааны бэлгэ тэмдэг болгон жил бүр тэмдэглэдэг билээ. Энэ жил Монгол, Оросын найрамдлын 49 дэх сарыг тэмдэглэх гэж байгаа талаар "Монгол Орос" найрамдлын нийгэмлэгээс өчигдөр мэдээлэл хийлээ. Тэд "Найрамдал гэдэг үгийн цаана Монгол Оросын иргэдийн харилцан ойлголцол, итгэлцэл байгаа" хэмээн ярилаа. Тэр дундаа хил орчмын хоёр орны иргэд эртнээс анд нөхөр байж, чин сэтгэлээр бие биедээ тусалж ирсэн тухай дурссан юм.
Найрамдлын сарын хүрээнд соёл, урлагийн олон арга хэмжээ зохиогдох бөгөөд Оросын шинжлэх ухаан, соёлын тавд ирэх даваа гаригт нээлтээ хийх аж. Тухайлбал, ЗХУ-д их, дээд сургууль төгссөн монгол зураачдын бүтээлийн "Москва-Улаанбаатар" сэдэвт үзэсгэлэн, Монгол Улс үүсэн байгуулагдсаны 370 жилийн ойд зориулсан баярын арга хэмжээ болох юм байна. Мөн "Улаанбаатар Москва хамтын ажиллагаа 2009-2012" сэдэвт дугуй ширээний уулзалт зэрэг олон арга хэмжээ зохиогдох гэнэ. Энэ үеэр Буриад улсын өдруүд Улаанбаатар хотод болж Монгол Буриадын хамтын ажиллагааны дугуй ширээний уулзалт, эхчүүд, бага насны хүүхдийн эндэгдлийг бууруулах сэдэвт уулзалт, семинар зохиог дох юм байна.
Зохиогчийн эрх хуулиар хамгаалагдсан. Мэдээлэл хуулбарлах хориотой.