Монгол Улсын Их Сургуулийн Эдийн Засгийн сургууль оройн ангидаа Санхүү, Нягтлан бодох гэсэн мэргэжлээр элсэлт авч 2,5 жилээр төгсгөдөг. Тэгвэл энэ сургуульд дээрх хоёр мэргэжилд холбогдох эсэх нь тодорхойгүй Экономикс зэрэг ерөнхий эрдмийн олон арван хичээл орж ажил төрлийнхөө хажуугаар номын дуу сонсох гэсэн хүмүүсийн цаг завийг хий хоосон үрж, толгойг даан ч нэг эргүүлэх шиг болно. Амьдралд хэрэгжих эсэх тодорхойгүй хичээл дээр зан ааш нь хичээл шигээ ойлгомжгүй багшийн авир нэмэгдэнэ. Тус сургуулийн оюутнууд хичээл шигээ ойлгомжгүй ааш зангаараа хэцүү багш эдийн засгийн онолын танхимын багш н.Болормааг гэдэг гэнэ.
Тэрээр хичээл эхэлсэн эхний өдөр л та нарыг чоно шиг байвал би эмэгчин арслан шиг загнаж чадна гэж сүрдүүлж хувийн таашаал авч суудаг Болормаа багшаар хичээл заалгаж байгаа оройн ангийн оюутнууд нэрээ цээжлүүлж нүдэнд нь өртчихгүйг хичээж ажлаа таслаад хичээл дээр нь үүрэглэж суудаг ажээ. Оюутны яагаад миний хичээлд суухгүй байна, би хичээлийнхээ агуулгыг социализмын үеэс нь гаргаж шинэчлэх ёстой юм байна гэж эрүүлээр өөртөө дүгнэлт хийхийн оронд та нарыг чадаж өөрийнхөө мундагийг батална хэмээн муйхарлан дайрах хоцрогдсон багшийн арга барил оюутнуудын аргыг барж байгаа гэнэ. Дэмий л хоорондоо ингэж нэг сая орчим төгрөгөө хий хоосон юм сонсож ааш зан нь олддоггүй багшийн эвийг олох гэж зарцуулаад хэрэг байна уу даа хэмээн шивнэлдэхээс цаашгүй байгаа ажээ.
Тус сургуулийн өдөр орой ангийн оюутнууд нийлж н.Болормаа гэж багшаас өөр багшаар хичээл оруулах шаардлагтай байна, үнэхээр хэцүү зан ааштай багш юм гэсэн өргөдлийг тус сургуулийн сургалтын албанд өгсөн боловч шийдвэрлэж өгөөгүй гэнэ. Үүнийг сонсохоор хэрэглэгч хаан гэж үзэх ёстой зах зээлийн гол зарчмыг Монголдоо сургалтаараа нэгд гэгдэх МУИС-ЭЗС мэддэггүй юм шиг. Манай оюутнуудын зан суртахуун ч багшийг шүтэх уламжлалт сэтгэлгээ нь арилаагүй байна.
Болормаа багш амьдралд хэрэгжихгүй онолоо ойлгомжгүй заачхаад унагахыг даан ч нэг үзүүлж өгнө. Өдөр шөнөгүй л хавар зунгүй элсэлт авч байна гэж зарлан байж бүрдүүлсэн оройн ангийн 20 орчим оюутнуудаас Болормаа гэх багшийн хичээл дээр хоёр нь л тэнцдэг бичигдээгүй хууль тогтсон байна. Оюутнуудын унасан гол шалтгаан нь оройн ангийн оюутнууд хичээлдээ гурван удаа суухгүй бол ямар ч ажилтай бай, юу ч тохиолдсон бай хамаагүй унагаж орхино. Унасан оюутнууд дахин хичээлдээ сууна. Дахин судлахдаа нэг кредиттэй бол 28900 хоёр кредиттэй бол 57800 гэж гурвыг үржих нь гэх мэтээр хөлс төлж дахин судална. Энэ нь МУИС-ЭЗС-ийн дансыг багагүй зузаатгадгаас зайлахгүй зарим тохиолдолд багш нар унгасан оюутнуудынхаа дахин судлалтын мөнгөөс хувь авдаг ч гэж оюутнуудын дунд яригддаг юм билээ. Тус сургуулийн удирдлага ч санхүү нь оюутнуудын торгуулийн мөнгөөр зузаарч байгааг бодоод нүдээ аньж багш нарынхаа зан аашийг өөгшүүлж суусаар байгаа нь энэ сургуулийн сургалтын чанарт олон нийт эргэлзэхэд хүргэж байна.
Өнөөдөр Оюутны эрхийг хамгаалах өдөр
Зохиогчийн эрх хуулиар хамгаалагдсан. Мэдээлэл хуулбарлах хориотой.