Монгол Улсын Засгийн Газраас 2010 оныг “Бизнесийн орчны шинэтгэлийн жил” болгон зарласан билээ.ТиймээсЗасгийн Газрын тогтоол гаргасанд бизнесийн төлөөллийн гол байгууллага болох МҮХАҮТанхим, түүний мянга мянган гишүүд, нийт бизнесийнхэн гүнээ талархан хүлээн авч байгаа юм.
Бизнесийн орчны шинэтгэлийг хийх, бизнес дэхь төрийн оролцоог багасгах, бизнест саад бэрхшээл учруулж байгаа олон зөвшөөрөл лиценз, хууль тогтоол, шийдвэрүүдийг багасган эрс цөөлөх, банк санхүү, бизнесийн таатай орчинг Та бидэнд авчрах энэхүү чухал тогтоолыг хүлээн авах “Бизнесийн орчны шинэтгэлийн жил”-ийн нээлтийн арга хэмжээг энэ сарын 25-нд 15.00 цагт МҮХАҮТ-ын үзэсгэлэнгийн их танхимд болох юм байна. Монгол Улсын Ерөнхий Сайд, түүний Засгийн Газрын Танхимын гишүүд, “Бизнесийн орчны шинэтгэлийн жил”-ийн ажлыг зохион байгуулах зөвлөлийн гишүүдийн хамт хүрэлцэн ирэх тус арга хэмжээнд нийт бизнес эрхлэгчид, МҮХАҮТанхимын гишүүд энэхүү арга хэмжээнд оролцох аж.
Зохиогчийн эрх хуулиар хамгаалагдсан. Мэдээлэл хуулбарлах хориотой.