Намрын чуулган хуралдах сүүлчийн өдөр өнөөдөр. Тиймээс АН-ын бүлгийнхэн чуулганд хэлэлцэгдэж амжаагүй байгаа “2012 он хүртэл Төрийн өмчийг хувьчлах, Монгол банкны удирдлагуудын томилгооны асуудал ” дээр голчлон анхаарч бүлгийнхээ хуралдааны хийжээ. Монгол банкны удирдлагуудын асуудал дээр хоёр нам эсрэг байр суурьтай байгаа. Гэвч өнөөдрийн чуулган дээр ямар нэгэн шийдэлд хүрэхгүй бол дараагийн чуулган эхэлтэл энэ асуудал шийдэгдэхгүй. Тиймээс ч АН-ын бүлгийн дарга Ч. Сайханбилэг хэлэхдээ “Монгол банкны удирдлагуудын асуудал өнөөдөр шийдэгдэхгүй бол хаврын чуулган хүртэл хэлэлцэгдэхгүй гэсэн үг. Харин удирдлагагүй байгаагаас шалтгаалж ямар нэгэн эрсдэл гарвал хэн хариуцах вэ гээд олон асуудал яригдана. Тэгэхлээр МАХН-ын бүлгийн хуралдаанаас гарч байгаа шийдвэр манай намын шийдвэр чуулган дээр хэлэлцэгдэж ямар ч байсан эцэслэсэн нэг шийдэлд хүрэх байх .” гэлээ. Мөн бүлгийн хуралдаан дээр Таван толгой тендрийн явц, Төмөр зам тавих асуудал, Алдарт эхийн одонгийн шатлал, төрийн албаны журамд өөрчлөлт оруулах гээд олон асуудлыг ярилцсан байна. Олон асуудал байгаа учраас чуулган завсарлахгүй ч байж магадгүй гэсэн үг унагасан юм.
Зохиогчийн эрх хуулиар хамгаалагдсан. Мэдээлэл хуулбарлах хориотой.