Сүүлийн үед хил дамнан худалдагдаж бэлгийн мөлжлөгт өртөж буй охид эмэгтэйчүүдийн тоо олширч байгаа. Ихэнх хохирогчид хэвлэл мэдээллийн зарын дагуу танихгүй хүмүүст хууртдаг бол, заримыг нь садан төрөл, найз нөхөд нь худалдах тохиолдол ч цөөнгүй байдаг байна. Тухайлбал нөхрийнх нь төрсөн эгч нь БНХАУ-ын Эрээн хотод худалдсан гэх эмэгтэй манай редакцад хандсан юм.
-Та яагаад БНХАУ-ын хил гарах болсон юм бэ?
-Одоогоос хоёр жилийн өмнө манай нөхрийн маань төрсөн эгч гэрт ирээд БНХАУ-руу хамт явъя гэсэн юм. Тухайн үед чухам яг ямар ажлаар явахаа нарийн тодорхой хэлээгүй юм.
-Тэгээд яах гэж явж байгаагаа ч мэдэхгүй шууд дагаад явчихсан хэрэг үү?
-Үгүй л дээ эхлээд хоолны газарт 300 мянган төгрөгийн цалинтай ажил хийлгэнэ гэж хэлсэн юм. Тэгээд БНХАУ-д очтол хоёр Өвөрмонгол хүн бид хоёрыг тоссон. Тэгээд тэд намайг нэг урт гудамжаар дагуулж явж байгаад нэг байрны жижиг өрөөнд оруулаад наанаа сууж байгаарай гэж хэлээд тэд хамтдаа гараад өрөөний үүдэнд хоорондоо ярилцаж байгаад орж ирээд нөхрийн эгч тэднээс мөнгө тоолж аваад гарч яваад ирээгүй дахиж ирээгүй дээ. Би тэр газар үлдээд хоёр жил болсон. Тухайн үед нөхрийн эгч намайг “Удахгүй ирж авна наанаа хүлээж бай“ гэж хэлээд л яваад өгсөн.
-Тэгээд дараа нь яасан?
-Эгч явчихсан. Нөгөө Өвөрмонгол нь гадуур дэлгүүрээр явж хувцас авч өгнө. Оройноос эхлээд ажлаа хийх хэрэгтэй гэж зандрангуй хэлсэн. Тэд “Чамайг бид мөнгө төлж авсан учраас чи сайн ажил хийх хэрэгтэй. Үйлчлүүлэгчийнхээ юу хий гэснийг биелүүлэх ёстой” гэж хэлсэн. Би тухайн үед юу болоод байгааг ч ойлгоогүй. Оройноос нь эхлээд хэд хэдэн удаа зодуулсныхаа дараа нь ер нь хүний гарт орчихсон юм байна гэж бодсон / уйлав/.
-Тэдний гараас яаж гарсан юм бэ? консулын газар, цагдаагийн байгуулагд хандаж болдоггүй юм уу?
- Хятад хэл мэдэхгүй хүний нутагт маш хэцүү юм билээ. Холбоо барих утас ч байхгүй. Зугтаая гэхээр гадаад паспорт хураагаад авчихсан. Тэр үеийн нөхцөл байдал нь их хүн байсан л даа. Гадаад паспортоо авахын тулд хоёр жил бэлгийн дарамтад амьдарсан даа. Намайг худалдаж авсан Өвөрмонгол залуу хүн амины хэргээр цагдаад баригдсанаар би монголдоо ирсэн дээ.
-Эгчийн тань нэрийг хэн гэдэг вэ, хаана ямар ажил эрхэлдэг юм бэ. Тодорхой ярьж өгөөч?
-Манай нөхрийн эгчийг н.Оюунгэрэл гэдэг. Эрхэлсэн тодорхой ажилгүй. Нөхөр нь лам хүн байдаг юм.
-Өөрөө тэгээд цагдаад хандсан уу?
-Тэр хүүхэн намайг хятадад орхиод явсныхаа дараа хэд хэдэн монгол охидыг хилээр гаргах гэж байгаад цагдаад баригдсан гэсэн. Тэгээд таван жилийн хорих ял авсан гэж сонссон. Цагдаад хандах гэхээр хоёр хүүгээ л бодох юм. Ер нь тэнд охидын дийлэнх нь найз нөхөд эгч дүү нь дагуулж очсон байдаг юм билээ. Надтай хамт 16-28 насны таван монгол охин хамт байдаг байсан.
-Таны байсан газар ойролцоогоор хэчнээн охид эмэгтэйчүүд байдаг вэ?
-Эрээнд гурван төвлөрсөн газар байдаг юм билээ. Би тэр ягааны гудамжинд нь байдаг байсан. Ойролцоогоор тэнд 200 гаруй охид бий.
-Эмнэлгийн үзлэг шинжилгээнд хамрагддаг уу?
-Мэдэхгүй бараг л үгүй дээ. Бэлгийн замын өвчнөөр өвчилсөн тохиолдолд эзэд нь өөрсдөө эм авчраад өгчихдөг гэсэн.
-Гэр бүлийн тань хүн мэдээгүй юм уу, нөхөр чинь эгчтэйгээ нийлж охид худалдах ажил хийдэг юм биш биз дээ?
Цагдаагийн мэдээлэл:Нэг өдөрт гурван хүн өөрийгөө боомилж нас баржээ 192 хүн эрүүлжүүлэгджээОнцгой байдлын газрын мэдээлэл:Галын аюулгүй байдлын шалгалт явуулжээ Нийслэл гал түймрийн таван дуудлагатай хоножээАвилгалтай тэмцэх газрын мэдээлэл:АТГ БНХАУ-ын Авлигаас урьдчилан сэргийлэхгазар хамтын ажиллагааны[...] БНХАУ-ын Авлигаас урьдчилан сэргийлэх газрын төлөөлөгчид манай[...]Нийслэлийн мэргэжлийн хяналтын газар:Үдийн цай хөтөлбөрийн хүрээнд хүнсний 11 үйлдвэрт шалгалт явуулжээ Боловсролын байгууллагуудад хийсэн шалгалтаар 2585 зөрчил илэрчээ |
Зохиогчийн эрх хуулиар хамгаалагдсан. Мэдээлэл хуулбарлах хориотой.