ТОЙМ: Ерөнхий сайд БНСУ-д айлчилж, шатахууны үнэ асуудал үүсгэв

Түгээх    
2018-01-20 09:28:44 - Улс төр

Өнгөрсөн долоо хоногт улс төр, эдийн засгийн хүрээнд өрнөсөн онцлох үйл явдлуудыг тоймлон хүргэж байна.

-ЕРӨНХИЙ САЙД БНСУ-Д АЙЛЧИЛЖ, 700 САЯ АМ.ДОЛЛАРЫН
ЗЭЭЛ АВАХААР БОЛЛОО-

Монгол Улсын Ерөнхий сайд У.Хүрэлсүх энэ сарын 15-наас 17-ны өдрүүдэд БНСУ-д ажлын айлчлал хийлээ. Айлчлалын хүрээнд тэрбээр БНСУ-ын Ерөнхийлөгч Мүн Жэ Ин-д бараалхаж, Ерөнхий сайд Ли Наг Ен-тэй албан ёсны хэлэлцээ хийв. Мөн Ерөнхий сайд У.Хүрэлсүх Монгол, Солонгосын бизнес форумд оролцож үг хэлснээс гадна тус улсад ажиллаж амьдарч байгаа монгол иргэдтэйгээ уулзан, санал бодлыг нь сонссон юм.

Айлчлалын хүрээнд нийтдээ 16 асуудал яригдсанаас хамгийн онцлууштай нь агаарын бохирдлыг бууруулах, гэр хорооллыг орон сууцжуулах чиглэлд зарцуулахаар 500 сая ам.долларын нэн хөнгөлөлттэй зээл авах хэлэлцээрт гарын үсэг зурсан явдал байв. Өмнө нь 200 сая ам.долларын зээллэгийн асуудал яригдаж байсан учир нийлбэр дүнгээрээ 700 сая ам.доллар болж байна.

Ерөнхий сайд У.Хүрэлсүх БНСУ-ын Засгийн газраас өмнө нь олгохоор шийдвэрлэсэн хөнгөлөлттэй зээлийн хүрээнд “10 аймгийн дулааны цахилгаан станц барих төсөл”, “Шүүхийн шийдвэр гүйцэтгэх ерөнхий газрын цахим хяналтын систем байгуулах төсөл”-ийг энэ онд багтаан эхлүүлнэ гэдгээ илэрхийлэв.

Улмаар БНСУ-д ажиллах монголчуудын тоог нэмэгдүүлэхэд хоёр тал зарчмын хувьд байр суурь нэгдсэн нь олон нийтийн анхаарлыг ихээр татсан юм. БНСУ-ын буцалтгүй тусламжийн хүрээнд ажлын байр нэмэгдүүлэх зорилгоор ажил олгогч, ажил хайгчдын мэдээллийн санг бий болгох 2.8 сая ам.долларын хөрөнгө оруулалт бүхий цахим системийн төслийг Монгол Улсад хэрэгжүүлэхээр болов.

kolonk

-ШАТАХУУНЫ ҮНЭ НЭМЭГДЭНЭ, НЭМЭГДЭХГҮЙ-

Өнгөрөгч амралтын өдрүүдээр шатахууны хомсдол үүсч, улмаар АИ92 олдоц нь эрс багассан юм. Үүнтэй холбогдуулан ШӨХТГ-аас зориудаар хомсдол үүсгэсэн шатахуун импортлогчдын тусгай зөвшөөрлийг цуцлах хүртэл арга хэмжээ авахаа мэдэгдсэнээр түгээлт хэвийн үргэлжилсэн юм.

Улмаар Үнийн зөвлөл /2018.01.18/ хуралдаж, “Энгийн хэрэглээний шатахууны үнэ нэмэгдэхгүй гэсэн шийдвэрт хүрлээ. Харин тансаг хэрэглээний евро, АИ98 тэргүүтэй шатахуунуудын үнэ нэмэгдэхээр болсон. Ийм төрлийн шатахууныг нийт хэрэглэгчдийн нэг хувь нь хэрэглэдэг тул зах зээлд дарамт учруулахгүй. Мөн дизель түлшний үнийг Үнийн зөвлөл дээр дахин ярилцахаар боллоо” гэсэн мэдээлэл өгөөд буй.

Шатахуун импортлогчдын зүгээс “Дүгнэлтээр үнэ нэмэх шаардлагатай нь батлагдчихаад байтал биднийг дампуур гэсэнтэй адил шийдвэр гаргах гэж улайрлаа” хэмээснээр хувийн хэвшлийнхэн хурлыг орхин гарснаа тодотгосон билээ. Засгийн газраас ирэх долоо хоногт ирэх ОУВС-гийн ажлын хэсгийнхэнд нөхцөл байдлаа хэлж, татварын нэмэгдлийг буцаахын төлөө ажиллана гэдгээ импортлогчдод амлажээ.

Шатахууны үнийн нэмэгдлийг судлах чиг бүхий Үнийн зөвлөлөөс байгуулсан ажлын хэсгийн дүгнэлтэд “Шатахуун импортлогчдын өнөөгийн литр тутам дахь алдагдал 153-303 төгрөг байна. Үүн дээр импортын литр тутам дахь үнийн нэмэгдэл болох 51-103 төгрөгийг суулган тооцвол 204-389 төгрөгийн алдагдал үзүүлэхээр байна” гэж дурдсан  нь анхаарал татаж байна.

baasanhuu

-ДЭЭД ШҮҮХ МАХН-ЫН ДАРГААР О.БААСАНХҮҮГ БҮРТГЭХЭЭС ТАТГАЛЗАВ-

УИХ-ын гишүүн О.Баасанхүү оны өмнө намын Их хурлаа Төрийн ордонд зохион байгуулж, намын даргаар сонгогдсоноо бүртгүүлэхээр Улсын дээд шүүхэд хандаад байсан юм.

Дээд шүүх уг асуудлыг /2018.01.19/ авч хэлэлцээд, Улс төрийн намын тухай хуулийн 13.9-д зааснаар намын дүрмээр зохицуулах намын дотоод зохион байгуулалт, үйл ажиллагаатай холбоотой маргааныг шүүх хянан шийдвэрлэхгүй. Намын эрх бүхий байгууллага өөрөө шийдвэрлэдэг тул Улсын Дээд шүүх МАХН-ын дүрэмд өөрчлөлт оруулах, намын даргаар О.Баасанхүүг бүртгэхээс татгалзаж шийдвэрлэв.

МАХН-аас шинээр сонгогдсон намын даргыг бүртгүүлэх хүсэлтийг УИХ-ын гишүүн О.Баасанхүү тэргүүтэй тус намын гишүүд Улсын Дээд шүүхэд хүргүүлсэн бол  Н.Энхбаяр тэргүүтэй МАХН-ын гишүүд түүнийг намын даргаар сонгосон хурал хууль бус байсан хэмээн Дээд шүүхэд хандаад байсан юм.

Энэ удаагийн шүүх хуралд нэг талаас УИХ-ын гишүүн О.Баасанхүү, Нийслэлийн МАХН-ын дарга Бямбасүрэн нар оролцсон бол нөгөө талаас МАХН-ын дэд дарга С.Ганбаатар намын генсек Э.Эрдэнэжамъян болон Д.Оюунбаатар, Ц.Шаравдорж нарын хүмүүс шүүх хуралд суусан байна.

moody

-“MOODY’S” АГЕНТЛАГ МОНГОЛ УЛСЫН ЗЭЭЛЖИХ
ЗЭРЭГЛЭЛИЙГ ДЭЭШЛҮҮЛЛЭЭ-

Олон улсын зээлжих зэрэглэлийг тогтоодог “Moody’s” агентлаг Монгол Улсын зээлжих зэрэглэлийг дээшлүүллээ. Монгол Улсын урт хугацааны зээлжих зэрэглэл “Маш өндөр эрсдэлтэй” буюу “САА1” байсныг “В3” буюу “Өндөр эрсдэлтэй” болголоо.

Зээлжих зэрэглэлийг ингэж зөөлрүүлсэн нь таваарын ханш сэргэсний дүнд төсвийн алдагдлыг амжилттай бууруулсан, өнгөрсөн оны эцсээр бондын дахин санхүүжилт амжилттай хийсэн зэрэг нь голлон нөлөөлсөн байна. Түүнчлэн Олон Улсын Валютын Сангийн хөтөлбөрийн хүрээнд хэрэгжүүлж байгаа арга хэмжээнүүд эдийн засаг болон санхүүгийн орчныг тогтворжуулна гэж дүгнэсэн байна.

Тиймээс тус агентлаг Монгол Улсын цаашдын төлвийг "тогтвортой" гэж үзжээ. Хэдий тийм боловч богино хугацааны үнэлгээг "Not Prime" буюу “Төлбөрийн чадвар сул” зэрэглэлд хэвээр үлдээсэн байна. Үүнээс өмнө өнгөрсөн оны арваннэгдүгээр сард “Fitch” агентлаг Монгол Улсын зээлжих зэрэглэлийн "В-" тогтвортой үнэлгээг “Эерэг” болгож дээшлүүлсэн юм.

uurhai

-“ОЮУТОЛГОЙ” ХХК-Д 150 САЯ АМ.ДОЛЛАРЫН ТАТВАРЫН АКТ ТАВЬЖЭЭ-

Монгол Улсын Татварын ерөнхий газраас ''Оюутолгой'' ХХК-д 150 сая ам.долларын татварын акт тавьсан тухай мэдэгдэл хүлээж авсан талаараа тус компанийн хувьцаа эзэмшигч ''Туркойз Хилл Ресурс'' /2018.01.15/ мэдэгдсэн юм.

''Туркойз Хилл Ресурс''-аас ''Оюутолгой ХХК төслийн хөрөнгө оруулалтын гэрээний хүрээнд Монгол Улсын хууль, дүрэмд заасны дагуу шаардлагатай бүх татвар, хураамжийг төлж барагдуулсан. Оюутолгой ХХК Татварын ерөнхий газраас гаргасан актыг дүгнэн хэлэлцээд, хуулийн хугацаанд хариу мэдэгдэнэ'' гэсэн тайлбар гаргаад байна.

Улмаар олон нийтийн цахим хуудсаараа гэрээний хүрээнд татвараа цаг тухайд нь төлсөн болохоо мэдэгдэж, Ганц модны боомт хаагдсан нь компанийн үйл ажиллагаанд сөргөөр нөлөөлж буйг уламжилсан юм.

“Оюутолгой” ХХК-д 2013-2015 оны хооронд явуулсан аудитын шалгалтын дүнд Татварын ерөнхий газар тус компанийг төслийн эхний үе шатанд албан татвар дутуу төлсөн болон бусад санхүүгийн зөрчил гаргасан хэмээн татварын акт гаргасан аж. ''Оюутолгой'' компанитай холбоотой татварын маргаан анх 2014 оны зургадугаар сард эхэлсэн байдаг.

Ж.МЯДАГБАДАМ



Энэ МЭДЭЭ танд таалагдаж байвал Like хийгээрэй. Танд баярлалаа.
Манай САЙТ танд таалагдаж байвал Like хийгээрэй. Танд баярлалаа.
Сэтгэгдэлүүд
Нийт 7

Билгүүн (66.181.160.12)
2018-01-24 10:29:47
Сайдааа дэмжиж байнаа.Өртэй гэж сууснаас өр зээлээ нэмээд ч болтугай дараа дараагийхаа нэн түрүүнд шаардлагатай ажилуудыг эхлүүлэх ёстой!!

Саруул (122.201.24.63)
2018-01-24 07:11:35
92 хийхээр машин явахаа байчихлаа. Нефьтийнхэн 92 бгээд 80 зараад байна

Бэнзээн (59.153.115.9)
2018-01-23 14:24:23
Уул нь хүний нохой идхээр өөрийн нохой ид гэж үг бий ,гэхдээ өөрийн нохой хулгай хийж идвэл хөөж явуулдаг жишигтэй ,одоо тэгээд Роснефт-г оруулж ирэх үүрэг Ерөнхий сайд явждээ хойд хөршрүү

Зочин (183.177.98.174)
2018-01-22 08:28:05
Ямар ч шатахуун үнэ буурсан юмгуй харин чолдхоо болиллоо колонкууд өгөхгүй бна яагаад худлаа мэдээ бичээд бгаа юм бэ

Зочин (202.179.25.75)
2018-01-20 14:06:48
1,20 шилэн цогоо шатахууныы үнэ буурсан гээд байсан худлаа ярьсан байна. петровис, жаст клонкууд бензин өгөхгүй байна

Зочин (182.160.32.223)
2018-01-20 13:05:12
түрүүчийн өрөө дарж чадаагүй байж дахин өр тавих нь хэнд хэрэгтэй юм бэ Хэдэн зуух тараагаад утаа багасахгүй Энэ засгийн газрын мөнгө унагах гэсэн бодлого Түүний оронд хотын захын хороололоо нүүлгэж чадахгүй бол засаг төрийн бүх байгуулага дээд сургуулиуд бүх захууд хотоос нүүх хэрэгтэй Хотод сүүлийн үед ирээд ажилгүй газаргүй байгаа иргэдээ орон нутагт нь буцаавал таарна Манайх шиг уудам газар нутагтай хирнээ хүн амынхаа талаас илүү хувийг нэг дор бөөгнөрүүлж хорт утаагаар хордуулж байгаа газар алга Гамшгийн байдалд орсон учраас салхины дээр байгаа гэр хороололоо нүүлгэх яаралтай арга хэмжээ авмаар юм Тэр олон зуун тэрбум төгрөг салхинд хийсгэж байхаар дэд бүтцийг нь яаралтай шийдэж гэр хороололоо нүүлгэмээр байна

Зочин (121.157.206.159)
2018-01-20 11:27:18
Unuuh ur ur ur .. hemeen uruur ard tumniig ailgan . Uriin taaz heterlee Hyatadiin haraat bolloo hemeen hooloi meden hashgiraldan garch irsen MAH-garuud odoo ch estoi 1 baruun solgoigui ur tavij bndaa . AH zeel avahaar ur boljard irged urund unadag ardiin nam zeel avahaar hench yuch duugardaggui tiim jishig togtoj bgaa ym bnldaa pizda !

Сэтгэгдэл бичих

АНХААРУУЛГА: Уншигчдын бичсэн сэтгэгдэлд Medee.MN хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.

Таны нэр:


Таны сэтгэгдэл:


Шинэ мэдээ
2018-08-20 19:26:28 - Эдийн засаг
Долларын ханш өсөв
2018-08-20 19:12:05 - Спорт
ОУХМ Э.Сумъяа хүрэл медалийн төлөө барилдана
2018-08-20 18:47:45 - Шар
Хүүтэйгээ 65 жилийн дараа уулзав
2018-08-20 18:06:19 - Спорт
МУГТ П.Орхон алтан медалийн төлөө барилдана
2018-08-20 17:53:43 - Боловсрол
Монгол, Хятадын хэвлэл мэдээллийн IX форум болно
2018-08-20 17:47:08 - Нийслэл
Ирэх амралтын өдрүүдэд “UB Food Festival” болно
2018-08-20 17:35:29 - Орон нутаг
Өлгийд үерт өртсөн айлуудад халуун бууруулах, өвдөлт намдаах эмийг витамин хэмээн тараажээ
2018-08-20 17:32:41 - Хууль
ББСБ-уудын нэрийг барьж залилан хийж буйг Санхүүгийн зохицуулах хорооноос сэрэмжлүүллээ
2018-08-20 17:30:18 - Боловсрол
“Бага насны хүүхдийн хөгжлийн онцлог-сургалтын арга зүй” сургалт нээлтээ хийлээ
2018-08-20 17:24:59 - Улс төр
С.Чинзориг: Цалин нэмэх шаардлага байгааг мэдэж байна
2018-08-20 17:21:46 - Боловсрол
ЕБС-ийн багш нарт зориулсан арга зүйн сургалт болж байна
2018-08-20 17:17:43 - Спорт
Ази тивийн залуучуудын аварга шалгаруулах шатрын тэмцээнийг нээлээ
2018-08-20 17:06:40 - Нийслэл
Дарь эхийн зам засварын ажил үргэлжилж байна
2018-08-20 17:03:50 - Нийслэл
Автотээврийн хэрэгслээс ялгарч буй утааг бууруулах төслийн үр дүнтэй танилцлаа
2018-08-20 17:01:37 - Спорт
ОУХМ Э.Нарангэрэл, Н.Золбоо нар эхний ялалтаа авлаа
2018-08-20 16:58:51 - Эдийн засаг
Хүнсний ногооны үнэ 12-46 хувиар буурчээ
2018-08-20 16:52:11 - Шар
Аризона мужийн нэгэн эмнэлгийн 16 сувилагч бүгд жирэмсэн болжээ
2018-08-20 16:34:03 - Гадаад
Тайваньд монгол оюутан амиа алджээ
2018-08-20 16:30:54 - Хууль
Хууль бусаар мөрийтэй тоглоомын газар ажиллуулж байжээ
2018-08-20 16:27:06 - Орон нутаг
“Өндөр уулнаас эрэн хайх, аврах ажиллагаа”-ны хамтарсан дадлага сургалт эхэллээ
2018-08-20 15:39:36 - Нийслэл
БНХАУ-ын Гадаад хэргийн сайд Ван И Монгол Улсад айлчилна
2018-08-20 15:38:12 - Энтертайнмент
Монголчууд яагаад Toyota LC200-г сонгодог вэ
2018-08-20 15:27:03 - Эдийн засаг
Н.Баяртсайхан: Эдийн засгийн сэргэлт бий болоод удаагүй байгааг мартаж болохгүй
2018-08-20 15:24:55 - Орон нутаг
Үерийн улмаас орон гэргүй болсон 37 өрхөд гэр өглөө
2018-08-20 15:20:01 - Шар
МАХН Н.Энхбаярыг нөхөн сонгуульд нэр дэвшүүлэхээр болсон уу
2018-08-20 15:18:11 - Нийслэл
Залуучуудын өдрөөр оюутан залуусыг цагийн болон байнгын ажлын байранд зуучилна
2018-08-20 15:04:26 - Гадаад
Солонгосын дайнаас хойш хүүгээ хараагүй 92 настай эх уулзалтыг тэсэн ядан хүлээж байна
2018-08-20 14:45:27 - Орон нутаг
Дарви, Манхан, Мянгад сумдад авто замын хяналтын пост ашиглалтад орлоо
2018-08-20 14:42:40 - Байгаль Орчин
Долоон судлаач мазаалайн судалгаа хийнэ
2018-08-20 13:54:19 - Боловсрол
Нийт 78 мянга гаруй хүүхэд цахимаар бүртгүүлээд байна
2018-08-20 13:50:56 - Хууль
Сар бүр хууль зүйн үнэ төлбөргүй зөвлөгөө өгч байна
2018-08-20 13:46:36 - Шар
Адриатын тэнгист унасан эмэгтэй 10 цагийн турш хөвсөөр амьд гарчээ
2018-08-20 13:28:23 - Хууль
Өвөрхангай аймагт баасан гаригт архи зарах зөрчил гарсаар байна
2018-08-20 13:18:31 - Улс төр
Үйлдвэрлэлийн бодлого үгүйлэгдэж байна
2018-08-20 13:16:05 - Спорт
Н.Батсуурь аваргын цолны мялаалга наадамд Н.Жаргалбаяр түрүүллээ
2018-08-20 13:10:39 - Нийслэл
Мал бүхий иргэдийг хориглосон бүсээс нүүлгэх ажил 97.5 хувьтай байна
2018-08-20 13:06:13 - Гадаад
Трампын цэргийн жагсаал 92 сая ам.долларын өртөгтэй юү
2018-08-20 13:02:48 - Хууль
“Stamford” нэртэй шинэ төрлийн сүлжээний улмаас иргэд 100 тэрбум төгрөгөөр хохирчээ
2018-08-20 12:51:50 - Нийслэл
Иргэдэд үнэ төлбөргүй хуулийн зөвлөгөө өгөх өдөрлөг болно
2018-08-20 12:45:56 - Орон нутаг
Зам тээврийн ослын улмаас нэг хүн гэмтжээ
Их уншсан
Их сэтгэгдэлтэй
2018-08-18 10:59:27 - Улс төр
Н.Энхбаяртай хүч хавсрах зорилготой М.Энхболдын “СҮҮЛЧИЙН ТОГЛОЛТ”
2018-08-18 11:05:45 - Хууль
Цагдаагийн ахлах мөрдөн байцаагч нотлох баримт хуурамчаар үйлдсэнийг шүүхээс тогтоожээ
2018-08-20 08:17:32 - Хууль
Хэвтэх бичигтэй хүүхдийг хэвтэх шаардлагагүй гэж буцааснаас амиа алджээ
2018-08-18 11:14:07 - Хууль
“Бороо гоулд” компани эртний олдворыг санаатайгаар нуун дарагдуулсан уу
2018-08-19 11:12:01 - Энтертайнмент
Монгол охин “Дэлхийн мисс”-ээр тодорч эх орондоо ирлээ
2018-08-20 13:02:48 - Хууль
“Stamford” нэртэй шинэ төрлийн сүлжээний улмаас иргэд 100 тэрбум төгрөгөөр хохирчээ
2018-08-20 08:17:36 - Эдийн засаг
Өндөр зардалтай, үр ашиггүй “Эрдэнэс Монгол” компанийг ТАТАН БУУЛГАЯ
2018-08-18 14:23:32 - Хууль
Барилгын ослоор нас барсан хүүгийн эцэг, эхийг хүлээн авч уулзав
2018-08-20 08:17:29 - Боловсрол
Энэ жил шинээр хүүхэд нь цэцэрлэг, сургуульд орох эцэг эхчүүдийн анхааралд
2018-08-20 13:46:36 - Шар
Адриатын тэнгист унасан эмэгтэй 10 цагийн турш хөвсөөр амьд гарчээ