С.Чинзориг: Хөгжлийн бэрхшээлтэй иргэний ажлын байрыг дэмжих хөтөлбөрийн хөрөнгийг 4.5 тэрбум төгрөг болгож нэмэгдүүллээ

Түгээх    
2018-02-14 15:48:45 - Нийслэл

Хөгжлийн бэрхшээлтэй хүний эрхийг хангах зөвлөлийн 2018 оны анхны хуралдаан өнөөдөр Төрийн ордонд боллоо. Орон тооны бус тус зөвлөлийг Ерөнхий сайд тэргүүлдэг бөгөөд энэ удаагийн  хурлаар 2017 оны төлөвлөгөөний хэрэгжилт, 2018 оны төлөвлөгөө,  салбар болон дэд зөвлөлийн хийсэн ажлууд, хөгжлийн бэрхшээлтэй иргэдийн өмнө тулгамдсан асуудал, гарц шийдлийг олохоос эхлээд хөгжлийн бэрхшээлтэй иргэд, тэдний эрх ашгийг хамгаалах чиглэлээр үйл ажиллагаа явуулдаг иргэний нийгмийн байгууллагуудын санал, шүүмжлэлийг сонсч Хөгжлийн бэрхшээлтэй хүний эрхийн тухай хуулийн хэрэгжилтийг хангах, хөгжлийн бэрхшээлтэй иргэдийн эрхийг нь хүндэтгэж оролцоог нь дэмжих, эрүүл мэнд, боловсрол, нийгмийн хамгаалал, хөдөлмөр эрхлэлтээс эхлээд бүх салбарт хөгжлийн бэрхшээлтэй иргэдийг дэмжсэн ямар бодлого, шийдвэр гарсныг дүгнэн ярилцсан юм.

Хуралдаанд Хөдөлмөр, нийгмийн хамгааллын сайд С.Чинзориг хөгжлийн бэрхшээлтэй иргэдийн эрхийг хангах чиглэлээр хийж хэрэгжүүлж буй болон цаашид төлөвлөсөн ажлынхаа талаар мэдээлэл хийлээ.

Үндэсний статистикийн хорооны 2017 оны тоо мэдээгээр манай улсад 103,6 мянган хөгжлийн бэрхшээлтэй иргэн байгаагийн хөдөлмөрийн насны 73,2 мянган иргэн ажил хөдөлмөр, эрхэлж чадахгүй байгаа нь тулгамдсан асуудлын нэг болоод буй юм. Түүнээс гадна хөгжлийн бэрхшээлийг эрт илрүүлэх, хөгжлийн бэрхшээлтэй иргэдийн боловсрол, эрүүл мэндээс эхлээд хүртээмжийн асуудалд онцгой анхаарч тодорхой гарц шийдэл  гарган ажиллах шаардлагатай байгааг С.Чинзориг сайд мэдээлэлдээ онцолсон юм. Тэрбээр “Хөгжлийн бэрхшээлтэй иргэдийн асуудлыг тхөгжлийн бэрхшээлтэй иргэдийн оролцоогүйгээр шийдвэрлэх ёсгүй. Тиймээс хөгжлийн бэрхшээлтэй иргэдийн асуудлыг хариуцсан орон тооны бус зөвлөх томилж, сайдын зөвлөлд хөгжлийн бэрхшээлтэй иргэдийн эрх ашгийг хамгаалдаг төрийн бус байгууллагын төлөөллийг орууллаа. Ингэснээр хөгжлийн бэрхшээлтэй иргэдийн эрхийг хамгаалах, салбар дундын уялдаа холбоог хангахад тэдний оролцоо, хамтын санаачилга чухал гэж үзэж байна. Асуудлыг хариуцсан яамны хувьд 2017 онд хөгжлийн бэрхшээлтэй хүний эрх, хөгжил, оролцоог хангах талаар олон арга хэмжээг авч хэрэгжүүлсэн” хэмээгээд авч хэрэгжүүлсэн арга хэмжээнийхээ талаар танилцууллаа. “Хөгжлийн бэрхшээлтэй хүний эрх, оролцоо, хөгжлийг дэмжих” үндэсний хөтөлбөрийг Засгийн газраар батлуулж, хэрэгжүүлэх үйл ажиллагааны төлөвлөгөөг Хөдөлмөр, нийгмийн хамгааллын сайд, Боловсрол, соёл, шинжлэх ухаан, спортын сайд, Эрүүл мэндийн сайдын хамтарсан тушаалаар батлуулахаар ажиллаж байгаа аж. Хөгжлийн бэрхшээлтэй хүний ажиллаж амьдрах орчин нөхцөлийг сайжруулах зорилгоор Улаанбаатар хотын дэд бүтэц, барилга байгууламж, нийтийн тээврийн зогсоол, автобусны үйлчилгээ, явган хүний зам гарц зэрэгт тодорхой стандартыг мөрдүүлэх,  Хөгжлийн бэрхшээлтэй хүний эрхийн тухай хуулийг хэрэгжүүлж, “Хөгжлийн бэрхшээлтэй хүнд тусламж, хөнгөлөлт үзүүлэх журам”, “Хөгжлийн бэрхшээлтэй хүнд үнэмлэх олгох журам, үнэмлэхийн загвар”, “Хөгжлийн бэрхшээлтэй хүнийг бие даан амьдрахад нь дэмжлэг үзүүлэх үйлчилгээний журам”, “Мэргэжлийн ур чадварын олон улсын тэмцээнд амжилттай оролцсон хөгжлийн бэрхшээлтэй хүнд урамшуулал олгох журам”, “Хөтөч нохойг сургах, ашиглах журам”-ыг баталсан байна. Нийгмийн халамжийн тухай, Хөгжлийн бэрхшээлтэй хүний эрхийн тухай хуульд заасан тэтгэвэр, тэтгэмж, хөнгөлөлт, тусламж үйлчилгээнд 2017 онд давхардсан тоогоор 227,9 мянган иргэн хамрагдаж нийт 146,9 тэрбум төгрөгийг зарцуулсан бөгөөд Нийгмийн даатгалын сангаас олгох үйлдвэрлэлийн осол, мэргэжлээс шалтгаалсан өвчний тэтгэвэр, тэтгэмж, төлбөрийн тухай хуулийн хүрээнд 2017 онд Тэтгэврийн даатгалын сангаас 67,9 мянган хөгжлийн бэрхшээлтэй иргэнд 183 тэрбум төгрөгийн, Үйлдвэрлэлийн осол, мэргэжлээс шалтгаалах өвчний даатгалын сангаас 4578 хөгжлийн бэрхшээлтэй иргэнд 23,6 тэрбум төгрөгийн тэтгэвэр олгосныг сайд мэдээлэлдээ танилцуулсан.

Түүнчлэн С.Чинзориг сайд Монгол Улсын Засгийн газрын 2018 оны нэгдүгээр сарын 9-ний 16 дугаар тогтоолоор Нийгмийн даатгалын сангаас олгож байгаа болон цэргийн алба хаасны бүрэн тэтгэврийн доод хэмжээг 280 мянга, хувь тэнцүүлэн тогтоосон тэтгэврийн доод хэмжээг 243 мянга, Нийгмийн халамжийн тэтгэврийн хэмжээг сард 155 мянга, асаргааны тэтгэмжийн хэмжээг сард 70 мянган төгрөгөөр тус тус шинэчлэн тогтоосныг дурдаад “Цаашид нийгмийн халамжийн тэтгэврийг амьжиргааны доод түвшинд хүргэж нэмэгдүүлэх хэрэгцээ шаардлага байгаа талаар би өөрийн байр суурийг илэрхийлж ирсэн. Энэхүү бодлогоо хэрэгжүүлэхийн тулд Нийгмийн халамжийн хуулийн шинэчлэлийн хүрээнд нийгмийн халамжийн тэтгэвэр, тэтгэмжийг амьжиргааны түвшин, бүсүүдийн дундажтай уялдуулж нэмэгдүүлэх талаар тооцоо судалгаа хийж, тодорхой саналын хувилбаруудыг боловсруулж байгаа. Удахгүй энэ асуудлыг Засгийн газарт танилцуулах болно. Хөгжлийн бэрхшээлтэй иргэдийн эрх ашгийг хамгаалдаг иргэний нийгмийн байгууллагууд нийгмийн халамжийн тэтгэврийг амьжиргааны доод түвшинд хүргэх талаар шаардлага, саналууд гаргаж бидэнд ирүүлснийг ч хүлээн авсан. Мөн асаргааны тэтгэмжийн хамрах хүрээг оновчтой тогтоох, хөрөнгийг үр ашигтай зарцуулж, шаардлагатай иргэнд хүргэх зорилгоор байнгын асаргаа шаардлагатай иргэнийг тодорхойлох өвчин гэмтлийн жагсаалт, шалгуур үзүүлэлтийг боловсруулж, Эрүүл мэндийн сайд, Хөдөлмөр, нийгмийн хамгааллын сайдын тушаалаар батлуулан энэ оны хоёрдугаар улирлаас эхлэн мөрдөнө. Ахмад настан, хөгжлийн бэрхшээлтэй иргэн, хөгжлийн бэрхшээлтэй хүүхдэд нийгмийн халамжийн сангаас олгох протез, ортопедийн болон тусгай хэрэгслийн үнийг  нэмэгдүүлэх тооцоо судалгаа хийх, шаардагдах хөрөнгийг 2019 оны төсөвт тусгуулна” хэмээн ярьсан юм.

Өнгөрсөн хугацаанд Хөдөлмөр эрхлэлтийг дэмжих тухай болон Хөдөлмөрийн тухай хуулийн хүрээнд “Хөгжлийн бэрхшээлтэй иргэний ажлын байрыг дэмжих хөтөлбөр”-ийг шинэчлэн боловсруулж хөгжлийн бэрхшээлтэй хүүхдээ асарч буй эцэг, эхийг хамруулахаар хүрээг өргөжүүлсэн бөгөөд энэхүү хөтөлбөрт 2017 онд 5782 иргэн хамрагдаж 3,2 тэрбум төгрөг зарцуулж, 1144 байнгын, 171 түр ажлын байр бий болжээ. Хөтөлбөрийн үйл ажиллагааг зохион байгуулахад хөгжлийн бэрхшээлтэй иргэдийн төлөөлөл, төрийн бус байгууллагуудыг оролцуулдаг болсон төдийгүй 2018 онд “Хөгжлийн бэрхшээлтэй иргэний ажлын байрыг дэмжих хөтөлбөр”-т зарцуулах хөрөнгийг 4.5 тэрбум болгон нэмэгдүүлснээр 6000 иргэн, аж ахуйн нэгж, ТББ-ыг хамруулж 1000-аас доошгүй байнгын, 200-гаас доошгүй түр ажлын байрыг бий болгож, хөтөлбөрийн хэрэгжилт, хяналт гээд бүхий л үе шатанд иргэний нийгмийн байгууллагуудын оролцоог ханган ажиллахаа дуулгалаа. 

Хөгжлийн бэрхшээлтэй хүний эрхийн хангахад олон улсын байгууллагын тусламж дэмжлэгийг татахад анхаарч ажилласны үр дүнд Японы Олон улсын хамтын ажиллагааны байгууллагатай хамтран "Тусгай хэрэгцээт боловсрол шаардлагатай хүүхдэд үзүүлэх эрүүл мэнд, боловсрол, нийгмийн хамгааллын үйлчилгээг сайжруулах" төсөл, "Улаанбаатар хот дахь хөгжлийн бэрхшээлтэй иргэдийн нийгмийн оролцоог дэмжих" төслийг хэрэгжүүлж, БНХАУ-ын буцалтгүй тусламжаар “Хөгжлийн бэрхшээлтэй хүүхдийн хөгжлийн төв”-ийг барьж эхэлсэн төдийгүй “Хөгжлийн бэрхшээлтэй иргэдийн тусгай тоноглол бүхий спорт, цогцолбор”-ын техник хамтын ажиллагааны төслийг эхлүүлжээ. Спортын 10 төрлөөр хичээллэх орчин үеийн тоног төхөөрөмжөөр хангагдсан, жилийн турш 200-400 тамирчин тогтмол хичээллэх боломжтой, 200 метрийн тойрог замтай битүү дээвэртэй манеж бүхий гадна талдаа дэлхийн стандартад нийцсэн 400 метрийн замтай, 200 тамирчин  байрлах  зочид буудалтай энэхүү цогцолборыг барих төслийг БНХАУ-ын Засгийн газрын буцалтгүй тусламжаар хэрэгжүүлэх юм.

“Хөгжлийн бэрхшээлтэй иргэдийг хамт олонд түшиглэн сэргээн засах” асуудлаарх Ази, Номхон далайн бүсийн дөрөвдүгээр их хурлыг 2019 онд Монголд  зохион байгуулах тухай мэдээллийг ч С.Чинзориг сайд өгсөн. Олон Улсын энэхүү их хурал нь хөгжлийн бэрхшээлтэй иргэдийн хөдөлмөр эрхлэлтийг чухалчилж "Эдийн засгийн тогтвортой хөгжилд хөгжлийн бэрхшээлийг тэгш хамруулах" гэсэн сэдвийн дор болох бөгөөд Ази, Номхон далайн бүсийн 200 гаруй орны төлөөлөл оролцох аж.

Сайдын мэдээллийн дараа зөвлөлийн гишүүд хөгжлийн бэрхшээлтэй хүний эрхийг хангах чиглэлээр төр, төрийн бус байгууллага, иргэдийн оролцоог хэрхэн хангах, салбар дундын үйл ажиллагааг хэрхэн уялдуулан зохицуулах талаар ярилцаж байр сууриа илэрхийлэв. Тэд Ерөнхий сайдын дэргэд бие даасан агентлаг байгуулах, хөгжлийн бэрхшээлтэй иргэдэд хандив гэхээсээ илүү тэднийг хөгжүүлэх, ажлын байраар хангах, орон сууцны сан байгуулах, 0-2 насны хүүхдийг эрт оношилгоонд хамруулдаг байх зэрэг саналыг гаргасан.

Тэдний саналыг сонссоны дараа Ерөнхий сайд У.Хүрэлсүх хөгжлийн бэрхшээлтэй 103 мянган хүнээ Монголын төр, засаг, ард түмэн бүх талаар дэмжиж, тусалж, хайрлаж байхыг уриалаад цаашид хийж хэрэгжүүлэх ажилтай холбоотой хэд хэдэн үүрэг, чиглэл өглөө.

Тэрбээр энэ оны эхний хагас жилд багтаан:

1. Хөгжлийн бэрхшээлтэй иргэдийн асуудлыг хариуцсан хэрэгжүүлэгч агентлаг байгуулах саналыг танилцуулж Засгийн газрын хуралдаанаар шийдвэрлүүлэх

2. Нийгмийн халамжийн тэтгэврийн хэмжээг амьжиргааны баталгаажих түвшинд хүргэх асуудлыг хууль тогтоомжид тусган шийдвэрлэх

3. Хөгжлийн бэрхшээлтэй иргэдийн талаарх анхдагч мэдээллийн сан байгуулах, эрүүл мэндийн үзлэг зохион байгуулах шаардлагатай хөрөнгийг шийдвэрлэх

4. Хөгжлийн бэрхшээлтэй иргэдийн эрхийг хангах зөвлөлийн бүрэлдэхүүнийг өргөжүүлж, бүх яамны Төрийн нарийн бичгийн дарга, зарим агентлагийн дарга,  Нийслэлийн Засаг даргыг оруулах

5. Хүртээмжийн тухай хууль боловсруулж энэ онд Засгийн газрын хуралдаанаар хэлэлцэхээр боллоо.

Яамдын дэд зөвлөлүүдийг:

1. Салбарын хэмжээнд Хөдөлмөрийн тухай хуулийн 111-р зүйлийн хэрэгжилтийн байдлыг судлан, хэрэгжилтийг хангах

2. Салбарын төлөвлөгөөг хэрэгжүүлэхэд төрийн бус байгууллагын оролцоог хангаж, зарим ажлыг гэрээгээр гүйцэтгүүлэх

3. Салбарын харьяа байгууллагуудын дэд бүтцийн хүртээмжийн  байдалд үнэлгээ хийж, энэ онд багтаан стандартад нийцүүлэх

4. Уул уурхай, хүнд үйлдвэрийн яам, Говьсүмбэр, Өвөрхангай, Дархан-Уул, Говь-Алтай, Завхан аймаг дэд болон салбар зөвлөлөө яаралтай байгуулан, ажлаа тогтмолжуулах, БСШУСЯ, Эрүүл мэндийн яам хууль заасан үүргээ хэрэгжүүлэх талаар санаачилгатай ажиллахыг үүрэг болголоо.

Б.БУРМАА



Энэ МЭДЭЭ танд таалагдаж байвал Like хийгээрэй. Танд баярлалаа.
Манай САЙТ танд таалагдаж байвал Like хийгээрэй. Танд баярлалаа.
Сэтгэгдэлүүд
Нийт 3

Зочин (66.181.183.250)
2018-02-15 01:48:35
HOGJLIIN BERHSHEELTEI HUN JOLOODHOD ZORIULSAN MASHIN HII

зочин (202.21.120.66)
2018-02-14 17:47:00
Хөгжлийн бэрхшээлтэй иргэд төрөөс тэр бүр мөнгө төгрөг нэхээд хүсээд байдаггүй шдээ харин дарга нар хөгжлийн бэрхшээлтэй иргэдийн нэрийг барьж нилээд зувшуулдаг байх. Тэр тусмаа ажил хөдөлмөр эрхэлж байгаа хөгжлийн бэрхшээлтэй иргэнд төрөөс өгдөг юм гэж группын хэдэн төгрөгөөс өөр юм ёстой байхгүй Гэтэл төрөөс хөгжлийн бэрхшээлтэй хүмүүст зөндөө олон хөнгөлөлт хуулиар байгаа гэж ярих юм даанч хэрэгжихгүй юм Ж-нь ДУА-н Эмнэлэг хөдөлмөрийн магадлах комисс ажил хийж байгаа бол группээс шууд гаргадаг, эсвэл ХЧА-н хувиа бууруулна гэдэг болсон төрд ямар нэгэн дарамт учруулахгүйгээр өөрийгөө болгоод яваа хүнийг ингэж дарамтлах хэрэг байгаа юу тэр комисст суудаг НД-н магадлагч эмч Мөнхцэцэг гэдэг хүүхэнд хууль үйлчилдэг үү үйдвэрийн осолоор группэд орсон хүн группын хэд нь 240,0 мянга амьдралд хүрэлцэхгүй болохоор л нэг газар жижүүр хийж байгаа шүү дээ тэгтэл ажил хийж байгаа юм группээс хасна

зочин (202.9.44.77)
2018-02-14 16:48:26
Хөгжлийн бэрхшээлтэй ч гэсэн ажил хөдөлмөр эрхлээд улсаас мөнгө нэхдэггүй хүмүүс олон бгаа. Харин тэднийг дэмжиж өгөх хэрэгтэй шүү. Тэдэнд зориулсан хөнгөлөлт зээл нь яг тэдэнд хүрдэггүй шүү. Хорооны нийгмийн хжилтан дарга нар ер нь танил талдаа төрөл садандаа зээл их өгдөг шүү. Үүнийг л их анхаарах хэрэгтэй шүү

Сэтгэгдэл бичих

АНХААРУУЛГА: Уншигчдын бичсэн сэтгэгдэлд Medee.MN хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.

Таны нэр:


Таны сэтгэгдэл:


Шинэ мэдээ
2018-09-22 18:53:56 - Энтертайнмент
Монгол Улсын уран хатгамалчдын уралдаанд 120 гаруй хүн оролцож байна
2018-09-22 13:27:43 - Орон нутаг
Улсын хэмжээнд ургац хураалтын явц 35 хувьтай байна
2018-09-22 13:20:41 - Спорт
Хакүхо М.Даваажаргал өнөөдөр давбал түрүүлэх болзлоо хангана
2018-09-22 13:16:31 - Байгаль Орчин
Бурхан Халдун уулыг хамгаалах асуудлаар олон улсын эрдэмтэд чуулж байна
2018-09-22 12:41:02 - Энтертайнмент
Д.Батмөнх: Тэнгэрт дүүлээд л нисээд яваа юм шиг мэдрэмж төрж байна
2018-09-22 12:31:01 - Нийслэл
ТОЙМ: ТЭЦ-4 тэг зогсолт хийж, ам.доллар 2500 төгрөг давж, шатахууны үнэ орон нутагт нэмэгдэв
2018-09-22 12:17:01 - Энтертайнмент
Н.Мандах: Зам, дэд бүтцэд сөрөг нөлөөтэй элсний нүүдлийг зогсоох шинэ технологи МОНГОЛД нэвтрүүлсэн
2018-09-22 11:45:53 - Гадаад
Оросын тагнуул, сэтгүүлчидтэй холбоотой УЧИР БИТҮҮЛЭГ ХЭРГҮҮД
2018-09-22 10:52:33 - Байгаль Орчин
Өнөөдөр зүүн аймгуудын нутгаар цасан шуургатай
2018-09-22 10:29:29 - Орон нутаг
Аймаг дундын отрын бүс нутагт зөвшөөрөлгүй мал оруулсан малчдад мэдэгдэл хүргүүлжээ
2018-09-22 10:14:06 - Боловсрол
БНСУ-ын Засгийн газрын 2019 оны бакалаврын тэтгэлэгт хөтөлбөр зарлагдлаа
2018-09-22 09:59:36 - Нийслэл
Өнөөдөр дараах замууд 17.00 цаг хүртэл хаалттай байна
2018-09-22 09:35:28 - Улс төр
Нийслэлийн МАН-ын хорооны даргаар Д.Сумъяабазар сонгогджээ
2018-09-21 18:25:45 - Спорт
Хамгийн хүнд жинтэй сүмоч зодог тайлав
2018-09-21 18:00:28 - Шар
БНСУ-ын нэрт жүжигчин Сүн Жүн Ги монгол хүүтэй дахин уулзаж, сэтгэлийн дэм өгчээ
2018-09-21 17:39:53 - Эрүүл мэнд
Монгол хүүхдүүдийн сохролын түвшин дээшлэх хандлагатай байна гэв
2018-09-21 17:24:00 - Нийслэл
Тээвэрлэгч аж ахуйн нэгжүүд өвөлд бэлэн байна
2018-09-21 16:59:32 - Улс төр
М.Энхболд: Төр тогтворгүй болохоор албан хаагч мэргэшиж чадахгүй байна
2018-09-21 16:39:55 - Нийслэл
Ерөнхий сайд АНУ дахь монголчуудтай уулзав
2018-09-21 16:34:39 - Нийслэл
У.Хүрэлсүх: Бид төрийн албаны шинэ соёл, дэг журмыг тогтоохоор ажиллаж байна
2018-09-21 16:27:37 - Гадаад
Газар чөлөөлөлтийн ажил хийгдэж байна
2018-09-21 16:12:59 - Улс төр
УИХ-ын намрын ээлжит чуулганаар хэлэлцэх асуудлын жагсаалт
2018-09-21 15:51:26 - Гадаад
Трамп Японы эрх баригч намын даргаар сонгогдсон Шинзо Абэд баяр хүргэв
2018-09-21 15:40:28 - Нийслэл
Төрийн албаны машиныг хувийн хэрэгцээнд ашиглахыг хориглоно
2018-09-21 14:51:14 - Гадаад
Вьетнамын Ерөнхийлөгч Чан Дай Куанг таалал төгсөв
2018-09-21 14:32:39 - Шар
“Ноцтой мэдээ” сонины эрхлэгч Б.Галсансүхийг саатууллаа
2018-09-21 14:03:33 - Нийслэл
СЭМҮТ-д эмчлүүлж буй 15-тай хүүхэд мансууруулах бодис хэрэглэсэн байжээ
2018-09-21 14:00:31 - Орон нутаг
Хүдэр, Ерөө орчмын тариалангийн бүс нутагт 30 см-ын зузаан цасан бүрхүүл тогтжээ
2018-09-21 13:52:03 - Эдийн засаг
MoneyGram үйлчилгээний Монгол дахь агент банкуудын зөвлөгөөн боллоо
2018-09-21 13:50:21 - Нийслэл
Түрээсийн орон сууцны бүртгэлийг цахимаар явуулна
2018-09-21 13:47:55 - Хууль
Үндсэн хууль зөрчөөгүй гэж дүгнэв
2018-09-21 13:43:12 - Улс төр
ФОТО: Нийслэлийн МАН-ын 34-р Бага хурал зохион байгуулагдаж байна
2018-09-21 13:35:45 - Эдийн засаг
Хамтарсан зохицуулах хорооны хуралдаан болж байна
2018-09-21 13:25:19 - Эдийн засаг
“Номин тэтгэлэг” 2018-2019 зарлагдлаа
2018-09-21 13:03:31 - Хууль
Бөхийн өргөө удахгүй хэвийн үйл ажиллагаа явуулж эхлэх үү
2018-09-21 12:57:55 - Улс төр
Төрийн албаны удирдах ажилтны улсын зөвлөгөөн болж байна
2018-09-21 12:38:06 - Эдийн засаг
“Цусны даралт ихсэлтийн эсрэг аян” Баянхонгор аймагт нээлтээ хийлээ
2018-09-21 12:26:04 - Байгаль Орчин
“Агаарын бохирдлын асуудлыг өвөл цагийн утаагаар бүү төсөөл”
2018-09-21 12:22:09 - Шар
Дэлхийн аварга, Германы алдарт хөлбөмбөгч Лукас Подольски Хакухо аваргад өмсгөлөө бэлэглэжээ
2018-09-21 11:47:13 - Орон нутаг
Дархан, Сэлэнгийн замд нийт 1450 иргэн цасанд боогдсон байжээ
Их уншсан
Их сэтгэгдэлтэй
2018-09-21 10:26:56 - Улс төр
Ц.Мөнх-Оргил: Нийслэлийн МАН-ын хурал эрүүл, амьд болж байна
2018-09-19 07:52:01 - Улс төр
Сүхбаатар аймгийн МАН-ын хорооны хурлын үеэр архидалт болж, багийн Засаг дарга амиа алджээ
2018-09-19 16:34:09 - Нийслэл
Цагдаагийн дарга нар 10 мянган ам.доллар, 50 сая төгрөг бэлнээр авсан байж болзошгүй гэв
2018-09-21 14:32:39 - Шар
“Ноцтой мэдээ” сонины эрхлэгч Б.Галсансүхийг саатууллаа
2018-09-22 12:41:02 - Энтертайнмент
Д.Батмөнх: Тэнгэрт дүүлээд л нисээд яваа юм шиг мэдрэмж төрж байна
2018-09-19 07:58:04 - Улс төр
Г.Мөнхбаяр: Сайдаар ажиллахад ямар ашиг байх вэ дээ, ажил хийх “кайф” л өгсөн
2018-09-20 16:35:38 - Нийслэл
ШУУРХАЙ: Дархан, Эрдэнэт, Сэлэнгэ чиглэлийн замуудыг хаалаа
2018-09-19 15:44:42 - Шар
Охидын 1000 гаруй нүцгэн зураг цуглуулсан 17 настай этгээдийг саатуулав
2018-09-19 17:54:13 - Нийслэл
“Приус 30” автомашиныг санаатай шатаасан уу
2018-09-19 08:07:34 - Эдийн засаг
"Тавантолгой"-н дансаа нээлгэх гэсэн иргэдийн хөлд Хөрөнгийн бирж дарагдаад байна