Үүнээс илүү баярт үйл явдал амьдралд минь тохиож байсангүй

Түгээх    
2011-07-18 10:31:21 - Спорт

avarga

-ГАНБАТ АРСЛАН, МӨНХБАТ ХОЁР МААНЬ Ч ЯЛГААГҮЙ ААВ ЭЭЖИЙГЭЭ ДАГАН ТАРИАН ТАЛБАЙН ШОРООТОЙ ХУТГАЛДАЖ ӨССӨН-

Монгол Улсын аварга Мөнхбатын аав Д.Сүхбаатар, ээж Л.Эрдэнэхүү нартай ярилцлаа.

-Баяр наадам ч энэ жил мөн сайхан боллоо доо?

Д.СҮХБААТАР: -Хэлээд юүхэв. Үүнээс илүү сайхан баяртай үйл явдал хөгшин бид хоёрын амьдралд тохиож байсангүй гэхэд хилсдэхгүй байх. Миний бор хүүг арав давахад цэнгэлдэх хүрээлэнд бөх үзэж суусан бүх хүн уухайлан баяр хүргэж байгааг хараад өөрийн эрхгүй л хоёр нүдийг минь нулимс бүрхсэн дээ. Дараа нь нутгийн олон түмэн энд тэндээс тэр шөнөжин утасдаж баяр хүргээд л. Үнэхээр сайхан наадам боллоо. Монголчууд бөхдөө ямар их хайртай болохыг нь бие сэтгэлээрээ бүрэн мэдэрсэн шүү.

Л.ЭРДЭНЭХҮҮ: -Би ч яахав насаараа л Долоон бурхан одондоо залбирч үр хүүхдийнхээ хувь заяаг даатгаж яваа хүн. Тэр шөнийн тэнгэр цэлмэг тунгалаг байсныг яана. Бор хүүгээ тэр олон том том бөхчүүдэд уначих вий гэж айгаад зурагтаа ч харж чаддаггүй. Гадаа гараад л Долоон бурхандаа сүүгээ өргөөд залбираад зогсоод байлаа. Долоо давлаа гэхийг нь сонсоод дотор жаахан уужирлаа. Тэгсэн чинь найм, ес, арав юу болсон гэж санана. Нэг харсан чинь энэ хавийн гудамжныхан таньдаг таньдаггүй бүгд манайд цуглачихсан баяр хүргээд байсан. Сая наадмын өмнөхөн долоон сарын 8-нд хүү маань бэлтгэлээсээ бууж ирээд манайд ирж хоёр хоног өдөржин шөнөжин унтлаа. Хоолоо ч иддэггүй, гадаа аавынх нь зоож бэлдэж өгсөн турникэн дээр ч ганц удаа суниагаагүй гарч бие засчихаад л унтаад байхаар нь гайхсан шүү. Хүүгийнхээ төлөө миний чадах юм бол шөнө орой болгон Долоон бурхандаа залбирч сүүгээ өргөнө. Мөнхбат нэг удаа "Ээж та юу хүсэж залбираад байна даа" гэхээр нь "Хүүгээ улсын заан болгож өгөөрэй гэж Долоон бурхнаасаа гуйж байна" гэсэн чинь "Та нэг мөсөн аварга болгож өгөөч гэж гуйвал яасан юм бэ" гэдэг байгаа даа. Би сандарч "Үгүй ээ, хүү минь тэгж ч даварч болохгүй шүү" гэсэн гээд л бодчих.

-Увс аймаг олон ястны нутаг. Баруунтуруун сум бол сүүлд атар эзэмших их аяны үед байгуулагдаж газар газрын хүмүүс цугласан гэх юм билээ. Өөрөө яг аль сумын хүн бэ?

Д.СҮХБААТАР: -Эхнэр бид хоёр Ханхөхийн хошууны л хүмүүс. Манай аав ээж төрийн тахилгат хайрхан Ханхөхий уулын баруун талд, эхнэр Эрдэнэхүүгийн маань аав энэ сүрлэг уулын зүүн сугаар нутаглаж байсан хүмүүс. Товчхон хэлэхэд биднийг Увс аймагтаа цөөнх гэгддэг элжигэн халх хүмүүс гэж ойлгож болно. 1959 оныг хүртэл одоогийн Увс аймгийн Цагаанхайрхан сум Баруунтуруун САА-н нутгийг Туруун сум гэж нэрлэж байж. Манай аав ээж чинь энэ олимпийн аварга Э.Бадар-Ууганы ээжийн өвөг дээдэстэй яг нэг дорын улс байгаа юм. Хожим нь 1959 оноос Баруунтуруун САА байгуулагдан Цагаанхайрхан сумаас өрх тусгаарлаж атрын анхдугаар аянаар газар газраас хүмүүс цуглаж энэ сум   олон ястан үндэстний өлгий нутаг болсон гэдэг юм билээ. Эхнэр бид хоёр ч, аварга Мөнхбатын эгч дүү нар нь ч бүгд, Ганбат арслан, дэлхийн аварга Цагаанбаатар нарын адил энэ суманд төрсөн учраас бид бахархалтайгаар Баруунтуруунаараа овоглодог юм шүү дээ.

-Хүү чинь бага байхдаа ямар хүүхэд байв. Ер нь бөх болох шинж тэмдэг нь хэдийгээс анзаарагдах болов?

Д.СҮХБААТАР: -Манай суманд аймгийн арслан Юнрэн гэж их мундаг бөх хүн байсан даа. Нэг л удаа улсын наадамд ирж барилдаад дөрөв даваад тавын даваанд барилдаж байгаад хөлөндөө гэмтэл авснаас хойш улсад явж зодоглоогүй. Аймагтаа ганц хоёр удаа түрүүлснийг нь эс тооцвол Баруунтуруун сумаасаа ер нь гарч явдаггүй, сумандаа 12 удаа түрүүлэн дархлагдсан хүн байлаа.

Тэр хүн манай хүүг бүр багаас нь ажаад "Энэ хүү алсдаа юм дуулгаж мэдэх хүүхэд байна" гэж үнэлэн дунд сургуульд сурч байхад нь багш шавийн барилдлагатай болсон гэлцдэг юм. Миний нагац аймгийн заан Дашцэрэн гэж их бяртай хүн байлаа. Ер нь Ханхөхийн хошуунд дээр үед Вандан аварга, Ламзав заан гэж долоон хошуу даншиг наадамд түрүүлж шөвгөрч байсан мундаг хүмүүс байсан гэлцдэг юм. Мөнхбат маань ер нь багаасаа их махруу, нэг юмны төлөө зоривол заавал ард нь гардаг зантай хүүхэд. Дунд сургуулиа төгсдөг жилээ сумандаа түрүүлж сумын заан болсон. 2005 онд Сүхбаатар аймагт барилдаж аймгийн заан, мөн ондоо Баянмөнх аваргын нэрэмжит тойргийн  барилдаанд Увс аймагтаа түрүүлж аймгийн арслан болсон доо.

-Та чинь өөрөө бас сайн барилддаг байсан даа. Сумандаа нэлээд хэдэн удаа түрүүлсэн байх?

Д.СҮХБААТАР: -Би их сонин юм ярья. Танай аав Шарав гуай цэргийн арслан цолтой хүн байсан санагдана.

-Тийм, аав маань 1939 оны дайны өмнөхөн Дорнод аймагт болсон цэргийн их баяр наадамд барилдан түрүүлж цэргийн арслан болж байсан хүн шүү. Түвдэндорж гэж шинэ цэрэг улсад, би цэргийн их наадамд нь дайнтай жил Дорнодод түрүүлж байсан гээд л их ярьдаг байж билээ.

Д.СҮХБААТАР: -Аавыг тань манай Турууныхан Шийлаа гэж авгайлна. Намайг анх барилдаж эхэлж байх тэр үед 60 нэлээд хол гарчихсан Шийлаа маань сумын наадамдаа зодоглон  гурвын даваанд намайг авч барилдан өвдөглөнгөө надаар зодог тайлж байсан юм. Үүнийг би нэлээд учиртай юм болов уу гэж одоо хүртэл боддог юм. Тэр жилээ би сумынхаа наадамд Туруун сумандаа дархлагдсан Юнрэн зааныг өвдөг шороодуулан түрүүлж сумын заан цол авч хөөрч байж билээ.

-Таныг Баруунтуруун САА-д сайн комбайнчин байсныг би мэдэх юм?

Д.СҮХБААТАР: -Баруунтуруун чинь 44000 га эргэлтийн талбайтай манай улсын хамгийн том САА гэгддэг байлаа. Би чинь гайхуулж байгаа ч юм биш улсын аварга комбайнчны болзлыг зургаан удаа хангаж байсан хүн. Ганбат арслангийн аав Батжаргал гуай, жүдо бөхийн дэлхийн аварга Цагаанбаатарын аав Хашбаатар бид бүгдээрээ л хар багаасаа трактор комбайнтай ноцолдож явлаа. Одоо ч гэсэн би нутаг руугаа явж жаахан тариа тарьдаг, түүгээрээ л хэдэн хүүхдийнхээ сургалтын төлбөрийг төлж, хоол ундыг нь базаадаг хүн. Ганбат арслан, Мөнхбат хоёр маань ч ялгаагүй аав ээжийгээ даган Харцагаан ус, Бортолгой, Өлөнгийн их тариан талбайн шороотой хутгалдаж, Баруунтуруун, Зүүнтурууны голын усаар ундаалж, угаагдаж өссөн хүүхдүүд.

-Мөнхбат аварга одоо хэдэн настай юм бэ. Анх улсын наадамд хэдэн онд гарсан билээ?

Д.СҮХБААТАР: -1984 оны хулгана жилтэй хүүхэд. Ер нь багаасаа барилдах хорхойтой. Ямар сайндаа арваа төгсөхдөө ШУТИС-ийн хуваарь авчихаад түүнийгээ удалгүй орхиод "Шонхор" дээд сургуульд орчихсон явсныг нь бид хоёрт нэлээд хожуу сонсгож байж билээ. 2006 оны улсын наадмын өмнөхөн Сүхбаатар аймгийн наадамд очиж барилдаад аймгийн заан цол авчихаад ирлээ. Тэр жилээ улсын наадамд анх гарч барилдангуутаа дөрөв давчихдаг юм байна. Би ч цочирдоод бараг шоконд орчихсон байлаа. Тэгтэл тавын даваанд нутгийн ах Ганбат заан авчихаар нь би тань руу Туруунаас утасдаж Ганбаад гомдож, нэг их уйлаагүй юу. Та санаж байна уу?

-Заан маань нутгийн дүүгээ сэтгэл зүйн хувьд нэлээд хатуухан сорилд оруулахаар шийдсэн юм байлгүй дээ гэж боддог. Мөнхбат маань ер нь их зоримог, хурц дайчин барилдаантай, угсраа мэхтэй, хийсэн мэх нь даацтай харагддаг...

Д.СҮХБААТАР: -Би Мөнхбатынхаа хэд хэдэн чанарыг эцэг хүний хувьд үнэлдэг юм. Мөнхбат маань сүүлийн гурван жил дараалан улсын наадамд авсан цолоо ахиулан барилдаж, бидний тааварлаж байгаагүй өндөр амжилтад хүрч аварга боллоо. Баруунтуруун сумын маань хоёр хүүхэд улсын наадамд жил дараалан түрүүллээ. Саяын наадмын өмнө "Харзтай" амралтаас наадмын өмнө ар гэрийнхээ аар саар ажлаа амжуулахаар гэнэт хүрээд ирдэг юм байна. Буцаад очсон чинь Балжаа аварга бэлтгэлээ хаяад явсанд нь маш их уурлаж, ганцааранг нь машинаараа элдэн хөөж, 15 км-ийн кросс хийлгэсэн гэнэ лээ. Мөнхбат ч гүрийгээд яг яс гүйгээд ирэхэд нь Балжаа аварга, Жанчивдорж начин нар түүний тэвчээрийг нь үнэхээр үнэлсэн гэж ярьж байсан. "Шонхор" дээд сургуулийн нэгдүгээр курсыг төгсөөд нутагтаа ирдэг намар нь бид Мөнхбатыгаа бас л амаргүй сорилтонд оруулсан юм. Бидний тариа тарьсан талбайд тэр жил маш их царван ургачихдаг юм байна. Царвантай тарианы гурил гашуун амттай болдгоос тарисан тариа маань борлогдохгүйд хүрэх учир манай Мөнхбатад нэлээдгүй том үүрэг ногдлоо. Тэрээр тариа хурааж байгаа комбайны өмнө нь гүйж царванг нь нэг бүрчлэн зулгаана. Эцэж цуцна гэж ер байхгүй. Өдөрт хэдэн км гүйж хичнээн их царван түүж хаясныг хэлэх аргагүй. Тэр намаржингаа тариан талбай дунд тогоруу аятай тонголзон гүйсэн дээ, миний бор хүү. Тэр их тэвчээр хатуужил, нөр их хөдөлмөрийнх нь шан юм байлгүй, тэр намар гар хөлнийх нь булчин учиргүй томорчихсон, зодог шуудагнаас нэг л атгах юм бол тавьдаггүй гарын сарвуу нь бахь шиг болчихсон байсан гэж дэвжээнийх нь залуучууд сүүлд нь ярьж билээ. Баянаа аварга уржнан жил начных нь цайллаган дээр баяр хүргэж үг хэлэхдээ Мөнхбат маань биеэр их томгүй боловч хурц дайчин барилдаантай, хэнийг ч хаяж, ямар ч цолонд хүрч мэдэх хүүхэд" гэж ярьж байсан нь өнөөдөр биеллээ оллоо шүү дээ.

-Ээжээс нь би нэг юм асууя гэж бодож байна. Мөнхбат аварга чинь аав ээжээсээ олуулаа юу. Аваргыг дагаад барилдчих хүүхэд танайд бий юу?

Л.ЭРДЭНЭХҮҮ: -Манайх чинь дөрвөн банди нэг охинтой хөдөөний л нэг борогдуу айл. Мөнхбат маань дээрээ нэг эгчтэй. Бусад нь эрэгтэй дүү нар нь. Баруунтуруунаас таван жилийн өмнө нүүж ирээд Баянхошууны зүүн салаанд бид нэг дороо амьдардаг байсан юм. Бэлтгэл сургууль гээд гэр орондоо нэг их үзэгддэггүй хүн юм чинь эрэгтэй дүү нар нь голдуу гэр орныхоо ажлыг амжуулна. Дүү нараа барилдана гэхээр манай Мөнхбат зөвшөөрдөггүй юм. "Бөхийн спортоор хичээллэнэ гэдэг чинь хэн дуртай нь хийх ажил биш. Ах нь нэгэнт шийдсэнээрээ ингээд зовлогоо зулгаагаад явдгаараа явъя. Харин та нар толгой тархиа л сайн хөгжүүл" гэж захина. Хүү маань өвлийн хүйтэнд шөнө дөлөөр бэлтгэлээ тараад сүүлийн автобусаар голдуу Баянхошуунд ирдэг байлаа. Үүргэвчиндээ хам хум чихчихсэн бэлтгэлийнх нь хувцас замдаа хөлдөөд тас дарайчихсан л гэртээ орж ирнэ. Даарчихсан өлсчихсөн амьтан хоол хайж, тогоо шанага хангинуулаад эгч нь нөгөө хөлстэй нойтон хөлдүү хувцсыг цүнхнээс нь салгаж гаргах гэж бөөн юм болно доо. Дараа нь тогоо дүүрэн ус халааж нөгөөдүүлийг нь угаана, маргааш нь дахиад өмсөх учраас хатаах гэж нойтноор нь индүүдэн уур манаргаж, шөнөжингөө л хүүхдүүд маань унтуулахгүй бужигнацгаадаг байлаа.

-Мөнхбат үе тэнгийнхнээсээ биеэр нэлээд жижиг харагдах юм. Одоо жин хэдтэй байна аа?

Д.СҮХБААТАР: -Дархан аварга Мөнхбат цагтаа үндэс болоод чөлөөт бөхөөр ид барилдаж байхдаа 90 кг, Баянаа аварга хасах 100 кг-ын жинд барилдаж байсан гэдэг юм билээ. Манай Мөнхбат чинь байнгын бэлтгэлийнхээ үед 120 орчим кг жинтэй байдаг хүн. Тэгээд бодохоор биеэр тийм ч жижиг хүн биш гэж би боддог. Өсөхөө аварга, Ганбат арслан, Ганбаатар гарьдын хажууд л хүмүүст жижигхэн юм шиг харагдаад байгаа хэрэг.

-Аваргын гэр бүлийг танилцуулахгүй юу?

Д.СҮХБААТАР: -Манай хүн чинь 2009 онд начин болсныхоо дараа Увс аймгийн нутгийн зөвлөл хоёр өрөө байраар шагнах хүртэл Баянхошуунд бид хэдтэйгээ энэ жижигхэн байшиндаа чихэлдэн амьдарч байлаа. Одоо хүү маань нутгийн олны буянаар байртай болж бэлтгэл сургуульдаа явахад нь их дөхөмтэй болсон шүү. Сая нутгийн зөвлөлийнхөн нь бас л их үнэтэй машинаар шагнасан байна лээ. Манай бэр Сараа маань бас л Баруунтуруун суманд төрж өссөн хүүхэд.  САА-н даргаар олон жил ажилласан Болд гэдэг хүний охин. Энэ жил гурван нас хүрч байгаа өвөө эмээгийнхээ гар дээр төрсөн дураараа шар охин нэг бий.

Ш.Пүрэвсүрэн



Энэ МЭДЭЭ танд таалагдаж байвал Like хийгээрэй. Танд баярлалаа.
Манай САЙТ танд таалагдаж байвал Like хийгээрэй. Танд баярлалаа.
Сэтгэгдэлүүд
Нийт 18

улаан (202.179.*.*)
2011-10-24 15:17:40
Та мөнхбат авраг цагаанхайрхан сумын уугуул биздээ түгээрээ овоглуул яасан юм бол үүнийг та бодож үзээрэй үнхээр яарих юмтай увсчууд сайхан байна. танийг 3 н цагаанхайрхан 33 хөхий минь ивээж яваг. Аврага хүн аваргаараа л төрдөг юм бн.

urtnasan (202.131.*.*)
2011-07-21 09:50:42
bayrb hurgie sain huu bas amjilt husie

Д.Чулуунбат (202.179.*.*)
2011-07-20 16:50:21
Одтой сайхан барилдаж аварга хэмээх эрхэм цол хүртсэн С.Мөнхбатдаа баяр хүргэж цаашдаа улам их амжилт гарган ХАН ХӨХИЙ-нхөө нэрийг гаргаж байхыг ерөөе Хан- хөхийн хүү зохиолч Г.Санжжав Цэцгийн мандал шиг алагласан Наадамчин олны дунд Цэцэн үгтэй засуулын Намбатай цоллох аялгуунд Уран гоё дэвэлтээрэй Улс амьтанд шагшигдсан Улсын начин Малиагийн Өвдөг сөгдөөгүй газар Улсын аварга Лхамжавын Удам залгасан бөхчүүд...гэж Миний зүрхэн дэхь Хан-Хөхий найраглалдаа Хан-Хөхий нутгаасаа төрсөн цаашид төрөх бөхчүүдийн тухай бичиж байжээ.С.Мөнхбатдаа Амжилт,амьдралын баяр баясал бүхнийг ёрөөё Өндөрхангай сумын Улаанбаатар хот дахь нутгийн зөвлөл

Z (80.102.*.*)
2011-07-20 03:39:55
Monkhbatdaa bayar hurgey. Ene dund ba suul hesegtee hen ni heneesee yariltslaga avaad baina aa. Anhaaraltai nairuulgatai bich dee Purevsureeeen?

Зочин (203.194.*.*)
2011-07-20 00:21:29
iim yriltslaga ch gej yu baih ve zugeer hunii yrij bui zuiliig yria bolgood bichsen bna

horgolt (202.179.*.*)
2011-07-19 19:16:42
bvh torliin abto mashinii bolon tasalgaanii air conditsioner zasna, tseneglene, ugsarna.*abto horgolt* hhk 99068648,96668648.

tumet tserendagva (61.102.*.*)
2011-07-19 16:52:00
egel bor unen ugtei saihan yariltslaga bolson bn,setgel ih hedellee ,erhem duu menhede darhan avraga bolhiig ereei asar ih buuhia huleez bn amzilat eruul enhiig husei chi shuuuuuuuuuuu

Зочин (202.179.*.*)
2011-07-18 17:09:05
Setguulchid ta nar boli l doo ene yariltslagiig abaagui shuu humuusee oorsodoo zohioj bicheed icheech

Зочин (202.131.*.*)
2011-07-18 16:33:24
shine awargad neg l dasaj ogohgui bn

Dumashka (202.179.*.*)
2011-07-18 15:07:54
Aav eejid ni bayar hurgeye! Huugynkhee buyanaar aav eej ni jargana aa. Avargadaa amjilt huseed Dayar Duursagdakh Dalai Dayan Darhan avarga bolooroi gej eruue!

Зочин (202.179.*.*)
2011-07-18 14:49:36
Аварга Мөнхбат жинхэн өөийнхөө хүч хөдөлмөрөөр гарч ирсэн аварга. Мөнхбат аварга доод тал нь 3 удаа түрүүлэх байхаа. энэ залуу шиг уран хурц барилддаг залуу алга байна. Мөнхбат аваргадаа цаашдын өндөр амжилт хүсье.

badrax (49.0.*.*)
2011-07-18 14:43:14
Сайхан ярилцлага болжээ. С.Мөнхбат аваргыг тариа хурааж байгаа комбайны өмнүүр гүйж царванг нь нэг бүрчлэн зулгааж байсан гэдгийг уншаад мөн ээжийхэн нь бэлтгэлээс орой үдэш гэртээ ирж байгаа тухай ррьсаныг уншаад нүднээс өөрийн эрхгүй нулимас гараад байлаа. Тамирчин хүн хөдөлмөрийн үр дүнгээ үзээд сууж байх ийм сайхан байдаг юм байна. Тэгэхдээ арслан Ганбат бол үнэхээр манай шинэ аваргын даган дуурайх, өөрийгөө зоригжуулах тод жишээ нь болж явсан байх гэж би бодож байна.

çî÷èí (182.160.*.*)
2011-07-18 14:29:32
ÝÍý æèæèã ̺íõáàò àâàðãà ìààíü ýçýíã¿é áîëñîí ìîíãîë áºõèéí äýâæýýã ýçýíòýé áîëãîõ áàéãàà. Ñ¿¿ëèéí õýäýí æèë ò¿ð¿¿ëñýí áºõ äàðàà æèë íü äîîð óíàäàã æèøèã òîãòîîä áàéíà.Æèíõýíý àâàðãà õ¿í Áàò-ýðäýíý àâàðãà øèã äàðõàí ò¿ð¿¿ëäýã áàéõ ¸ñòîé. ̺íõáàò àà ,õè÷ýýãýýðýé. Èðýõ æèë äàõèí ò¿ð¿¿ëýýðýé ãýæ õàðæ íàéäàæ áàéíà ø¿¿.Ǻ⠿ãòýé,çºâ ¿éëòýé áàéæ îëíû àìûã ñàéí ç¿ãò àâ÷ ÿâààðàé. Íýðä ãàðñàí õ¿í õàçãàé ãèøãýâýë àðä îëíû àì ìóðóéæ àìæèëò íü çîãñäîã ø¿¿. Àíõààðààðàé.Áàÿíìºíõ, ãàíòîãòîõ õî¸ð øèã õýð¿¿ëèéí òóëàì áîëæ í¿äíèé áóëàé áîëîâ.

Зочин (202.131.*.*)
2011-07-18 14:10:17
ene awargad neg l tasahgui bn shuu

Guest (202.131.*.*)
2011-07-18 14:02:36
Garaad l uzchihdeg dajgui barildaanuud bolson shuu buhchuud iimerhuu bdag ch boloosoi,

SAIHAN YMAA (182.160.*.*)
2011-07-18 11:24:29
SAIHAN YRILTSLAGA BNAA!YASAN SAIHAN HOGSHCHUUD BEE ZAILUUL!BI SANJAADAMBIIN FEN ARHANGAINH!MONHBAT SANJAA 2 OLON NAADAM EELJILJ ABNA GEJ ITGEJ BAIGAA!AMJILT HUSII ABARGAA!

Зочин (182.160.*.*)
2011-07-18 11:06:50
Hatuu hutuu nuhculd ussun huuhduud iluu chadal tevcheertei baih yum daa! Caashdaa sain barildaarai. Hotiin hangaluun amidral ch huniig evdene shuu.

RED COMMUNIST (80.102.*.*)
2011-07-18 10:41:28
ZA SHA SHA AHIIN DUU,HALHIIN GOLD BAIDSAN GEED SHAAVDAA,ZUGEER DOTROO BAYARLADAG BAIHGUI YU ER HUN CHINI.

Сэтгэгдэл бичих

АНХААРУУЛГА: Уншигчдын бичсэн сэтгэгдэлд Medee.MN хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.

Таны нэр:


Таны сэтгэгдэл:


Шинэ мэдээ
2014-11-27 12:53:47 - Шар
Н.Энхбаяр “Таны жинхэнэ гэр орон” номыг орчуулжээ
2014-11-27 12:45:20 - Улс төр
Чуулганы хуралдаан завсарлалаа
2014-11-27 12:45:13 - Спорт
“Рио 2016” зуны олимпын бэлгэ тэмдгийг танилцуулжээ
2014-11-27 12:35:18 - Нийслэл
Геологийн төв лаборатори ажилтнуудаа хууль бусаар халсан гэв
2014-11-27 12:16:33 - Боловсрол
ШУТ-ийн ахлах сургууль таван оюутныг БНСУ-д тэтгэлгээр суралцуулна
2014-11-27 12:02:29 - Шар
Ерөнхий прокурор Д.Дорлигжав Хууль зүйн сайдад яригдаж байна
2014-11-27 11:58:00 - Хууль
“Фенобарбитал” эмэнд хордсон хэргийн шүүх хурал болж байна
2014-11-27 11:51:14 - Улс төр
Хүүхэд харах үйлчилгээний тухай хуулийн төслийг хэлэлцэж байна
2014-11-27 11:43:53 - Эрүүл мэнд
Эболагаас сэргийлэх үзүүлэх сургуулилт боллоо
2014-11-27 11:41:22 - Эдийн засаг
ХААН Банкны “Цахим банкны аян”-ы идэвхтэй харилцагчид тодорлоо
2014-11-27 11:41:09 - Улс төр
Нэвтрүүлгийн агуулгад үзэгчид өөрсдөө цензур тавина гэв
2014-11-27 11:39:19 - Спорт
Манай аэробикчид Азийн аварга боллоо
2014-11-27 11:32:30 - Спорт
Солонгост амьдарч буй монголчууд шатраар өрсөлджээ
2014-11-27 11:24:12 - Энтертайнмент
“Тусгаар тогтнол” яруу найргийн наадмын ялагчид тодорлоо
2014-11-27 10:55:13 - Улс төр
Соёлын тухай хуульд нэмэлт оруулах тухай хуулийн төслийг хэлэлцэж эхэллээ
2014-11-27 10:49:51 - Хууль
Гурван хүний аминд хүрсэн барилгын захиралд таван жилийн ял төлөвлөжээ
2014-11-27 10:45:26 - Нийслэл
Энхийг сахиулагчид Афганистаныг зорино
2014-11-27 10:40:21 - Эдийн засаг
Үндэсний хөрөнгө оруулалтын банк харилцагчиддаа MoneyGram-аар үйлчилнэ
2014-11-27 10:37:32 - Нийслэл
Махны үнэ бага зэрэг буурчээ
2014-11-27 10:31:24 - Нийслэл
Өнгөрсөн шөнө нийслэлд найман хүн амиа алджээ
2014-11-27 10:17:44 - Гадаад
Ажаа Гэгээн Монголын ард түмний сайн сайхны төлөө ном хурна
2014-11-27 10:03:48 - Хууль
Консулын газраас сэрэмжлүүлж байна
2014-11-27 09:54:57 - Хууль
Хууль бус эмийн худалдаачныг илрүүлэв
2014-11-27 09:38:30 - Улс төр
ЦЕГ-ын даргаар томилогдсон Р.Чингис тамга тэмдгээ хүлээн авлаа
2014-11-27 09:30:32 - Спорт
Улс тунхагласны 90 жилийн ойн барилдаанд улсын аварга С.Мөнхбат түрүүллээ
2014-11-27 08:19:54 - Эдийн засаг
Монгол улс долларын хоёр тэрбумтантай болжээ
2014-11-27 08:17:59 - Боловсрол
Л.Банзрагч: Лам багш намайг саваагаар зоддог хэсгийг ээж минь үзчихээд учиргүй уйлж билээ
2014-11-27 08:13:50 - Хууль
Д.Зоригтод мөрийтэй ТОГЛОХ НЬ АСУУДАЛ биш
2014-11-27 08:08:33 - Улс төр
Ж.Амарсанаагаас өөр хүн байхгүй гэж үү
2014-11-27 08:05:36 - Хууль
Ц.Оюунгэрэл: Телевизийн уран сайхны хөтөлбөрийн 50-иас доошгүй хувь үндэснийх байна
2014-11-27 08:04:07 - Нийслэл
Өнөөдөр бар өдөр
2014-11-26 17:46:22 - Орон нутаг
Хүмүүжигчид 6 хүүхэдтэй, өрх толгойлсон эмэгтэйд тусалжээ
2014-11-26 16:57:54 - Улс төр
Ерөнхий сайд Ч.Сайханбилэгийн ХӨРӨНГӨ ОРЛОГО
2014-11-26 16:54:29 - Улс төр
Тусгаар тогтнолын ордонд баярын хурал болж байна
2014-11-26 16:46:06 - Улс төр
Сэтгүүлч Ч.Мөнхтөр Ерөнхий сайдын зөвлөхөөр томилогдлоо
2014-11-26 16:46:02 - Энтертайнмент
Ажаа Гэгээн ном хурна
2014-11-26 16:26:17 - Улс төр
“Зүүн хойд Азийг цөмийн аюулаас ангижруулах нь” олон улсын бага хурал боллоо
2014-11-26 16:00:04 - Энтертайнмент
С.Дэмбэрэл Японы Эзэн хааны одонгоор шагнууллаа
2014-11-26 15:57:51 - Хууль
Угаалгын газар хонуулсан машиныг согтуу угаагч хулгайгаар унаж яваад онхолджээ
2014-11-26 15:53:14 - Спорт
“Ирвэсүүд”, “Чингис сити” багууд тоглоно
Их уншсан
Их сэтгэгдэлтэй