Олон хоног сураггүй алга болсон охин хаана юу хийж байв?

Түгээх    
2013-03-14 14:18:08 - Нийслэл

huuhed-ТЭРЭЭР 14 ХОНОГИИН ДАРАА ОЛДЖЭЭ-

"Есөн настай Э хоёрдугаар сарын 26-ны орой гэрээсээ гараад сураггүй боллоо" гэх жаахан охины зурагтай зар олон нийтин газарт тавигдсан байв. Э охин олдсон эсэхийг лавлахаар ар гэрийнхэнтэй нь холбогдлоо. "Охин маань хоёр хоногийн өмнө олдчихсон" гэж баяр хөөртэй дуугаар хариулав. Насанд хүрээгүй, тэр дундаа охин хүүхэд өнгөрсөн 10 гаруй хоногийн хугацаанд хаагуур, юу хийж байсныг сонирхсон юм. Э-гийн ээж ингэж ярив.

-Охиноо хаанаас яаж олж авсан юм бэ?

-Энэ олон өдөр охин маань орон сууцны орцоор хоноглож байсан гэж ярьсан. Нэг охин л дагуулаад яваад байсан. Гэрээсээ зугтсан 14 настай охин манай хүүхэдтэй таараад дагуулаад явж байсан гэсэн.

-Тэр охиныг та нар таньдаг юм уу. Танай хүүхэд алга болохдоо оройн цагаар гэрээсээ гарсан гэсэн. Хэнтэй явсан юм бэ?

-Охин маань хичээлээ тараад гэртээ ирэх замдаа тэр охинтой таарч, танилцсан байгаа юм. Түүнийг бид урьд нь огт харж байгаагүй хүүхэд байна лээ. Хүүхэд болсон хойно хичээлээ тарчихаад "Өргөө" кинотеатрын ойролцоо тоглоомын газар тоглож байгаад тэр охинтой танилцаж л дээ. Тэгээд гэртээ хамт ирсэн байсан. Тухайн үед би төрөх гээд эмнэлэгт хэвтчихсэн байв. Нөхөр маань Баянхонгор аймаг руу ажил хийхээр яваад эзгүй байсан. Гэрт дөрвөн хүүхэд маань л үлдсэн юм. Би тэгээд хажуугийнхаа айлын хүмүүст хүүхдүүдээ захиж үлдээгээр эмнэлэгт хэвтсэн. Тэр хойгуур охин маань танихгүй хүүхдийг гэртээ дагуулж ирж л дээ. Орой болтол манайд хамт байсан гэсэн. Харуй бүрий болж, тэр охин гэртээ харилаа гэхэд нь охин маань автобусны буудал руу дөхүүлж өгөхөөр гараад буцаж орж ирээгүй. Тэгээд шөнө дунд боллоо, нэг хонолоо охин маань сураггүй алга болчихоор нь бид ч их сандарч, айцгаасан.

-Тэгээд охиноо хаагуур хайв?

-Цагдаагийн газарт хандаж, хорооныхоо ажилтнуудад дуулгасан. Манай хорооны ажилтнууд ч чадах ядахаараа хайсан даа. Өнгөрсөн зун манай гэр шатсан юм. Тэгээд манайх Хүчирхийллийн эсрэг төвийн хамгаалах байранд түр байрлаж байлаа. Тэр үед тэнд нэг тайрмал үстэй охин байсан. Манай охиныг дагуулж явсан хүүхэд тайрмал үстэй байсан гэхээр нь бид өнөөх хамгаалалтын байранд харсан охиныг гэж сэжиглэлээ. Би ч нялх хүүхэдтэй гэрээс гарч чадаагүй. Охин алга болсныг дуулаад нөхөр маань хөдөөнөөс ирж, хорооныхоо ажилтнуудтай хамт гадуур хүүхдээ хайсан. Тэгээд охиныг дагуулаад явсан байж магадгүй гэсэн хүүхдийн гэрийг олж, очтол ээж нь байсан юм билээ. "Манай охин ёолкоо тэмдэглэнэ гэж гараад одоо болтол гэртээ эргэж ирээгүй гурван сар боллоо" гээд охиныхоо араас санаа зовсон шинжгүй байсан байгаа юм. "Манай хорооны ажилтан охиныг маань гоё сургуульд сургаж, сайхан амьдруулна гэж бидний тархийг угаагаад, сурч байсан сургуулиас нь аваад явсан. Түүнээс охиноо асуутал асрамжийн газар байгаа гэв. Тэнд очоод сураглатал охиныг маань байхгүй, явчихсан гэсэн л дээ. Төрүүлсэн үр хүүхдээ цаашаа гэх хүн хаа байхав. Хөндлөнгийн хүмүүс л үр хүүхдийг маань биднээс салгаж байна шүү дээ. Амьдралын боломж тааруу, араас нь хөөцөлдөөд яваад байх чадваргүйг маань далимдуулж байгаа хэрэг" гэж ярьсан гэсэн. Ингээд тэдний хүүхэд манай охиныг дагуулж яваагүй болох нь тогтоогдсон л доо. Охиноо хайж энд тэндгүй зар наасны дараа нэг залуу бидэнтэй холбогдсон юм. Түүний охин дүү нь алга болчихсон юм билээ. Тэгээд хамт явж байгаа байх гэж таамаглаад бидэнтэй холбогдсон гэсэн. Тэд их олуулаа, машинтай явж хүүхдээ хайж байсан.

-Танай охинтой хамт олдсон хүүхдийн ар гэрийнхэн юм уу?

-Тийм ээ. Тэд таамагласан мөн болж таарсан. Бид ч охиноо алдчихлаа гээд уйлж хайлан аль сайн мэргэч, төлгөч, бөө, ламаар явсан. Тэгэхэд "Амьд байна. Нэг хүнтэй л хамт яваад байна" гэсэн. Тэгэхээр нь бага ч болов сэтгэл уужирсан хэрнээ тайвширч чадахгүй байлаа. Харин өнөөх хамт явж байсан охины ах нь тэднийг орцонд унтаж байхад нь олж авсан гэсэн.

-Хоёулхнаа юу. Тэдэнтэй хамт өөр хүмуүс байсан гэнэ үү?

-Үгүй юм шиг байна лээ. Хоёулхнаа л байсан гэсэн. Бид ч охиноо олж авсандаа бөөн баяр болоод нарийн ширийн юмыг нь сонирхоогүй.

-Гэртээ ирэхдээ охины чинь бие ямаршуу байв?

-Их л гэрээ санасан хүн орж ирсэн. Уулзангуутаа сүйд майд болцгоосон. Охиноо олж авуутаа юун түрүүнд эмнэлэгт үзүүлсэн. Бие нь эрүүл саруул зүгээр байна гэсэн болохоор санаа амарлаа.

-Э урьд нь гэрээсээ явж байсан уу?

-Огт гэрээсээ гарч байгаагүй хүүхэд. Өдөр 12 цаг гэж хичээлдээ яваад тарангуутаа шууд гэртээ ирдэг байсан. Тэр өдөр гэрт хүүхдүүд л байсан болохоор анзаараагүй юм шиг байгаа. Манай охин хэр баргийн хүнд уруу татагдаад байхааргүй. Гэтэл тэр өдөр яагаад тэгээд хүн дагаад явчихсан юм бол гээд гайхаж л байна. Ахад нь хүртэл "Дүүгээ сайн харахгүй яасан юм" гэтэл "Ээж минь ингээд яваад өгнө гэж яаж санах билээ" гэж байсан. Арга ч үгүй биз. Ямар урьд нь гэрээсээ гараад явчихдаг байсан биш дээ.

-Танайх ам бүл хэдүүлээ вэ?

-Манайх таван хүүхэдтэй. Э айлын хоёр дахь охин, гурван дүүтэй. Ам бүл долуулаа.

-Охин чинь хичээлдээ явж байгаа юу?

-Хичээлдээ яваагүй. Ирэх даваа гаригаас явуулна даа. Олон хоног хичээлдээ яваагүй болохоор ангийн багш, найзуудаа их саначихаж. Охиноо хайж байгаа талаар багштай нь уулзсан. Багынх нь багш болохоор маш сайн ойлгож байгаа байх. Хүүхдийн маань зан төлвийн талаар сайн мэдэх хүн.

-Дахиж охин чинь хэн нэгэнд уруу татагдаад ч юм уу гэрээсээ явах вий. Үүнд эцэг, эхчүүд та бүхэн хараа хяналттай байгаарай...

-Тийм ээ. Охин маань ч одоо гэрээсээ явахгүй, дүүгээ, ээж аавыгаа маш их санасан гэж байна. Охиныг дагуулж явсан хүүхдийн ар гэрийнхэнд "Манай гэрийг мэдэж байгаа болохоор дахиад хүрч ирээд охиныг маань дагуулаад явчих бий дээ" гэж болгоомжилж хэлсэн. Ар гэрийнхэн нь "Тийм зүйл болохгүй" гэж байсан. Тэр охин урьд нь гэрээсээ хоёр, гурван удаа явж байсан гэнэ лээ, Аав, ээж нь гадаадад байдаг болохоор байгаа айлынх нь хүмүүс зодсоноос болж гэрээсээ зугтдаг юм байна. Тэгээд манай хүүхэдтэй таарч, "Ингээд хамт дагуулаад явж болох юм байна" гээд хань татсан бололтой.

"НАМАЙГ ДӨРВӨН САЯ ТӨГРӨГӨӨР БАРЬЦААЛСАН ГЭЭД ЯВУУЛАХГҮЙ БАЙСАН"

Э охин гэрээсээ гадуур 10 гаруй өдөр орц хонгилоор хоног төөрүүлэхдээ яажшуухан байсан талаар ээжээс нь зөвшөөрөл авсны дагуу зарим зүйлийг тодрууллаа.

-Миний дүү яагаад гэрээсээ явсан юм бэ?

-Би хичээлээ тараад "Өргөө" кинотеатрын тэнд тоглож байтал У ирсэн. Тэгээд надтай хамт манайд очсон юм. Орой болоод 10 өнгөрч байхад тэр охиныг гэр лүү нь хариулахаар хамт гарсан. Тэгээд би автобусанд суулгаж өгөх гээд буудал руу очсон юм. Тэгээд намайг хамт байя гээд дагуулаад явсан.

-Та хоёр хаана байсан юм бэ?

-"Өргөө" кинотеатрын тэнд нэг байрны орцонд хонодог байсан. Орцны жижүүрийн өрөөнд хонодог.

-Тэр орцны жижүүр нь ямар хүн байв. Та хоёрыг айлгаж, загнаж байсан уу?

-Эрэгтэй, эмэгтэй хоёр хүн байсан. Ерөөсөө загнаж, айлгаагүй. Нэг эгч нь миний үсийг самнаж өгч байсан ш дээ.

-Тэр хүмүүс та хоёрыг "Яагаад гэртээ харихгүй байгаа юм. Ямар учиртай хүүхдүүд юм" гэж санаа тавьж, цагдаад мэдэгдээгүй хэрэг үү?

-Тэгж асууж байгаагүй. Тэгээд сүү аваачиж өгөөд л хоночихдог байсан.

-Энэ олон хоног та хоёр нэг газраа л байсан юм уу?

-Өөр өөр орцонд хонож байсан. Нэг орцонд лав хоёр хоносон.

-Хоол ундаа яаж болгож байв. Өлсч цангасан уу?

-Өдөр нь пирошки, бэлэн гоймон иддэг байсан. "Өргөө"-гийн хажуу талын бэлэн гоймонгийн газар руу ороод л идчихнэ. Бас дэлгүүр хэсдэг.

-Мөнгө яаж олсон юм бэ?

-Тэр эгчид мөнгө байсан. Аан, тийм. Гар утсаа зарсан.

-Өөрийнх нь гар утас юм уу?

-Мэдэхгүй ээ. Нэг удаа Есүсийн сүм рүү очсон. У аниа тэнд бүртгүүлсэн гээд байсан. Гэхдээ намайг оруулаагүй. Гадаа нь замын хажууд байж бай гэчихээд өөрөө орчихоод гарч ирсэн. Дараа нь гар утсаа зараад мөнгөтэй болсон. Нэг олон товчлууртай утсыг 10 мянгаар, мэдрэгчтэйг нь болохоор 12 мянган төгрөгөөр зараад байсан.

-Тэр охин яагаад гэрээсээ зугтсан юм бол. Эцэг, эх нь юу хийдэг гэнэ?

-Аав, ээж хоёр нь Туркт амьдардаг гэсэн. Харин У хамаатныхаа нэг айлд байдаг. Айлынх нь хүмүүс зодоод байхаар нь оргочихсон юм байна лээ. Халуун тогооны залгуураар ороолгодог гэсэн. "Яагаад тэнээд байгаа юм" гээд зодохоор нь оргодог гээд байна лээ. Бид хоёр тэрний байдаг айлд очсон.

-Гэр нь хаана байдаг юм байна?

-Хайлаастын тэнд байдаг. Уулын хажууд нэг хашаатай. Тэнд олон өрөөтэй байшинд байдаг юм байна лээ. Тэр охины амьдардаг хамаатных нь айл гэсэн. Нээрээ У эгч сургуулийнхаа тэргүүний сурагч гэсэн ш дээ.

-Миний дүү танихгүй хүн дагаад гадуур явахдаа айгаагүй юу. Бас гэрээ их санасан байх...

-Ерөөсөө айгаагүй. Гэрээ аймаар их санасан. Дүүгээ, ээжийгээ зөндөө санасан.

-Тэгвэл яагаад гэр рүүгээ хариагүй юм бэ. Чиний араас маш олон хүн санаа зовсон шүү дээ. Аль эсвэл хамт байсан охин загнадаг байв уу?

-Би гэртээ харимаар л байсан. Даанч намайг барьцаалсан гээд надаас мөнгө нэхээд байсан ш дээ. Гэртээ харих юм бол дөрвөн сая төгрөг өг" гээд байсан. Надад мөнгө байхгүй болохоор энэ их мөнгийг хаанаас олж өгнө өө гэж бодоод л дагаад яваад байсан.

-Одоо дахиж танихгүй хүн дагаж, гэрээсээ явахгүй биз дээ?

-Ёстой их хаширсан. Би угаасаа "Дахиж гэрээсээ хэзээ ч явахгүй" гээд аав, ээж, ах гээд гэрийнхэндээ бүгдэд нь тангараг өгсөн. Уг нь манай сургууль гэрээс холгүй болохоор би ганцаараа явдаг байсан юм. Одоо намайг хичээлдээ явахад манай аав хүргэж өгч, авч байна гэсэн.

Бага насны хүүхдүүд алга боллоо гэх дуудлага цагдаагийн байгууллагаас тасардаггүй байна. Эцэг эх, асран хамгаалагчид хүүхэдтэй зүй бус харьцаж байгаагаас бага насныхан гэрээсээ оргох, зугтах явдал их гардаг гэнэ. Харин нөгөө хэсэг нь хүүхдийн гэнэн томоогүй зангаасаа болж, төөрөх, бусдын олз болдгийн бодит үнэнийг хүргэхэд ийм байна. Тиймээс эцэг, эхчүүд өөрийнхөө нэг хэсэг болсон үр хүүхдүүддээ хараа хяналттай байж, таны хүүхэд хаана, юу хийж байгаад санаа тавьж байхыг холбогдох байгууллагуудаас байнга анхааруулдаг билээ.

М.Мөнхцэцэг

Тус мэдээллийг бусад хэвлэл мэдээллийн байгууллага хуулбарлан нийтлэхийг ХАТУУ хориглоно.

ӨДРИЙН СОНИН



Энэ МЭДЭЭ танд таалагдаж байвал Like хийгээрэй. Танд баярлалаа.
Манай САЙТ танд таалагдаж байвал Like хийгээрэй. Танд баярлалаа.
Сэтгэгдэлүүд
Нийт 21

sdfg (49.0.*.*)
2013-03-17 21:15:25
chi ysan teneg yum be harinch gaigui huuhedtei uchir hAR tamhi zaruulaad erhtniine zardag humuus baidag yum bataa

Zochin (202.9.*.*)
2013-03-17 18:21:28
ene huuhed estoi hetsuu amidraltai huuhed eej ni bie muutai er ni mash ih tuslamj heregtei ail.Manai mongoliin tur iim ailuuddaa tusalj demjih arga hemjee awmaar yumdaa.eej ni ug ni haraa muu bas sonsgol muu er ni grupt orohoor hun.ydaj l grupt ni oruulaad ugchmuur bgaamdaa....... odoo hrupt orno gej buun chiregdel buun hund surtal bas buun hahuul bdag gj bgaa

bmaa (49.0.*.*)
2013-03-15 20:40:50
nylh huuhed yu medehewdee, mungu neheheer ni mungugui gd harij chadahgui l bsn bnshdee, 9 hon nast huuhed yaj altsganahawdee, bichij bgaa yumaa bodmoor yum, hun heleheer oort gedeg ug bdg daa,

zochin (202.21.*.*)
2013-03-15 17:04:02
Охиноо сэтгэл зүйчтэй ярицлага хийлгэн зөвлөгөө авах хэрэгтэй тэнэх дотой болж мэднэ бас эцэг эхчүүд хүүхдүүтэйгээ өдөр болгон өдрийг хэрэхэн өнгөрөөсөн талаар ярьж байвал дараа нь хүүхэд өөрөө яандаа ярьдаг болно хүүхдээ сонсож сурах нь чухал шүү

od (202.126.*.*)
2013-03-15 15:51:28
ee ohinoo sain vzvvleerei erhten yum n yag bna uu hvvhdiig untuulaad donor yumand ashiglasan yum bish biz aimaar shv anhaarch sain vzvvl dahiad ch vzvvlee

Зочин (108.235.*.*)
2013-03-15 06:20:16
Ийм гэр бул ,ийм орчинд ессен хуухэд ийм байхгуй яах юм бэ,тэгээд бас хун амаа есгене гээд байгаа,удахгуй дебилуудийн эх орон болноо

Upango (82.145.*.*)
2013-03-15 01:52:47
Ee ymap aimap oxiduud we gexde ailgvitej ywaagvi bxa jooxon xvvxedvvd bnsxde aigaagvi ym bxda

mongol (90.179.*.*)
2013-03-14 23:35:40
Mongold huuhdiin toloo er um hiihgui bna ,,ene huuhduud gaduur end tend honood uls tor yu hiij bgaa um be ,?MONGOLD amidral aimaar bna!!!!!!!!!!!!!!!!!

Зочин (202.179.*.*)
2013-03-14 20:59:24
ер нь сэтгэл зүйн хувьд ч гэсэн ийм хүүхэд эмзэг байдаг. болж өгвөл түүнийг нь сануулахгүйгээр, ялгавартай харьцахгүй байхыг хичээх хэрэгтэй дээ.

Зочин (202.21.*.*)
2013-03-14 20:07:04
сургуульд нь хүргэж өгч,авч байхгүй бол дахиад дагуулаад явчихвий дээ.сайн хэлж ойлгуулах хэрэгтэй,ямар олон хоноо вэ,

Зочин (49.0.*.*)
2013-03-14 19:23:06
dakhij yvkh l bkhaa ukhaantai l khandakhgui bol okhingui l bolloo gesen ug

Suuder6 (103.10.*.*)
2013-03-14 19:19:33
huuhed hudlaa yaridaggyi yum.sain uchir medhgui tomootoi l huuhed bnashdee.nuguuh ni harin yum uzsen tolgoi bna hulgai hiij tenedgiin bishuu .za za eldev muu yum bololgui esen mend oldson ni yamai.mungunii hoinoos uhelded ur huuhdee haihrahaa bolison humuus olon bolj etssiin etsest mungu bish ur huuhed chin l huliig ni huchij tolgoig ni tushin gdgig oilgosoi humuus

Зочин (122.201.*.*)
2013-03-14 18:53:08
Zarim neg setgegdel bichij baigaa malnuud yer ni yugaa ch medehgui baij solioroh yumaa. Tenegee meddeggui teneg bol usan teneg baidag yum daa

Зочин (122.201.*.*)
2013-03-14 18:17:52
muu huduunii malnuud zailtsgaa

zochin (110.175.*.*)
2013-03-14 17:52:21
huuhdiin setgehui genen shde, yund ch itgej medne, hoorhii zailuul daa,

Subo (203.91.*.*)
2013-03-14 16:40:54
shal hudlaa medeelel bn 3 ohin alga bolood 2 ni oldohgui bgaa naad ohin chin 3 sariin 7-noos hoish bhgu bj bgad 4 honoodl irsen gaduur baahan zugaatsaj altsaganaj bgaad irsen dee hoorhii

зочин (202.126.*.*)
2013-03-14 16:05:31
Харин тийм санасан л бол ирнэ ш дээ но той л айл байна

Зочин (124.158.*.*)
2013-03-14 15:52:37
daguulj yavsan n hunii naimaachin bna daa

зочин (182.160.*.*)
2013-03-14 15:31:13
За даа гадаад гээд их сүжрээд үр хүүхдээ ийм замд оруулж байгаа хүмүүс нэгийг бодох хэрэгтэй л болж дээ. Тэр гадаадад байгаа тэнэгүүд лав интернетэд орон биш үүнийг мэдэхгүй л байгаа даа. Захиж үлдээсэн хүмүүс нь аав ээжээс нь сар бүр мөнгө цохиод л... Хүн чанаргүй явдал ихсэж байна даа.Энэ бол монголын эмгэнэл Хамгийн чухал баялаг бол хүн шүү дээ.

Зочин (49.0.*.*)
2013-03-14 15:08:27
ter orznii 2 mal yu ve, suu uguhuur usiig n samnaj uguud l hohuulad bdag gene yu gesen ug vee...ene mongol chin yu bolood bn ?!

Бат (202.21.*.*)
2013-03-14 14:56:00
Тэнүүчилж чадсан бол гэрээ санаж харагдаач санаад байгаа бол ирнэ л биздээ нэг тэнэсэн бол хоер дахиа заавал тэнэдэг юм даа хөөрхний

Сэтгэгдэл бичих

АНХААРУУЛГА: Уншигчдын бичсэн сэтгэгдэлд Medee.MN хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.

Таны нэр:


Таны сэтгэгдэл:


Шинэ мэдээ
2014-12-18 18:35:58 - Эдийн засаг
Монгол Улсын 2014 оны төсвийн тухай хуульд өөрчлөлт оруулах тухай хуулийн төслүүдийг баталлаа
2014-12-18 18:32:27 - Улс төр
Засгийн газрын үнэт цаас гаргахыг зөвшөөрөх тухай тогтоолын төслийг хэлэлцэхийг дэмжлээ
2014-12-18 17:39:12 - Эрүүл мэнд
Эбола вируст халдвараар 18669 хүн өвчилжээ
2014-12-18 17:23:49 - Хууль
МҮОНРТ-ийн Үндэсний зөвлөлөөс М.Наранбаатарт зөвлөмж хүргүүлжээ
2014-12-18 17:21:25 - Спорт
Хакухо М.Даваажаргал: Японы сумогийн холбооноос дарамт, шахалт ирэхгүй байгаа
2014-12-18 17:13:41 - Гадаад
ОХУ-ын ерөнхийлөгч В.Путины хэвлэлийн хурал эхэллээ
2014-12-18 16:55:04 - Хууль
Хараа хяналтгүй 34 хүүхдийг эцэг эхчүүдэд нь хүлээлгэн өгчээ
2014-12-18 16:44:44 - Улс төр
УИХ-ын чуулганы нэгдсэн хуралдаан завсарлалаа
2014-12-18 16:21:42 - Эрүүл мэнд
Улсын хэмжээнд томуу, төст өвчний тархалт нэмэгджээ
2014-12-18 16:11:06 - Улс төр
МАН-ынхан чуулганы хуралдаанд ирсэнгүй
2014-12-18 16:05:51 - Энтертайнмент
Монголчуудад зориулсан байшин хэлбэртэй бялуу
2014-12-18 15:52:50 - Байгаль Орчин
Ихэнх нутгаар цас орж, хүйтний эрч чангарна
2014-12-18 15:47:35 - Улс төр
УИХ-ын чуулганы нэгдсэн хуралдаан эхэллээ
2014-12-18 15:34:40 - Улс төр
Намууд зөвшилцөж чадахгүй байна гэв
2014-12-18 15:33:20 - Боловсрол
Сэтгүүл зүйн түүхэнд бас нэгэн шан татагдлаа
2014-12-18 15:25:45 - Нийслэл
Сонгинохайрхан дүүрэг дугаарын хязгаарлалтаас чөлөөлөгдөв
2014-12-18 15:17:47 - Нийслэл
Шүүхийн шийдвэр гартал МҮОНРТ-ийн захирлаар хүн томилохгүй байхыг зөвлөв
2014-12-18 15:07:28 - Улс төр
Б.Батзориг: Улстөрийн шинжтэй гүтгэлэг гэж харж байна
2014-12-18 15:05:50 - Нийслэл
Баянзүрх, Налайх дүүрэгт “хамтын хуримтлалын сан” байгуулагдана
2014-12-18 15:01:46 - Хууль
Тагнуулын Д.Цогтбаатарын ялыг хэвээр үлдээлээ
2014-12-18 14:59:59 - Нийслэл
Нийслэлийн мал, тэжээвэр амьтдын тоог нэгтгэж байна
2014-12-18 14:34:39 - Хууль
Казахстанд ял эдэлж байсан хоёр иргэнийг эх оронд нь авчирчээ
2014-12-18 14:23:53 - Орон нутаг
“Эрдэнэт” үйлдвэр ажилчдаа 500 мянган төгрөгөөр шагнах тушаал гаргажээ
2014-12-18 14:04:56 - Улс төр
Ж.Мөнхбат: МАН хэзээ ч төрийн албан тушаалыг мөнгөөр үнэлж байгаагүй
2014-12-18 14:03:46 - Энтертайнмент
”National geographic”-ийн гэрэл зургийн уралдаанд түрүүлсэн шилдэг бүтээлүүд
2014-12-18 13:43:50 - Гадаад
Ангарагийн чулуулгаас органик бодис илрүүлжээ
2014-12-18 13:30:58 - Шар
Малала Нобелийн шагналын мөнгөө амиа алдсан хүүхдүүдийн ар гэрт хандивлана
2014-12-18 13:29:14 - Улс төр
АН, МАН хамтарсан мэдэгдэлд гарын үсэг зурна
2014-12-18 13:06:02 - Улс төр
УИХ-ын чуулган 14 цагт хуралдана
2014-12-18 12:51:07 - Шар
“Ким Чен Ун ялалт байгууллаа”
2014-12-18 12:49:09 - Энтертайнмент
НОМИН шинэ жилийн бэлгээ задаллаа
2014-12-18 12:43:30 - Нийслэл
Сэрэмжлүүлэг: Булаах гэмт хэрэг нэмэгджээ
2014-12-18 12:40:44 - Эрүүл мэнд
Ц.Мөнхбаяр Зайсангийн хорихын эмнэлэгт эмчлүүлж байна
2014-12-18 12:39:48 - Гадаад
Барьцааны иргэдийг сулласан бичлэг олон нийтэд ил болжээ
2014-12-18 12:35:34 - Энтертайнмент
Монголын мисс "Дэлхийн авьяаслаг мисс"-ийн тэмцээнд амжилттай оролцож байна
2014-12-18 12:32:45 - Эдийн засаг
Гацууртыг стратегийн ордод оруулах гэж яарахын учир
2014-12-18 12:26:38 - Спорт
Манай тамирчид ”Дакар ралли 2015”-д оролцохоор эх орноосоо мордлоо
2014-12-18 12:23:52 - Нийслэл
“Дугуйтай санта” парад болно
2014-12-18 12:19:36 - Спорт
Манай тэшүүрчид оюутны ДАШТ-д оролцоно
2014-12-18 12:19:28 - Орон нутаг
Архангай аймагт “Нэг цонхны үйлчилгээний төв”-ийн нээлт боллоо
Их уншсан
Их сэтгэгдэлтэй