Канад Олимпын наадамд оролцохоос татгалзжээ

Aдмин / Спорт

Канадын Үндэсний олимпын хороо коронавирусний дэгдэлттэй холбоотойгоор Токиод болох зуны Олимпын наадамд тамирчдаа оролцуулахгүй байх шийдвэр гаргажээ.

Одоогийн байдлаар олимпын наадмыг хуваарийн дагуу 7 дугаар сарын 24-нөөс 8 дугаар сарын 9-ний хооронд зохион байгуулах төлөвтэй байгаа юм. Дэлхийн улс орнуудад коронавирусний халдвар тархсантай холбоотойгоор Олимпын наадмыг хуваарийн дагуу зохион байгуулах эсэх шийдвэрийг ОУОХ дөрвөн долоо хоногийн дотор гаргана гэж тус хорооны ерөнхийлөгч Томас Бах ням гарагт мэдэгдсэн.

“Канадын олимпын хороо, паралимпын хороо, Засгийн газар, тамирчдын комисс, үндэсний спортын холбоод хамтран Токиод болох Олимпын болон Паралимпын наадамд тамирчдаа оролцуулахгүй байх хүндхэн шийдвэрийг гаргалаа. Олимпын наадмыг нэг жилээр хойшлуулах хүсэлтийг бид Олон улсын олимпын хороо, Олон улсын паралимпын хороо, Дэлхийн эрүүл мэндийн байгууллагад нэг бус удаа гаргасан. Түүнчлэн хугацааг хойшлуулж байгаатай холбоотойгоор гарч буй хүндрэл бэрхшээлийг шийдвэрлэхэд тусламж үзүүлэхэд бэлэн байгаагаа илэрхийлсэн. Олимпын наадмыг хойшлуулах шийдвэрийг даруй гаргах хэрэгтэй байгааг ойлгож байгаад нь бид Олон улсын олимпын хороонд талархаж байна” хэмээн мэдэгдэлд дурджээ.

Канадын үндэсний олимпын хороо Токиогийн олимпын наадамд /товлосон хугацаанд нь/ оролцохоос албан ёсоор татгалзаж буй анхны улс болж байна. Канадын шигшээ баг Олимпын наадамд хоёр удаа оролцож байгаагүй аж. 1896 оны Афины олимп болон 1980 онд Москва хотод болсон Олимпын наадамд оролцохоос татгалзаж байжээ. Олон улсын хөнгөн атлетикийн холбооны тэргүүн Себастьян Коу Токиогийн олимпыг хойшлуулахыг өмнө нь Бахаас хүссэн байна. Түүнээс гадна, Бразил, Колумби, Норвеги, Словени болон Хорватын Олимпын хороо, АНУ-ын Хөнгөн Атлетикийн холбоо, Испанийн хөл бөмбөг, хөнгөн атлетикийн холбооноос ийм хүсэлт гаргажээ.

Өнгөрсөн оны сүүлчээр БНХАУ-д бүртгэгдсэн шинэ төрлийн коронавирусний халдвар дэлхийн 190 гаруй улс орон, нутаг дэвсгэрт тархаад байгаа билээ. Дэлхийн эрүүл мэндийн байгууллагын хамгийн сүүлийн мэдээллээр, халдвар авсан нийт хүний тоо 300 мянга давж, 14 мянга гаруй хүн нас баржээ.

Эх сурвалж: Монцамэ


Сэтгэгдэл

ZAP [202.9.40.50] 2021-05-05 05:34:49

ZAP [202.9.40.50] 2021-05-05 05:34:49

qbljerjgml [77.247.181.163] 2021-03-18 10:53:25

Muchas gracias. ?Como puedo iniciar sesion?

wnizbxzsxn [77.247.181.163] 2021-03-18 10:53:24

Muchas gracias. ?Como puedo iniciar sesion?

ZAP [134.122.22.13] 2020-03-29 14:50:27

ZAP [134.122.22.13] 2020-03-29 14:50:27

Зочин [202.126.88.139] 2020-03-23 13:42:16

Olimp gj heden tom ulsuud l ursulduj medali hamna,erni ogt boli

Зочин [202.131.239.62] 2020-03-23 09:42:29

Uul uzeegui hormoi shuuv

Зочин [66.181.161.111] 2020-03-23 07:35:28

Mongolin Ontsgoi Gamshigin ersdel unlegchdin holboo ard niit gaduur baga garch gertee agaar selbelt hiij mask zuuj hevshih MOGEUH

Зочин [202.131.233.10] 2020-03-23 06:23:34

Европын хөлбөмбөгийн аварга яах бол энэ зун үзэх юмгүй баларчээ

Зочин [103.212.117.233] 2020-03-23 12:54:19

2021 ond zohioh baiguulahaar bolson.

зочинд [202.5.205.2] 2020-03-23 07:24:50

юун хөлбөмбөг бэ Ёвропын улс яахаа мэдэхгүй болчихоод байхад мөн ч амар амгалан монгол бэ.кккк

Зочин [14.0.47.49] 2020-03-23 06:08:46

hurdan zogsoosoi


13 сэтгэгдэл байна
1000 тэмдэгт оруулах үлдлээ.
Уншигчдын бичсэн сэтгэгдэлд Medee.MN хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
13 сэтгэгдэл байна
Уншигчдын бичсэн сэтгэгдэлд Medee.MN хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.