Монгол Улсын нутаг дэвсгэрт 800 хятад иргэн орогнон, мөнгө угаасан байж болзошгүй хэргийг өнгөрсөн оны аравдугаар сарын 29-ний өдрөөс шалгаж эхэлсэн билээ. Тус хэрэгт эд мөрийн баримт болгож 3.4 тэрбум төгрөгийн үнэлгээтэй олон тооны компьютер, гар утас, нийтдээ 1.1 тэрбум төгрөгөөр үнэлсэн жийп, 1.6 тэрбум төгрөгтэй тэнцэх хэмжээний валют хураасан талаар хууль хяналтын байгууллагаас мэдээлэл хийж байсан.

Тус хэргийн урьдчилсан хэлэлцүүлэг нийслэлийн Баянзүрх, Сүхбаатар, Чингэлтэй дүүргийн Эрүүгийн хэргийн шүүхэд өнөөдөр /2020.09.09/ эхэллээ. Шүүгдэгчэгчид нийт 20 өмгөөлөгчтэй хуралд оролцож байна.

Хэргийг шалгах явцад, дээрх иргэд Монгол Улсад мөнгө угаасан, цахим залилан, луйвар хийсэн болох нь тогтоогджээ. Хэргийг голлон зохион байгуулагчдыг саатуулан, бусдыг нь Монгол Улсаас албадан гаргасан юм.