Амралтын өдрүүдэд шинжилгээний бүх цэг Баянгол дүүрэгт ажиллана
Баянгол дүүргийн 5, 6 дугаар хороонд коронавируст “Ковид-19” халдвар голомтлон гарсантай холбогдуулан 2021 оны 01 дүгээр сарын 08-10-ны хооронд тус хороодын 20 мянга гаруй иргэнийг PCR-ийн шинжилгээнд хамруулах ажлыг зохион байгуулж байна.
Энэ хүрээнд дүүргийн тодорхой байршилд хэсэгчилсэн хязгаарлалт тогтоож, явуулын 46 баг халдвар илрүүлэх, тандах шинжилгээг хийж байгаа бөгөөд эрүүл мэнд байгууллагын 230 эмч ажилтан, цагдаа болон онцгой байдлын 300 гаруй албан хаагч дайчлагдан ажиллаж байна.
Түүнчлэн коронавируст халдварыг илрүүлэх, тархалтыг таслан зогсоох зорилгоор төвийн зургаан дүүрэгт ажиллаж буй шинжилгээний цэгүүдийг энэ бямба, ням гарагт Баянгол дүүргийн 5, 6 дугаар хороонд нэмэлтээр ажиллуулахаар боллоо.
Ингэснээр дээрх хороодод халдвар илрүүлэх, тандах шинжилгээнд явуулын 58 багийн 360 гаруй эмч, эмнэлгийн мэргэжилтэн ажиллах юм.
Тиймээс бямба, ням гарагт нийслэлийн хэмжээнд PCR-ийн шинжилгээ авах цэгүүд ажиллахгүй болохыг иргэд, олон нийтэд мэдэгдэж байна.
Ирэх даваа гараг буюу 01 дүгээр сарын 11-ний өдрөөс эхлэн шинжилгээний цэгүүд тогтсон цагийн хуваарийн дагуу ажиллах болно.
Сэтгэгдэл
zochin [66.181.161.94] 2021-01-09 11:07:43
mask zuusen,virustei huntei oir baisnig shinjulj boldoggui yum u?,ter horoodiin buh humusl hoorondo zorood yavaad bh u,tegeed bur humus garahni tsoorsn ued.mask zuusenl bol neg ortsond ilersench buh ailig hamrulj shinjildeg,neg ortsondch taaraldahgui humus bn.
Зочин [66.181.178.117] 2021-01-09 07:11:18
zuv sh de.bugdiig zereg avahad huchin chadal hurehgui shde
зочин [103.212.119.42] 2021-01-09 06:04:23
салан баавгайн үлгэр,ой санамжаа алдчихсан төр засаг
Зочин [192.82.78.223] 2021-01-09 03:59:10
НЭГ АЖИЛ ХИЙСЭН БОЛОХ ГЭЖ НӨГӨӨХӨӨ ОРХИДОГ ТЭНЭГ СЭТГЭЛГЭЭ ЮУ, ЭСВЭЛ ЦАГААНДАА ГАРААД ХАЯЖ БАЙНА УУ? ЯДАЖ ЭМЧИЛГЭЭНИЙ АРГАА САЙХАН ТАЙЛБАРЛААД ӨГЧИХ УОК!