Нийслэлийн хэмжээнд малын өвчин бүртгэгдээгүй байна

Aдмин / Нийгэм

Нийслэлийн Онцгой байдлын газрын дарга А.Дашням “Өнгөрч буй 14 хоногийн хугацаанд гал түймрийн утаажилтын бүсээс 45 иргэнийг гаргаж, аюулт үзэгдэл ослоос зургаан иргэнийг аварч, 2,9 тэрбум төгрөгийн өмч хөрөнгийг хамгаалж ажилласан. 2022 он гарснаас хойш өнөөдрийг хүртэлх хугацаанд нийслэлийн хэмжээнд объектын гал түймэр 227, аврах ажиллагааны 15, нийт 242 удаагийн дуудлагын дагуу ажилласан нь өнгөрсөн оны мөн үетэй харьцуулахад 16,9 хувиар өссөн үзүүлэлттэй байна.

Түүнчлэн нийслэлийн хэмжээнд анхаарал татсан бас нэг асуудал нь ус мөсний халиа дош үүсэж, голын эрэг дагуу аж төрж буй айл өрхүүдэд хүндрэл учирч эхэлжээ. Нийслэлийн Баянзүрх, Сүхбаатар, Сонгинохайрхан, Чингэлтэй дүүргүүдийн нийт 19 хорооны нутаг дэвсгэрт халиа дош үүсэж, нийслэлийн Геодези усны барилга байгууламжийн газар болон дүүргүүдийн Онцгой байдлын хэлтэс, Тохижилт үйлчилгээний хэлтсийнхэн халиа дошоог арилгах ажлыг зохион байгуулжээ. Өнгөрсөн амралтын өдрүүдэд л гэхэд 31 ажилтан албан хаагч, дөрвөн техник хэрэгсэлтэйгээр ажиллаж 120 метр далан байгуулан, 220 метр суваг татаж урсцыг чөлөөлж иргэд, аж ахуйн нэгж байгууллагын эд хөрөнгийг авран хамгаалсан байна. Улсын хэмжээнд малын өвчлөл буурахгүй байгааг Онцгой байдлын газрын дарга анхаарууллаа. Одоогоор нийт 17 аймгийн 106 суманд шүлхий, нэг аймгийн нэг суманд боом, нэг аймгийн гурван суманд арьс товруутах өвчин бүртгэгдээд байгаа аж. Харин нийслэлийн хэмжээнд малын өвчин бүртгэгдээгүй байна.


Сэтгэгдэл

Мэгмэдзээвий [192.82.67.212] 2022-01-25 14:22:55

Нийслэлд: НЗТГ-харьяатай хэдэн тооны малаас өөр мал үгүй биздээ? Хотоос мал зайлуулсан шигээ :Хортой тортогтой түлшний үйлдвэрүүдийг яаралтай Хотоос гаргаж хүн амынхаа ядаж ихэнх хэсэгийг амьд авч үлдмээрсэндээ!

ЗОЧИН [202.126.89.96] 2022-01-25 02:09:18

НИЙСЛЭЛИЙНХЭН НИЙСЛЭЛЭЭСЭЭ МАЛ МАХАА АВЧ ИДЭЭД БАЙЖ ДЭЭ 21 АЙМАГ БАРАГ БҮХ СУМД НЬ МАЛЫН ГҮЦ ХАЛДВАРТ ӨВЧИН ГАРЧ ӨВЧТЭЙ УУЦ АРРУУЛ СҮҮГЭЭ ТЭНГЭРТ ГЭРСМАН ҮНЭ ХЭЛЖ ТЭНЭГТЭЖ БАЙХАД ЮУГАА ХАРЖ ХЯНАЖ БАЙДАГ ЮМ БОЛ ДОО

Зочин [59.153.86.85] 2022-01-25 01:31:12

Нийслэлд мал байдымуу


3 сэтгэгдэл байна
1000 тэмдэгт оруулах үлдлээ.
Уншигчдын бичсэн сэтгэгдэлд Medee.MN хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
3 сэтгэгдэл байна
Уншигчдын бичсэн сэтгэгдэлд Medee.MN хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.