УИХ-ын чуулганы өнөөдрийн /2019.05.23/-ийн хуралдаан эхэллээ. Хуралдаанаар байнгын хорооны даргыг чөлөөлөх, Цахим бодлогын түр хорооны бүрэлдэхүүнд өөрчлөлт оруулах төсөл болон 13 хуулийн төслийг хэлэлцэхээр төлөвлөсөн юм. Хэлэлцэх асуудалтай холбоотойгоор хүүхдийн мөнгийг хүсэлт гаргасан хүүхэд бүрт олгох хуулийн төслийг яаралтай хэлэлцэх саналыг УИХ-ын гишүүн С.Бямбацогт онцолсон юм.

Мөн Эрүүгийн хууль, хөөн хэлэлцэх хугацаатай холбоотойгоор хуульд нэмэлт, өөрчлөлт оруулах хуулийн төслийг боловсруулаад холбогдох байгууллагуудаас саналаа авч байгаа гэлээ.

Энэ талаар Хууль зүй, дотоод хэргийн сайд Ц.Нямдорж “Эрүүгийн хуулийг үндсээр нь оролдохгүй бол болохгүй байна. Энэ хууль өөрөө буруу хууль байсан. 2017 онд өөрчлөлт оруулаад, 2018 онд дахин өөрчлөлт оруулсан. Энэ эх захгүй зүйлийг та нар өөрсдөө хийсэн шүү дээ. Цогцоор нь засах санал оруулж ирнэ. Өөрсдөө галзуу хүн шиг юм хийчихээд, дараа нь надаас хариуцлагаа нэхэх хэрэггүй шүү. Х.Нямбаатар аа, чиний энэ тодрох гэсэн үйлдэл чинь чиний аминд ч хүрч мэднэ шүү, одоо болно” гэв.

Яг одоо чуулганы хуралдаанаар УИХ-ын гишүүн Аюулгүй байдал гадаад бодлогын байнгын хорооны даргаар Т.Аюурсайханыг томилох асуудлыг хэлэлцэж байна.

Чуулганы хуралдаан үргэлжилж байна.