SBS телевизийн нэвтрүүлэгч асан Ким Сонг Жүн метроны буудалд нууц камерын бичлэг хийж байгаад илчлэгдсэн тухай мэдээлэл цацагджээ. Эх сурвалжийн мэдээлснээр Сөүлийн Ён Дын Пу Гу Чон өртөөнд “Нэгэн этгээд эмэгтэй хүний богино банзалын доогуур нууцаар зураг аваад байна” гэсэн дуудлагын дагуу цагдаагийн хэсгээс очиж шалгахад телевизийн нэвтрүүлэгч асан Ким Сонг Жүн байсан ба тэрээр бичлэг хийснээ хүлээн зөвшөөрөөгүй байна.

Гэвч цагдаагийн газраас түүний гар утсыг шалгахад баримт болох бичлэгийн файлууд хадгалаастай байсан нь гэмт хэргийн хөдөлшгүй баримт болжээ.

Харин тэрээр баримт илэрсний дараа “Миний бие зураг дарах сонирхолтойн дээр тэр өдөр дэндүү их архи уун согтсоны улмаас засаж болшгүй алдаа гаргалаа” гээд “Хохирогч бүсгүйчүүдээс үнэн сэтгэлээсээ уучлалт гуйж байна” гэсэн байна.

Азаар түүний хийсэн бичлэгүүд нь хаа нэг газарт тархаагүйн дээр түүний гар утаснаас өөр ямар нэгэн бичлэг илрээгүй ч цагдаагийн газраас нарийвчлан шалгах ажиллагааг үргэлжлүүлэн хийж байгаагаа мэдэгдсэн байна.