Хуульч О.Алтангэрэл: Өнөөдрийн бидний энэ байдал төсөв хулгайлж хувьдаа баяжихаас өөр юмгүй, сүртэй мэдэгдэл хийхээс өөр юмгүй хэдэн хөгийн новшнуудыг сонгосны л гай.

Бензин түлш, долларын үнэ өсөөд байгаа юм биш шүү, байдаг үнээрээ л байгаа. Харин бидний хэрэглэдэг төгрөг үнэгүй болоод байна. Яагаад төгрөгийн ханш сулраад байна гэхээр дарга нар шиг ОХУ-Украйны дайн энэ тэр гэж "бүлт үсрээд" байх юмгүй зүгээр л бид арчаагүйгээсээ болж экспортоо хийж чадахгүй, төсөв хулгайлж хувьдаа баяжихаас өөр юмгүй, сүртэй мэдэгдэл хийхээс өөр юмгүй хэдэн хөгийн новшнуудыг сонгосны л гай.

Төрийн толгойд байгаа одоогийн хэдийг анх гарч ирж байхад доллар, бензин аль аль нь хоёр мянга хүрээгүй байсан. Төгрөгийн ханш сулрахад бид улам ядуурч байгаа. 2016 онд сардаа сая төгрөгний орлоготой байсан гэр бүл өнөөдөр олж байгаа дүн нь хэвээрээ боловч дунджаар 40% ядуураад 600 мянгатай тэнцэнэ. Энэ хэдэн дарга нар амьдралыг чинь сайжруулах нь байтугай байгаагаас чинь хулгайлчихлаа гэсэн үг шүү дээ.

60 сая төгрөгөнд хоёр өрөө байр авна гэсэн мөрөөдөл одоо алсраад 100 гаран сая болоод талийсан. 8%-ийн зээл 6% боллоо гэсэн ч эсрэгээрээ огт гарахаа больсон.

Хийж бүтээж улс орноо өөд нь татах байтугай ард иргэд, үндэстнээ ядууралд хүргэчихээд, бас болоогүй ирээдүйн боломжыг нь хулгайлж өөрсдөө хөлжчихөөд, эцэст нь Үндсэн хууль буруутай мэтээр сурталдаж байхад ингээд л гэдсээ хүүлүүлэх хонь мэт дуугүй хэвтэж байгаа бид арай л ноомой мэт. Санагтун, сэрэгтүн!