Тайланд, Мьянмар, Камбож, Лаост бэлгийн мөлжлөгт өртсөн 21 иргэнийг Монголд авчирчээ

Aдмин / Нийгэм

Сүүлийн үед цахим орчинд Зүүн Өмнөд Азийн орнуудад “Өндөр цалинтай ажилд авна”, “Хямд зардлаар аялалд зуучилна” гэх хуурамч зар нийтлэгдэж байна.

Дээрх зар мэдээлэлд манай улсын иргэд итгэн Тайланд, Мьянмар, Камбож, Лаос зэрэг орнуудын хар тамхи, мансууруулах бодис, биеэ үнэлэлт, цахим луйврын чөлөөт бүс хууль бус наймааны гол зангилаа “Алтан гурвалжин”-ийн бүсэд зорчиж зохион байгуулалттай гэмт бүлэглэлийн хараа хяналтад орж, гэмт хэрэгт өртөж хохирох тохиолдол нэмэгдэж байна.

Гэмт этгээдүүд нь хохирогчдын бичиг баримтуудыг хураан авч, тэдний зорчих эрхийг нь хязгаарлан хорьж, өрийн дарамтад оруулан хүч хэрэглэн айлган сүрдүүлэх замаар цэрэгжсэн хамгаалалт дор эрх ашгийг нь зөрчиж, хөдөлмөрийн болон бэлгийн мөлжлөгийн зорилгоор хүн худалдаалах гэмт хэргийн золиос болгож байна. Хохирогчид нь бусдын хүчинд автан тус бүс нутагт шинээр хүн олж авчрах, зуучлах ажлыг гүйцэтгэж байгаа үйлдэл нь нөхцөл байдлыг хүндрүүлж байна.

Цагдаагийн байгууллагаас өөрийн улсын хохирогч иргэдийг эх оронд нь аюулгүй буцаан ирүүлэх чиглэлээр Гадаад харилцааны яамны Консулын газар, Тагнуулын ерөнхий газар, Хүйсийн тэгш эрх төв зэрэг төрийн болон төрийн бус байгууллагуудтай хамтран ажиллаж энэ оны эхний таван сарын байдлаар Бүгд Найрамдах Хятад Ард Улсаас 1, Мьянмарын Холбооны улсаас 13, Бүгд Найрамдах Ардчилсан Лаос Улсаас 7 иргэнийг тус тус Монгол Улсад буцаан ирүүлэх ажлыг зохион байгуулсан.

Иргэд Та бүхэн олон нийтийн цахим сүлжээ болон танил, ойр дотны хүмүүсээс тавьсан “Гадаад улсад өндөр цалинтай ажлын байранд зуучлах” саналаас татгалзаж энэ төрлийн мэдээлэл, санал авсан тохиолдолд Эрүүгийн цагдаагийн албаны 51-262425 дугаарын утсанд мэдэгдэж, өөрийгөө болон ойр дотны хүмүүсээ гэмт хэргийн хохирогч болохоос урьдчилан сэргийлэхийг цагдаагийн байгууллагаас сэрэмжлүүлж байна.


Сэтгэгдэл

Зочин [43.242.242.59] 2023-06-02 14:08:33

Тийш нь явуулсан хүмүүсийг шалгаж ял оногдуулах хэрэгтэй. Ядуу буурай оронд өндөр цалинтай ямар ажлын байр байх билээ. Бодвол янханы ажил байна гэхээр нь яваад очсон гэж ойлгож байна. Өөрсдөө оччихоод ологн юм ярих хэрэггүй. Эмэгтэйчүүд нь одоо баахан ДОХ-той болсон байх шүү. Эдгээр хүмүүсийг эрүүл мэндийн үзлэгт оруулсны дараа чөлөөтэй явуул. Хэн ямар азгүй нь тэдэнтэй суух болоо

zochin [73.111.180.213] 2023-05-31 19:16:58

bugd obchin avsan


2 сэтгэгдэл байна
1000 тэмдэгт оруулах үлдлээ.
Уншигчдын бичсэн сэтгэгдэлд Medee.MN хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
2 сэтгэгдэл байна
Уншигчдын бичсэн сэтгэгдэлд Medee.MN хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.