УИХ-ын гишүүн Г.Амартүвшин Хөгжлийн банкны захирлаар ажиллаж байхдаа Г.Дамдинням, Х.Ганхуяг нарын хамаарал бүхий компанид 33 тэрбум төгрөгийн зээл гаргаж өгсөн баримт ил болон шуугиан тарьж байсан нь саяхан. Г.Амартүвшин 2019 оны сүүлийн хагаст Монгол Улсын Хөгжлийн банкны захирлаар ажиллах хугацаандаа 327 тэрбум төгрөгийн зээлийг гаргасан байдаг. Тухайн үеийн зээлдэгчдийнх нь дунд 33 тэрбум төгрөгийн зээл авсан “Вертекс майнинг сервис” гэх компани багтсан байгаа юм. Тус компани гурван хувьцаа эзэмшигчтэй бөгөөд 2018 онд автомашины засвар үйлчилгээ, тоног төхөөрөмжийн худалдааны чиглэлээр байгуулагдаж байсан гэж бичжээ. УИХ-ын гишүүн Г.Дамдинням, “Глобал майнинг сервис” ХХК, Дэлхийгээр аялагчид” группийн үүсгэн байгуулагч юм. Тэгвэл Улсын Бүртгэлийн ерөнхий газрын албан ёсны мэдээлэлд “Вертекс майнинг сервис” компанийн гүйцэтгэх захирлаар УИХ-ын гишүүн Х.Ганхуягтай овог нэгт Хассуурийн Хашчимэг гэгч ажилладаг байсан юм. Х.Хашчимэг болон УИХ-ын гишүүн Х.Ганхуяг нар бол төрсөн ах дүү. Х.Ганхуяг нь “Хэра инженеринг”-ийн 50 хувийг эзэмшдэг бол түүний охин компани “Хера инвенстмент”-ийн 10 хувийг УИХ-ын гишүүн Г.Дамдинням эзэмшдэг. Ийм ашиг сонирхол нэгтэй нөхөд улсын хөгжлийг дэмжих зорилготой Хөгжлийн хөгжлийн банкны хөрөнгөөс гаргаж авсан түүхийг бид мартаагүй. Хөгжлийг дэмжих, жинхэнэ бизнес эрхлэгчдийг дэмжих зорилготой Хөгжлийн банк ийнхүү өнөөгийн УИХ-ын гишүүдийн халаасыг түнтийлгэж байсан нь баримттай материал. Харин жинхэнэ бизнес эрхлэгчид нь зээл авч чадахгүй хаалганы гадна үлдсээр ирсэн. Энэ мэт санхүүгийн хувьд хэт хувийн эрх ашигтай гишүүд ард түмний төлөө ажиллах уу, ард түмэн минь сонголт хийхдээ мөнгө идсэн, уусан нөхдөөс л болгоомжил…