Солонгос хэлний хөтөч, орчуулагчдын “Солонго хонх” холбоо, Монгол-Солонгосын аялал жуулчлалын МОКТА холбоо хамтран, “Байгальд хоггүй аялъя” хэмээн уриалж, Горхи-Тэрэлжийн байгалийн цогцолборт газрын хогийг цэвэрлэлээ.

Уг уриалгыг тус цогцолборт газрын Хамгаалалтын захиргаа, аялал жуулчлалын 60 гаруй аж ахуйн нэгж, байгууллагын 320 ажилтан, хувь хүмүүс, Налайх дүүргийн VI хороо дэмжин, оролцов. Тэд Горхи, Тэрэлж орчмын 12 маршрутын дагуу явж, 40 тонн хог цэвэрлэжээ.