“Өсвөрийн аврагч-2019” улсын аварга шалгаруулах анхдугаар тэмцээн өчигдөр боллоо. Онцгой байдлын ерөнхий газар, БСШУСЯ зэрэг байгууллагын санаачилгаар уг тэмцээнийг зохион байгуулсан. Баруун, зүүн, дөрвөн бүсээс тус бүр нэг, нийслэлээс шалгарсан нэг, шилдэг таван баг өрсөлдсөн. Тэмцээний дүрмийн талаар ОБЕГ-ын Гамшгаас урьдчилан сэргийлэх сургалт, сурталчилгааны хэлтсийн дарга, дэд хурандаа Д.Бат-Эрдэнэ “Өсвөрийн аврагчид жагсаалын үзлэг, онолын мэдлэг, усанд осолдогчийг аврах, анхны тусламж үзүүлэх, ур чадвараа сорих, химийн хордолт гэсэн зургаан төрлөөр үүрэг гүйцэтгэж, гамшгаас хамгаалах мэдлэг, ур чадвараа сорилоо.

Уг тэмцээнийг хоёр жилийн хугацаанд гурван шатлалаар зохион байгуулжээ. Эхний жил аймаг, дүүргүүд, дараагийн жил бүс, нийслэлийнхэн аваргаа шалгаруулсан аж. Сүүлийн шатанд бүс, нийслэлийн аваргууд өрсөлдөхөд Улаанбаатар хотын аварга, Чингэлтэй дүүргийн 23 дугаар сургуулийн “Элит” бүлэг тэргүүн байрт шалгарч, улсын аварга шалгаруулах анхдугаар тэмцээний ялагчаар тодорлоо.

Дэд байрт Сүхбаатар аймгийн лаборатори нэгдүгээр бүрэн дунд сургуулийн “Шонхор”, гуравдугаар байрт Сэлэнгэ аймгийн “Шонхор” бүлгийнхэн шалгарав.