Зочид буудлуудыг хөл хорионы төв болгон сонгох явцад хээл хахууль нэхсэн асуудлыг шалгаж эхлэв
Зочид буудлын эздээс буудлыг нь хөл хорионы төв болгож өгнө хэмээн мөнгө нэхсэн этгээдүүдийг эрэн сурвалжилж эхэлсэн талаар Батлан хамгаалах яам мэдэгдэв. Зочид буудлуудаас ирсэн мэдээллийн дагуу шалгах хангалттай үндэслэл байгаа талаар тус яамны хэвлэлийн төлөөлөгч Конгчийп Тантраванич мэдэгдсэн байна. Тэрээр “Зүүн бүсийн зочид буудлын нийгэмлэгийнхэн хөл хорионы төв болгож өгнө хэмээн мөнгө нэхсэн асуудлыг хөндсөн” гэв. Тэрээр батлан хамгаалах салбарын болон Нийтийн эрүүл мэндийн яамны нэг ч албан хаагч энэхүү үйл ажиллагаанд холбогдоогүй, хэрэв ийм асуудал гарсан нөхцөлд хатуу арга хэмжээ авна гэсэн болно. Хэрэв эдгээр байгууллагын албан хаагчтай холбоотой асуудал байвал сахилгын болон эрүүгийн хариуцлага тооцох асуудал гарна гэдгийг тэрээр тэмдэглэв. Тай медиагийн мэдээллээр бол хэд хэдэн сэжигтэн Паттая дахь зочид буудлын үйлчилгээ эрхлэгчдэд хандан хэрэв зочид буудал нь сонгогдсон нөхцөлд төрөөс олгож буй мөнгөний үнийн дүнгийн 40 хүртэл хувийг зуучилсны хөлсөнд авахаар ярьсан гэжээ. Хөл хорионы төв болгон ашиглаж буй зочид буудлуудад нэг хүний нэг өдөрт 1000 бат олгож буй юм. Тус улс 14 хоногийн хөл хорионы дэглэм мөрдөж байгаа ажээ. Батлан хамгаалах яам болон Нийгмийн эрүүл мэндийн яам нь 2 дугаар сараас хойш хилийн чанадаас ирж буй иргэдийнхээ 14 хоногийн хөл хорионы асуудлыг зохицуулж байгаа юм. Өнөөдрийн байдлаар корона вирусийн дэгдэлтийн улмаас хилийн чанадаас 80000 гаруй иргэдээ татан авч хөл хорионы төвүүдэд байршуулаад байгаа юм. Шалгалтын ажиллагааг урагшлуулахад бизнесийн төлөөллийнхөн мэдээлэл өгч байхын чухлыг Нийтийн эрүүл мэндийн яамны сайд Анутин Чарнвиракул онцлов.
Эх сурвалж: АТГ
Л.Оюун-Эрдэнэ: Над руу л дайр, Ц.Элбэгдорж оо!
ХЭЭ ТОРГО, ХЭВ ЗАГВАРТАА ХЭТ ИХ АНХААРДАГ МӨРТЛӨӨ ХҮҮХДИЙН ҮХЭЛД ТАГ ДУУГҮЙ УИХ-ЫН ЭМЭГТЭЙ ГИШҮҮД
ТӨРД ХҮЧГҮЙ 8 ЖИЛ БУЮУ УИХ-Д ХОЁР Ч СОНГОГДСОН Г. МӨНХЦЭЦЭГ
Э.Одбаяр: АН ардчиллаа хамгаалж авч үлдэхийн төлөө түүчээлж, сонгуульд оролцоно
П.ДЭЛГЭРНАРАН: 2030 ОН ГЭХЭД ЭМЭГТЭЙ НЭР ДЭВШИГЧДИЙН ТООГ 50 ХУВЬД ХҮРГЭХЭЭР ЗОРИЛТ ТАВИАД БАЙНА
Н.Ганбямбын хүү Монгол банкны тэргүүн дэд ерөнхийлөгч асан Г.Дөлгөөн "Эрдэнэт Үйлдвэр"-ийн 44 тэрбум төгрөгийг арилжааны банк руу хийсэн үү
“Баялгийн” бус “Балгийн” байгуулна
Ө.Отгонбаатар: Сэтгүүл зүй улс төрөөс ангид байх ёстой
Тэрбумтан Илон Маск АНУ-ын Ерөнхийлөгчийн сонгуульд өрсөлдөгчдөд мөнгөн хандив өгөхгүй
Согтуугаар машин жолоодох зөрчил 70.3 хувиар буурчээ