Засгийн газрын ээлжит хуралдаан дараах асуудлуудыг хэлэлцэн шийдвэрлэв

Aдмин / Хууль

Тавантолгой-Гашуунсухайт, Тавантолгой-Зүүнбаян чиглэлийн төмөр замыг хооронд нь холбоно

Тавантолгой-Гашуунсухайт чиглэлийн төмөр замыг Тавантолгой-Зүүнбаян чиглэлтэй холбох 22 км төмөр замын суурь бүтцийн барилгын ажлын зөвшөөрлийг “Тавантолгой төмөр зам” компанид олгов. Инженерийн нарийвчилсан зураг төсөл, байгаль орчны нөлөөллийн үнэлгээ хийлгэж, ажлаа энэ онд багтаан эхлүүлэхийг холбогдох сайд нарт даалгалаа. Шаардагдах хөрөнгийг зураг төслийн магадлал хийсэн дүнгээр “Эрдэнэс Тавантолгой” компани санхүүжүүлэх юм. Дээрх хоёр чиглэлийг холбосноор төмөр замын гол магистраль шугамтай шууд холбогдоно. Үүний зэрэгцээ Тавантолгойн нүүрсний бүлэг орд, Цагаан суварга, Адуунчулуун, Чандгана, Талбулаг, Хөөт зэрэг зэс, нүүрс, вольфрам, цайр, жоншны ордыг ашигласнаар экспортод гаргах бүтээгдэхүүний хэмжээ жилд дунджаар 50 орчим сая тонн болж, төмөр замаар тээвэрлэх ачаа 3.5 дахин нэмэгдэнэ гэж тооцоолж байна. Мөн Тавантолгойн нүүрсний ордын уул уурхайн үйлдвэрлэл, төмөр зам, цахилгаан станц болон дэд бүтцийн төсөл, хөтөлбөр хоорондын уялдааг хангасан гадаргын төлөвлөлтийг баталж, хэрэгжилтэд хяналт тавьж ажиллахыг сайд нарт даалгав. Төлөвлөлтөд ”Эрдэнэс Тавантолгой” компанийн эзэмшиж байгаа ашиглалтын тусгай зөвшөөрөл бүхий 68 мянга га талбай доторх олборлолт, барилга байгууламж, төмөр зам, автозамын трасс, цахилгаан станц, усан хангамж зэргийг багтаах юм.

Цементийн дотоодын зах зээлийн өрсөлдөөнийг зохицуулах талаар хэлэлцэнэ

Монгол Улсын Ерөнхий сайд У.Хүрэлсүх Дархан-Уул, Сэлэнгэ аймагт ажилласан талаар Монгол Улсын сайд, Засгийн газрын Хэрэг эрхлэх газрын дарга Л.Оюун-Эрдэнэ танилцуулав. Үүнтэй холбогдуулан:

- Дотооддоо үйлдвэрлэж байгаа цементийн зах зээлийн өрсөлдөөнийг зохицуулах, цемент экспортлоход дэмжлэг үзүүлэх

- “Богдхан төмөр зам” төслийн зөвлөх үйлчилгээний сонгон шалгаруулалтыг Азийн хөгжлийн банктай хамтран явуулах

- Улаанбаатар-Дархан чиглэлийн 204.11 км автозамын өргөтгөл, шинэчлэлтийг эрчимжүүлэх, гэрээ нь цуцлагдсан хэсэгт дахин сонгон шалгаруулалт явуулах хүртэл хөдөлгөөний аюулгүй байдлыг хангахад шаардлагатай хөрөнгийг шийдвэрлэх

- Ургац тээврийн замын засвар, арчлалтыг богино хугацаанд дуусгах

- “Улаанбаатар төмөр зам” хувь нийлүүлсэн нийгэмлэгийн орон нутгийн ачаа тээврийн алдагдалтай бүлгүүдийн тарифыг шинэчлэх

- Тариалангийн бүс нутагт зөвхөн эрчимжсэн мал аж ахуй эрхэлдэг байх

- “Дархан арьс ширний цогцолбор” төслийн дэд бүтцийн хөрөнгө оруулалт болон бусад асуудлыг шийдвэрлүүлэх

- Дархан-Өргөө политехник коллеж, уул уурхай, эрчим хүчний политехник коллежийг нэгтгэн хөдөө аж ахуй, аж үйлдвэрийн Мэргэжил, сургалт үйлдвэрлэлийн төв болгох

- Ургац хураалтад ажиллаж байгаа оюутан, цэргийн албан хаагчдыг 2020 оны 10 дугаар сарын 15-ныг хүртэл сунгаж ажиллуулах, шаардлагатай асуудуудыг Засгийн газрын хуралдаанаар хэлэлцүүлэхийг холбогдох сайд, агентлаг, Аймгийн Засаг дарга нарт даалгав.

Товч мэдээ

- Аймгийн төв, 10 мянгаас дээш хүн амтай сум, суурин газрын хэрэглэгчдийн орой, шөнийн цагт хэрэглэсэн цахилгааны тарифт үзүүлж байгаа 50 хувийн хөнгөлөлтийг 100 хувь болгов.

- Азийн автозамын АН-4 чиглэлийн Өлгий хотыг тойрон гарах нийт 18.82 км автозам, 201 метр төмөр бетон гүүрийн барилгын ажилд шаардагдах түгээмэл тархацтай ашигт малтмал хайх, ашиглах талбайн солбицлыг хавсралтаар батлав.


Сэтгэгдэл

Зочин [150.129.140.12] 2020-09-26 07:34:35

ийм л юм хийнэдээ хулгайч нар

Мэргэжилтэн [103.57.94.93] 2020-09-24 18:34:54

Энэ буруу шүү. Статусыг нь бууруулаад, одоогийн хөдөлмөрийн зах зээлийн баримжаагүй шийдвэр болж. Ингэснээрээ том алдана шүү.

Жаргал [192.82.93.3] 2020-09-24 09:26:21

Эдгээр сургуулийн хажууд салбар сургууль байгуулах байлгүй дээ. Арай ч одоогийн мэргэжлийн зах зээлийн зохицуулалтыг үгүй хийхгүй байлгүй дээ

Зочин [64.119.23.106] 2020-09-26 03:22:38

Ene 2 surguuliin yag dund ni XAANC bdag . Ter ni elseltgvi hooson bna. Tiimees tend MCVT shatalsnaar baiguulbal vr dvntei bolno.

Bat [202.9.46.173] 2020-09-23 23:41:39

Zob zob mash sain shiidber bndarhan aris shir bolobsruulah ij burèn tsogcolbor batihad heregtei mergejiltnuudiig beldeh ni zob

Зочин [202.9.46.47] 2020-09-25 05:25:04

ядаж зөв бич. ХААИС- ийнхаа төлөө энэ саналаа хэл. Тэр сургууль чинь дампуурлаа. Тэндээ наад арьс ширээ боловсруул. Битгий сайн яваа нэгнээ устгах гэж бай. өөрт тань зөвлөх байна.

... [202.9.46.154] 2020-09-23 22:47:18

Мэдээлэл үнэн зөв эсэхийг тодруулмаар байна. Утсаа авдаггүй сонин сайт байна

Д. Батболд [202.126.89.8] 2020-09-23 22:40:15

Яаж байгаа юм бэ эсэргүүцэж байна

Зочин [66.181.161.59] 2020-09-23 21:49:22

Политехник коллежийг нурааж МСҮТ болгох санаа ямар тэнэгийнх нь толгойд ордог байна. Хүрэлсүх ажил хийх гэж ухралт хийх юм.

Долгормаа [202.126.88.65] 2020-09-23 18:37:03

Энэ юу вэ ерөнхий сайдаа

С.Дуламсүрэн [202.21.104.194] 2020-09-23 18:31:16

Ямар дураараа асуудал дэвшүүлээ вэ. Ерөнхий сайд анхааралдаа авах хэрэгтэй санагдав

:Д.Атарболд [202.21.104.194] 2020-09-23 16:56:57

Энэ арай л дэндэнэ шүү Хүрэлсүх ес аа


12 сэтгэгдэл байна
1000 тэмдэгт оруулах үлдлээ.
Уншигчдын бичсэн сэтгэгдэлд Medee.MN хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
12 сэтгэгдэл байна
Уншигчдын бичсэн сэтгэгдэлд Medee.MN хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.