Улсын хэмжээнд сүүлийн хоёр хоногт буюу энэ сарын 21, 22-нд дөрвөн лабораторид 1053 хүнд шинжилгээ хийжээ

ХӨСҮТ-ийн ерөнхий захирал Д.Нямхүү өнөөдрийн ээлжит мэдээллийн үеэр гурав дахь шинжилгээгээр коронавирус илэрсэн тохиолдлын талаар мэдээлэл өгөхдөө, “Сиэтл-Улаанбаатарын чиглэлийн онгоцоор энэ сарын 1-нд ирсэн иргэний эхний шинжилгээ сөрөг гарсан. Хоёр дахь шинжилгээг 13 дахь хоногт хийхэд сөрөг гарсан бол гурав дахь шинжилгээгээр буюу 20 дахь хоногтоо халдвар илэрсэн. Тухайн иргэнийг хяналтад авч, ХӨСҮТ-д авчран эмчилж эхлээд байна” хэмээв.
Мөн тэрбээр, БНСУ-д улирлын томуугийн вакцинаас болж 20 гаруй хүн нас барсан гэх мэдээллийг БНСУ-ын Эрүүл мэндийн яам судалж байна. Энэ бол албан ёсны мэдээлэл биш гэж үзэж байна. Манай улсад 509 500 хүн тун вакцин оруулж ирснээс 440 мянга гаруйг хийсэн. Өнгөрсөн хугацаанд ямар нэг сөрөг урвал хүндрэл илэрсэн тохиолдол байхгүй. Вакцин хийлгэсний дараа хөндүүрлэх, үл мэдэг халуурах зэрэг түр зуурын шинж тэмдэг гардаг” гэдгийг тодотгосон юм.
Хоёр өдрийн шинжилгээг задалж танилцуулбал, энэ сарын 20-нд Сөүл-Улаанбаатарын тусгай үүргийн онгоцоор ирсэн 256 хүн, энэ сарын 9-нд Өмнөд Судан улсаас ирсэн 214 энхийг сахиулагчийн давтан шинжилгээ, 4-нд Нурсултан-Улаанбаатарын тусгай үүргийн онгоцоор ирсэн 159 хүний давтан шинжилгээ, 20-нд Замын-Үүд боомтоор орж ирсэн 67 хүн, 22-нд Замын-Үүд боомтоор орж ирсэн 74 хүн, ХӨСҮТ-д сэжигтэй гэж тусгаарлагдсан хоёр, сайн дурын шинжилгээнд хамрагдсан 85, Дорноговь аймагт тусгаарлагдсан ес, Сэлэнгэ аймагт тусгаарлагдсан гурав, тусгаарлан ажиглах байранд тусгаарлагдсан 24 хүний давтан шинжилгээ, Алтанбулаг боомтоор орж ирсэн ачаа тээврийн 59 жолоочийн шинжилгээ багтаж байна.
Ташрамд дурдахад, дэлхий дахинд 41.1 сая хүн коронавирусээр өвчилж, 31.1 сая хүн эдгэрсэн бол 1.1 сая хүн нас баржээ.
"Иргэдийн халааснаас хэдэн төгрөг гарах, гарахгүйг нэг агентлагийн дарга хувийн компанитай яриад шийддэг байж болохгүй"
Зеленский, Трамп нар утсаар ярилцав
Э.Ганбаатар: Тэтгэврийн зээлээр битгий оролд, бид зээл аваад улс орныг өрөнд оруулаагүй
Н.Наранбаатар: Баяр наадмын хөтөлбөр “Мөнхөд гэрэлтэх Монгол” гэдэг нэртэй
Япон Улсын Эзэн хаан Нарүхито, хатан Масако нар хүрэлцэн ирлээ
С.Бямбасүрэн: Зарим инфлюсер, ютүбрүүд хүүхдүүдийг юу ч мэдэхгүйгээр нь далимдуулж тархи угаахаа зогсоо
Трамп: Путин дайныг зогсоогоогүйд сэтгэл дундуур байна
Төв аймгийн Бүрэн сумыг Хөдөлмөрийн гавьяаны улаан тугийн одонгоор шагнав
Ардын уран зохиолч Пунцагийн Бадарчид Хөдөлмөрийн баатар цол хүртээлээ
Сэлбэ хотын орон сууцжуулах төслийн шинэчилсэн таван багц тендерийг зарлалаа