УИХ-ын чуулган цар тахлын асуудлаар хуралдсаар байна. Чуулганы үеэр УИХ-ын гишүүн Д.Өнөрболор "Улс оронд онцгой нөхцөл байдал үүссэн энэ хэд хоногт БНСУ-ын цар тахлын үеийн засаглалын менежментийн талаарх 101 хуудастай “COVID-19 хариу арга хэмжээний тайлан эмхэтгэл”-ээс орчуулан эмхэтгэж Засгийн газар УОК-т хүлээлгэн өгөхөд бэлэн боллоо. Ажил хэргийн чухал гарын авлага болно гэж итгэж байна.

Нөгөө талаар олон улсын Засгийн газрууд цар тахлын нийгэм эдийн засагт нөлөөлөх нөлөөллийг бууруулах чиглэлээр авч хэрэгжүүлж байгаа арга хэмжээ нь цар тахлын халдварыг бууруулах арга хэмжээнээс илүү чухлаар яаралтай горимоор хэрэгжүүлж ирсэн байдаг. Энэ талаар Засгийн газрын авч хэрэгжүүлж байгаа арга хэмжээний талаар сонсохыг хүсэж байна.

Мөн цар тахлын үеийн зээл, хандив, тусламжаар уушиг орлуулагч ECMO аппарат манайх хэдийг авсан бэ, жирийн уушигны аппаратаас өөр тул эмч мэргэжилтнүүдээ сургасан уу, дахиж хэдийг авахаар төлөвлөж байна вэ гэв.