Цар тахлын үед иргэдийг бөөгнөрөхийг хориглон бүх нийтийн бэлэн байдалд шилжүүлээд байгаа. Гэтэл бөөгнөрөл энд тэндгүй үүсч байна. Илжигний чихэнд ус хийсэн ч сэгсэрнэ, алт хийсэн ч сэгсэрнээ гэж үг бий. Үнэхээр УОК, НОК-ийг манай сайт шүүмжилж бичээгүй ажлаа тайван хийг хэмээн шүүмжлэл бичиж, хэвлэн нийтлээгүй. Гэтэл УОК болон НОК үнэхээр мэдрэмжгүй ажиллаж байгааг өгүүлэхээс өөр аргагүй байна. Тэд нийгмээ мэдрэхгүй, иргэдээ бүүр ч мэдрэхгүй байна. Иргэд тань гудамжинд зай авч зогсох биш тэврэлдэн бөөгнөрч зогссон үйл явдал 1 удаа биш нилээдгүй удаа давтагдаад байхад арга хэмжээ авдаггүй УОК болон НОК-ийн удирдлагуудад хариуцлага гэж алга. Хамрын доор хагарай бий гэдэг шиг жижиг асуудал шүүрч авч, хэрүүлийн алим шидэлцэн, хэд гурван үгээр маргаж суухын оронд бөөгнөрөөд байгаа иргэдээ 1,5 метрийн зай авдаг стандартаа бариулах тал дээр арга хэмжээ авахгүй юу? Я. Содбаатар, Д.Сумьяабазар даргаа... Орон нутгийн иргэдээс шинжилгээ авах нэрийдлээр бөөгнөрөл үүсгэсэн.

Гэтэл дуулиантай шинжилгээн авсны дараа 2020 оны 12 дугаар сарын 03-ны өдөр НОК-оос хариу шаардахгүйгээр иргэдийг шалган нэвтрүүлэхээр гаргах шийдвэр гарсан.

Шинжилгээний хариу шаардахгүй юм бол шинжилгээ авч яах гэж авсан бэ. Нэг шинжилгээ 150,000 төгрөгийн өртөгтэй. Гэтэл ард түмний төлсөн татварын мөнгөөр эрх баригчид УОК, НОК дураараа дургиж байна. Олон хүнийг бөөгнөрүүлж, өвлийн хүйтэнд өдөржин гадаа зогсоосны зорилго юу байсан бэ?Ковидоор айлгаж ард түмнээ ажил хөдөлмөр эрхлэх, сурч боловсрох, чөлөөтэй зорчих эрхийг хязгаарласан мөртлөө төрийн байж буй царай үнэхээр хэрэг алга. 10 сарын өмнөөс Ковидтой тэмцэнэ гэж татвар төлөгчдийн мөнгөөр гараа угааж, хулгайгаа хууль ёсны болгохын тулд хууль хүртэл баталсан. Эцсийн дүндээ шинжилгээ ч авч чадахгүй ийм байдалтайгаар удирдаж байна. Ард түмэндээ туслах биш ард түмнээрээ наадаж байна шүү. Өчигдөр л гэхэд, нийтийн тээврийн том оврын автобусны жолоочоос коронавирус илэрч ойрын хавьтлыг хайх энэ цагт тээврийн жолооч нараас өнөөдөр шинжилгээ авах үеэр мөн л бөөгнөрсөн байна. Шинжилгээний хариуг өгөх үүрэгтэй 119.mn сайт нь ажиллагаагүй болсон. Иргэдээр үнэхээр наадаж ханахгүй юм. Өөрийн биеэр очиж шинжилгээ өгөөгүй байтал хариу нь сөрөг гээд мессэж ирж байх жишээний. Үймэрсэн төр, аргаа барсан иргэдтэй Монгол Улс цар тахлын үед энэ улс төрчдийн байж байгаа царайг харуулж баталлаа.