ОБЕГ-ын хандив, тусламжийн зарцуулалт ил тод биш байна

Aдмин / Хууль

COVID-19-ийн үед дотоодын хандив тусламжаар манайд энэ оны наймдугаар сарын байдлаар нийт 290 аж ахуйн нэгж, 256 иргэнээс 7.4 тэрбум төгрөгийн үнэ бүхий бэлэн мөнгө болон бараа материал цугларсан. Гэвч энэ тусламжийн зарцуулалтын тайланг шилэн дансны хуулийн дагуу байршуулахгүй байна. COVID-19-ийн үед дотоодын хандив тусламжаар төвлөрсөн мөнгөн хөрөнгө болон бараа материалыг хүлээн авах, хуваариалах хяналт тавих,үйл ажиллагааг Монгол Улсын шадар сайд, УОК-ийн даргын баталсан “Хүмүүнлэгийн тусламжийг зохицуулах түр журмаар” зохицуулан ажиллах ёстой. Эрүүл мэндийн яам хандив, зээл тусламжийн зарцуулалтаа шилэн дансандаа хэрхэн байршуулсан талаар мэдээлсэн. Энэ удаа УОК болон Нийслэлийн ОБЕГ “Мэдээллийн ил тод байдал”-ын тухай хуулийн дагуу шилэн дансандаа зарцуулалтын мэдээллээ хэрхэн байрлуулсан талаар мэдээлэл хайгаад олсонгүй. Харин иргэдээс ирүүлсэн хүмүүнлэгийн тусламжийн барааг энэ оны долдугаар сард ОБЕГ-ын тэргүүн дэд дарга, бригадын генерал Г.Ариунбуянгийн гарын үсгээр баталгаажиж олгосон мэдээлэл олдсон юм. Үүнд, “Бөртэ” ХХК, ШШГЕГ, ХХЕГ-ын ... дугаар ангиас ирүүлсэн 85 мянган амны хаалтыг ЭМЯ-нд 20 мянгыг бусад ОБЕГ, ЦЕГ, ГЕГ, МХЕГ, ХХЕГ зэрэгт тус бүр 13 мянган ширхгийг олгожээ. Мөн “Магнай трейд” компаниас хандивласан 10 сая төгрөгтэй тэнцэх шатахуунаас 2.0 сая төгрөгтэй тэнцэх хэмжээгээр ОБЕГ,ЦЕГ тус бүр нэг сая төгрөгийн шатахууныг олгосон байна. Нэг удаагийн 500 мянган ширхэг бээлийг БХЯ, ОБЕГ, ГЕГ,ХХЕГ тус тус хуваариалжээ. Харин олон нийтийн дунд сэдэв болж байсан нэг удаагийн амны хаалтны 1.807.163.100 төгрөгийг хаана, хэнд өгсөн нь ил тод бус хэвээр байна. Түүнчлэн нийт 800 толгой хонийг гурван аж ахуйн нэгж хандивласнаас ОБЕГ-ын энэ оны долдугаар сарын 23-ны өдрийн тайланд 200 толгой хонийг Дадлага сургуулалт, сурталчилгааны зөвлөлд /ДССЗТ/олгосон гэж тайлагнасан байсан. Энэ үгийн товчлол юу болохыг жирийн иргэдэд ойлгогдохгүй байх жишээтэй. Харин өнгөрсөн наймдугаар сарын 1-ний тайланд 300 хонийг худалдан борлуулж, дансандаа төвлөрүүлсэн гэж тайлагнасан байгаа боловч ОБЕГ-ын шилэн дансанд энэ талаар мэдээлээгүй байна. Нийслэлийн онцгой комисст COVID-19 цар тахлын үед хандивласан мөнгөн хандивынхаа долдугаар сард зарцуулсан хандивын мэдээлэлд уснаас аврах цагираг, олс, хантааз, шиддэг цүнхний үнэнд 9.1 тэрбум төгрөгийг /2020.07.4-нд/, /2020.07.22-нд / “Магнай Трейд” ХХК шатахууны үнэнд хяналт шалгалтаар ажиллах ажилчдын цалинд 1.622.150 төгрөг, ХУД, БХД, СХД-ийн Онцгой байдлын хэлтэс болон Улаанбаатар онцгой байдлын хэлтэст тус бүр 375 сая, Тээврийн цагдаагийн албаны Замын цагдаагийн газарт 4.397.600 төгрөг, нийт 17.491.750 төгрөгийг хуваариалсан байна.

Харин Нийслэлийн Засаг дарга асан С.Амарсайханы А/747 захирамжаар хэлтсийн дарга нарт олгосон нийт 21 сая төгрөгийн урамшууллын тайлан албан ёсоор ил тод болохгүй байсаар энэ он дуусч байна.

Улсын онцгой комисс гадаад, дотоодын хандив, тусламжийнхаа зарцуулалтын задаргааг ил тод болгохыг олон нийт шаардаж байгаа.

Эх сурвалж: “Зууны мэдээ” сонин Ц.МЯГМАРБАЯР


Сэтгэгдэл

Зочин [66.181.185.39] 2020-12-29 05:51:24

МТ хүүгийнхээ хэргийг дарах гэж авилгааао амьдарч захиалгаар ажилладаг цагдаадаа хандив нэрээр авилга өгчдээ Төрийн байгууллагууд хуулиараа ингэж хандив тусламж авах ёстой юу Цагдаагийн алба хаагчид хандив тусламж нэрээр орон сууц олгож байгаа нь цэвэр авилга шүүдээ Монголд л зүгээр татвар төлөгчдийн мөнгөөөр төрийн алба хаагчдыг шагнаж байдаг нөгөөдүүл нь шагнуулж л байдаг үнэндээ хэлэх ч үг алга.... Эрх зүйт төртэй улсад ийм зүйл аль хэдийн эрүүгийн хэрэг болоод явж байгаа АТГазар гэж уриа лоозонгоос өөр хийж ажилгүй төрийн мөнгөөр тоглодог газар ажлаа хийгээчээ

TS.TUGANBAYR.87.02.03 [202.126.90.158] 2020-12-28 17:57:26

МОНГОЛ,ЖУНГА АХ ДҮҮ 2 КОМУНИСТ НАМ НИИЛЭЭД БҮТЭЭСЭН КО ВИРУС ГАРИГ ДЭЛХИИГ ХӨЛ ХОРИОНД ОРУУЛЧИХЛАА МАНГАР ҮХЭРНҮҮДЭЭ.

Зочин [64.119.23.219] 2020-12-28 12:34:23

handiv tuslamj maani ihehdee shunaltai humuusiin hool bolj baina daa Bugdiig shalgah ni zov yagaad gaduur gudamjind hurtel mash olon bagtsaar mask damlaj zarj baina ene tuslamjaar orj irsen zuil buh zuilyydiig zovhon ah duu tanil talaaraa huvaaj udej damlan naimaailj baina zovhon mask gehed l shuu olon niited il tod bolgo Miatiin humuus bol jenhene avilga avagch humuus Miat companii humuusiin talaar arga hemjee mon avah heregtei

иргэн [66.181.191.58] 2020-12-28 11:33:19

Өвчинөөр далимдуулж мөнгөнд шуналтвал -- ёстой нүгэл шүү.Бурхан байдаг.Бурхан хардаг.Бурхан шийтгэджг шүү.!!!!!!!!!

Зочин [192.82.74.184] 2020-12-28 11:21:23

Аргагүй шүү дээ идээд уучихсан юм чинь! Ер нь цаашдаа Монгол Улс оршин тогтнох эсэх нь эргэлзээтэй байна. Ийм луйварчдаа зайлуулж чадахгүй төрөөр яах ч юм билээ

ЗОЧИН [202.126.88.182] 2020-12-28 10:34:20

БАЙНГЫН ХЯНАЛТ ШАЛГАЛТ ХИЙХ НЬ УОК-НЫГ Л ШОРОНД ОРОХООС ХАМГААЛЖ БАЙГАА ЮМ ТЭГЭХГҮЙ БОЛ Ч МАНАЙХАН Ч БАС Л ӨЛӨН ШҮҮ ДЭЭ

gnj [203.91.115.48] 2020-12-28 10:34:09

ontsgoin darga nar hulgai hiihdee mundag garuud shuu ted bugd mergejiliin bus namiin humuus baidag

Зочин [139.5.219.169] 2020-12-28 10:32:05

Шалгах нь зөв


8 сэтгэгдэл байна
1000 тэмдэгт оруулах үлдлээ.
Уншигчдын бичсэн сэтгэгдэлд Medee.MN хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
8 сэтгэгдэл байна
Уншигчдын бичсэн сэтгэгдэлд Medee.MN хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.