Монгол Улсын Ерөнхийлөгч Х.Баттулга зарлиг гаргаж, шилдэг залуу эрдэмтэн, инженер, ажилчныг шагналаа

Aдмин / Хууль

Залуучуудыг ажил хөдөлмөр, бүтээлч үйлдвэрлэл, шинжлэх ухаанч хөгжилд уриалах, залуу үеийн мэргэжлийн боловсрол, ур чадвар, мэргэшсэн боловсон хүчний бодлогыг дэмжих зорилгоор Монгол Улсын Ерөнхийлөгчийн нэрэмжит шагнал олгодог журамтай.

Энэхүү журмын дагуу Монгол Улсын Ерөнхийлөгч Халтмаагийн Баттулга Монгол Улсын Ерөнхийлөгчийн нэрэмжит 2020 оны шагналыг хүртээх тухай зарлиг гаргаж, “мэргэжлийн ур чадвар, ажлын бүтээмжээрээ өөрийн ажиллаж буй салбартаа онцгой амжилт гарган тэргүүлж, үлгэр жишээ хувь нэмэр оруулж буй” шилдэг залуу эрдэмтэн, инженер, ажилчныг Монгол Улсын төрийн дээд шагнал Хөдөлмөрийн хүндэт медалиар шагнаж урамшууллаа.

Коронавируст цар тахлын улмаас үүсээд буй нөхцөл байдлыг харгалзан үзэж, Монгол Улсын Ерөнхийлөгчийн нэрэмжит шагналыг гардуулах ёслолын үйл ажиллагаа зохион байгуулахгүй байх шийдвэр гарсан юм.

МОНГОЛ УЛСЫН ЕРӨНХИЙЛӨГЧИЙН НЭРЭМЖИТ “ШИЛДЭГ ЗАЛУУ ЭРДЭМТЭН” ШАГНАЛЫГ:

Шинжлэх ухааны Академийн Хими, химийн технологийн хүрээлэнгийн эрдэм шинжилгээний ажилтан, доктор Отгоны Насантогтох “Хүнцэл (III)-ийг исэлдүүлэн тунадасжуулах аргаар хаягдал ус зайлуулах шинэ технологи” сэдэвт судалгааны бүтээлээрээ хүртлээ.

Шинжлэх ухаан, технологийн их сургуулийн Механик, тээврийн сургуулийн машин үйлдвэрлэлийн салбарын Хөтөлбөр хариуцсан дэд профессор, доктор Лхагваагийн Тэлмэнбаяр “6061 маркийн хөнгөн цагааны хайлшийн гадаргууд бүрхүүл тавьж, зэврэлтэд тэсвэртэй болгох нь” сэдэвт судалгааны бүтээлээрээ хүртлээ.

“Монос” ХХК-ийн Эм судлалын хүрээлэнгийн эрдэм шинжилгээний зөвлөх, доктор Дашнямын Хандмаа “Бактерийн эсрэг болон судас үүсгэлтийг дэмжих үйлдэлтэй эмчилгээний ион агуулсан микробөмбөлөг гарган авч, эдийн нөхөн төлжилтөд ашигласан нь” сэдэвт судалгааны бүтээлээрээ тус тус хүртлээ.

МОНГОЛ УЛСЫН ЕРӨНХИЙЛӨГЧИЙН НЭРЭМЖИТ “ШИЛДЭГ ЗАЛУУ ИНЖЕНЕР” ШАГНАЛЫГ:

Төмөр замын хэт хүнд даацын төмөр бетон гүүр ба түүний хүчитгэсэн дам нурууны барилгын технологи, арга аргачлалыг боловсруулан практикт нэвтрүүлж, Монгол орны говийн уур амьсгалд тохируулан барилгын ажлыг хээрийн аргаар өөрийн оронд анх удаа гүйцэтгэсэн “ГБЭТ” ХХК-ийн Ерөнхий инженер Эрхэмбаярын Тодгэрэл хүртлээ.

МОНГОЛ УЛСЫН ЕРӨНХИЙЛӨГЧИЙН НЭРЭМЖИТ “ШИЛДЭГ АЖИЛЧИН” ШАГНАЛЫГ:

Мэргэжлийн ур чадвар, ажлын бүтээмжээрээ онцгой амжилт гарган, Тавантолгой – Зүүнбаян чиглэлийн төмөр замын үндэсний бүтээн байгуулалтын ажилд үлгэр жишээ хувь нэмэр оруулж буй мэргэшсэн боловсон хүчин, Зэвсэгт хүчний бүтээн байгуулалтын 7780 дугаар ангийн Хиймэл байгууламжийн хэсгийн Хийц бэлтгэх бүлгийн мужаан Бавуугийн Мөнхжаргал мөн хүртлээ.

Мөн шилдэг оюутанд Монгол Улсын Ерөнхийлөгчийн нэрэмжит тэтгэлэг олгох тухай журмын дагуу Монгол Улсын Ерөнхийлөгчийн Тамгын газраас тэтгэлгийг уламжлал ёсоор зарлаж, дотоодын дээд боловсролын сургалтын байгууллагын бакалаврын хөтөлбөрийн өдрийн ангийн оюутан, коллеж, мэргэжлийн сургалт-үйлдвэрлэлийн төвийн суралцагчдыг шалгарууллаа.

Үүнтэй холбогдуулан Монгол Улсын Ерөнхийлөгчийн нэрэмжит тэтгэлгийг 30 оюутан суралцагчид олгох тухай зарлиг гарч, холбогдох журмын дагуу тэтгэлгийг олгоод байна.


Сэтгэгдэл

ZAP [202.9.40.50] 2021-05-05 05:03:44

ZAP [202.9.40.50] 2021-05-05 05:03:44

Zochin [66.181.161.118] 2021-01-02 07:27:18

Turiin alba emch tsagdaa nraas ydaad gants hun oruulchihguidee l gej bodogdoj bna nuguu l uuriih ni notoi tumur zamiihan gej bodogdhoor

Зочин [192.82.68.140] 2020-12-29 16:09:18

Бүгдэд нь баяр хүргэж цаашдын ажилд нь өндөр амжилт хүсье.

сосорбарам [202.126.88.135] 2020-12-29 14:34:10

бүгдэнд нь баяр хүргэе ажлын амжилт хүсье

Зочиэ [103.57.94.178] 2020-12-29 12:24:41

Тахалтай тэмцэж байгаа эмч эмнэлгийн байгууллагын ажилчдаас шагнадаггүй юм уу

зочин [103.212.119.42] 2020-12-29 12:14:28

гар бие сэтгэл зүтгэлээрээ хийж бүтээж бгаа залуусыг шагнах ни битгий хэл орон сууцаар урамшуулж эрч хүч урам зориг өгөх ни залуусын залуунасны бахархал болж дурсамж үлддэг юм шүү дээ.тэр төмөр замын инженер залуу бол бодит зүйлийг амидрал дээр хийж харуулж бгаан эх орныхоо бүтээн байгуулалтад том хуви нэмэр оруулжээ. Ийм инженер залуус монгол орны хөгжилд маш их хэрэгтэй.бүх салбаруудад хэрэгцээ шаардлага болоод бгааг өнөөгийн нийгэм шаардаж бгаа юм.

zochin [103.57.93.10] 2020-12-29 12:06:14

Бөнс долоогч Эрдэнэчимгийнхээ Монос-н хүүхэнийг шагнажээ. Женко өөрийнхөө төмөр зам дээрх хэдэн гөлөгнүүдээ шагнаж. Зүгээр өөрийнхөө хүрээний хэдэн хүмүүсийг шагнажээ.

Зочин [202.9.46.153] 2020-12-29 15:38:36

...өөчилж...

Zochin [202.9.46.153] 2020-12-29 15:34:25

Xair yzeegyi ussun xyn busdiig uuchilj muu muuxai yg xeldeg yum . Ta iim l xyn bn.

Зочин [66.181.161.92] 2020-12-29 14:25:24

zailaa gulugnuus ch dor ut mini.

Зочин [66.181.189.223] 2020-12-29 12:42:59

Чи гөлөгнөөс дор гөлөг ажгуу юмаа бодож бич МАН.ын тэжээвэр гөлгөө


12 сэтгэгдэл байна
1000 тэмдэгт оруулах үлдлээ.
Уншигчдын бичсэн сэтгэгдэлд Medee.MN хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
12 сэтгэгдэл байна
Уншигчдын бичсэн сэтгэгдэлд Medee.MN хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.