Монгол Улсын Ерөнхийлөгч, Зэвсэгт хүчний Ерөнхий командлагч Х.Баттулга Зэвсэгт хүчний удирдах бүрэлдэхүүний стратегийн цугларалтад оролцож, үг хэлэв

Aдмин / Хууль

Монгол Улсын Ерөнхийлөгч, Зэвсэгт хүчний Ерөнхий командлагч Халтмаагийн Баттулга өнөөдөр Батлан хамгаалах яаманд болсон Зэвсэгт хүчний удирдах бүрэлдэхүүний стратегийн цугларалтад оролцож, үг хэллээ.

Зэвсэгт хүчний удирдах бүрэлдэхүүний стратегийн цугларалтын нээлтэд Батлан хамгаалахын сайдын үүрэг гүйцэтгэгч, Бригадын генерал Г.Сайханбаяр, Монгол Улсын Ерөнхийлөгчийн Аюулгүй байдал, батлан хамгаалахын бодлогын зөвлөх Л.Болд, Зэвсэгт хүчний Жанжин штабын дарга, Хошууч генерал Д.Ганзориг нар оролцлоо.

МОНГОЛ УЛСЫН ЕРӨНХИЙЛӨГЧ ХАЛТМААГИЙН БАТТУЛГА ХЭЛСЭН ҮГЭНДЭЭ:

“Эрхэм генерал, офицерууд Та бүхний амрыг эрье.

Монгол Улсын тусгаар тогтнол, бүрэн эрхт байдал, хил хязгаарын халдашгүй дархан байдал, нутаг дэвсгэрийн бүрэн бүтэн байдлыг сахин хамгаалах хариуцлагатай бөгөөд нэр хүндтэй үйлсэд мөр зэрэгцэн, өргөсөн тангарагтаа үнэнчээр зүтгэж буй төрийн цэргийн байгууллагын удирдах бүрэлдэхүүн, генерал, офицерууд Та бүхэнтэй энэ өдөр дахин уулзаж байгаадаа баяртай байна.

Шинэ үеийн түүхийн хугацаанд бид Үндсэн хуульдаа “Монгол Улс өөрийгөө хамгаалах Зэвсэгт хүчинтэй байх”-ыг хуульчлан баталгаажуулж, Зэвсэгт хүчин иргэний хяналтад байх ардчилсан нийгмийн үнэт зарчим, улс орны эдийн засгийн чадавх, бодит боломжид нийцсэн “мэргэжлийн чиг баримжаатай цомхон, чадварлаг Зэвсэгт хүчинтэй байх”, “мэргэжлийн цэрэгт суурилсан Зэвсэгт хүчнийг бүрдүүлж хөгжүүлэх” бодлогыг үе шаттайгаар хэрэгжүүлж байна.

Монгол Улсын Ерөнхийлөгч, Зэвсэгт хүчний Ерөнхий командлагчийн бүрэн эрхийн хүрээнд 2020 оны 6 дугаар сард “Зэвсэгт хүчний тайван цагийн болон дайны байдлын үеийн зохион байгуулалтын бүдүүвч”, “Зэвсэгт хүчний стратегийн дэлгэн байгуулалтын төлөвлөгөө”, “Зэвсэгт хүчнийг дайнд хэрэглэх ерөнхий төлөвлөгөө”, “Зэвсэгт хүчний тайван цагийн бүрэлдэхүүнээр цэргийн бүлэглэл байгуулах төлөвлөгөө”-нүүдийг баталгаажуулсан.

Дээрх баримт бичгүүдийн үзэл санаа Зэвсэгт хүчний тухай хуульд нэмэлт, өөрчлөлт оруулах тухай хуулийн үзэл баримтлалтай нийцэж, Зэвсэгт хүчний бүтцэд Тусгай хүчний цэрэг, Барилга-инженерийн цэрэг болон Кибер аюулгүй байдлын цэргийг бас байгуулсан. Цаашид шинээр байгуулагдсан төрлийн цэргийг тайван цагт болон дайны үед хэрэглэх, тайван цагт бэлэн байдал, бэлтгэлжилтийг нь хэрхэн хангах удирдлага, төлөвлөлтийн баримт бичгүүдийг шинэчлэн мөрдөх нь Та бүхний үүрэг юм.

Ингэхдээ “Зэвсэгт хүчин нэгдмэл байх” зарчимд нийцүүлэн Төрийн цэргийн байгууллага, төрлийн цэргийн командалын үйл ажиллагааны уялдаа холбоо, хамтын ажиллагааг хангах, улс орныхоо хүн ам, эдийн засгийн чадавхыг бодитоор тооцох, зэвсэгт тэмцлийн үеийн цэргийн ажиллагааны оршин тогтнохуйн аюулгүй байдалд нөлөөлөх цэрэг-улс төр, цэрэг-стратегийн нөлөөллийг урьдчилан тооцох, даргалах албан тушаалын ахлагчаас генерал хүртэлх албан тушаалтнуудын санаа бодлыг тусгах шаардлагатай юм.

Зэвсэгт хүчний Барилга-инженерийн анги, салбарууд Тавантолгой-Зүүнбаян чиглэлийн “Шинэ төмөр зам” төслийн бүтээн байгуулалтад үүрэг гүйцэтгэж, төмөр замын доод бүтцийг барих ажлыг хугацаанд нь дуусгаж, дээд бүтэц угсрах ажлыг “Монголын төмөр зам” төрийн өмчит хувьцаат компанитай хамтран гүйцэтгэж байна. Төсөлд оролцсоноор барилга-инженерийн ангиудын чадавх, бие бүрэлдэхүүний мэргэжлийн ур чадвар нэмэгдэж, цаашид улсыг хөгжүүлэх бүтээн байгуулалтын ажилд бие даан үүрэг гүйцэтгэх боломжтой болсон гэж үзэж байна. Зэвсэгт хүчин цаашид Төрөөс төмөр замын талаар баримтлах бодлогын баримт бичигт тусгагдсан төмөр замын болон бусад стратегийн ач холбогдол бүхий бүтээн байгуулалтад үүрэг гүйцэтгэнэ.

Төмөр замыг өөрсдийн хүчээр буюу Зэвсэгт хүчин хариуцан, үндэсний аж ахуйн нэгжүүдийн оролцоотой бүтээн байгуулсан нь “Бид өөрсдөө чадна” гэсэн итгэл үнэмшил, үндэсний ухамсрыг бий болгосон. Үндэсний хэмжээний томоохон бүтээн байгуулалтын ажлыг монголчууд бид өөрсдөө хийх нь улс, үндэстнийхээ ирээдүйн сайн сайхныг бие даан цогцлоох, үндэсний аюулгүй байдлаа хангах бодлого, үйл ажиллагааны эх үндэс нь болох болно.

Энэ ташрамд Монгол Улс энхийг эрхэмлэсэн, олон тулгуурт, нээлттэй гадаад бодлогыг баримтлан, үндэсний аюулгүй байдлаа улс төр, дипломатын аргаар хангах зорилт дэвшүүлэн хэрэгжүүлж байгаа бөгөөд энэ зорилтыг хангахад энхийг сахиулагчдын маань үүрэг, үйл хэрэг үнэтэй хувь нэмэр оруулж байгаа төдийгүй улс орныхоо аюулгүй байдал, оршин тогтнохын баталгааг бэхжүүлэхэд онцгой чухал ач холбогдолтойг мөн цохон тэмдэглэе.

Зэвсэгт хүчний байгуулалтын зорилго нь Монгол Улсын тусгаар тогтнол, бүрэн эрхт байдлыг хангах улс төр, дипломатын үйл ажиллагаа, улс орны эдийн засаг, нийгмийн тогтвортой хөгжилд дэмжлэг үзүүлэх чадавхтай цэргийн мэргэжлийн өндөр түвшинд бэлтгэгдсэн бие бүрэлдэхүүн, шинжлэх ухаан, технологийн дэвшилд суурилсан орчин үеийн зэвсэглэл, цэргийн техник бүхий мэргэжлийн Зэвсэгт хүчнийг байгуулах алсын хараатай байх, цэргийн удирдлагын байгууллага, нэгтгэл, ангийн бэлэн байдал, бие бүрэлдэхүүний үүрэг гүйцэтгэх бэлтгэлжилтийг аюулгүй байдлын орчинд нийцүүлэн дээшлүүлэхэд чиглэгдэнэ. Үүнд удирдах албан тушаалтнууд Та бүхэн онцгой анхаарч ажиллах шаардлагатай байна.

Та бүхний энэ удаагийн цугларалт нь улс орныхоо аюулгүй байдлыг бие даан хангахад чиглэсэн операцын төлөвлөлтийн баримт бичгүүдийг шинээр боловсруулах талаар нэгдсэн ойлголтод хүрэх, хүч хэрэгслийг оновчтойгоор хэрэглэх арга замыг эрэлхийлж байгаа гэж ойлгож байна.

Зэвсэгт хүчний удирдах бүрэлдэхүүний 2021 оны стратегийн цугларалтын үйл ажиллагаанд амжилт хүсье.

Зэвсэгт хүчний бие бүрэлдэхүүнийг Бүх цэргийн Их хар сүлд ивээж, Мөнх тэнгэрийн хүчин дор монгол цэргийн сүр хүч, хийморь золбоо үеийн үед мандан бадрах болтугай” гэлээ.

Зэвсэгт хүчний сургалтын нэгдсэн төлөвлөгөөний хүрээнд 1997 оноос хойш жил бүр зохион байгуулж буй Зэвсэгт хүчний удирдах бүрэлдэхүүний стратегийн цугларалтаар улс орны аюулгүй байдал, батлан хамгаалах салбар, Зэвсэгт хүчин, цэргийн байгууллагын өмнө тулгамдсан асуудлуудыг хэлэлцдэг.

2021 онд Монгол Улсын орчин цагийн Зэвсэгт хүчин үүсэн байгуулагдсаны 100 жилийн ой тохиож байна. Түүхт ойг тэмдэглэн өнгөрүүлэх ажлын хүрээнд бүтээсэн Цогтцэций-Зүүнбаян чиглэлийн 416.1 км төмөр замын бүтээн байгуулалтын макетыг мөн энэ үеэр Монгол Улсын Ерөнхийлөгчид танилцууллаа.


Сэтгэгдэл

Zochiho [202.126.89.208] 2021-01-27 19:36:08

Bariad baigaa tomor zam ny nuuc bogood tor zasagt yu bolj baigaag ogt medehgui gesen shuu..

Зочин [202.55.188.102] 2021-01-27 10:11:36

Гашуун Сухайтын төмөр замын ажлаа гүйцээсэн бол ямагт хүндлэх байлаа. Энд тэнд барилгын хундаам цутгаж дутуу орхиод явмааргүй байлаа.

Зочин [202.9.46.143] 2021-01-27 01:48:37

Төмөр зам гэнээ ажиллаж байгаа хүмүүстээ ядаж сар сард нь цалинг нь өгчихөө. Цэрэг гэхээр л ажлын мал байхуу.

Зочин [59.153.112.125] 2021-01-26 23:17:29

Төмөр зам дээр бол яалтачгүй Монгол төрийн тэргүүн хүний улсаа бодсон холын ухаан гаргасан байна лээ. Улсдаа хийсэн гавьяа болж үлдэнэ. Хүрэлсүх Баттулга нар эвтэй хамтраад улс орноо хөгжүүлэхэд анхаараад явж чадахгүй муудалцаад байх юм. Аль алиныг нь учиргүй мундаг мэдлэг боловсролтой биш ч улаан цагаан эх орноо зарчихгүй, ядахдаа л Монгол хүмүүс юмдаа гэж боддог юм.

Зочин [66.181.189.33] 2021-01-26 20:00:42

Хятадын зүгээс гадаад улсад халдан довтлох бэлтгэл хийж байгаа шүү. Монгол улсын дархан хил амар амгалан байг.

Зочин [64.119.16.103] 2021-01-26 18:49:55

Цэргүүд эх орнчхоо бүтээн байгуулалтад оролцож шинэ мэдлэг мэргэжил эзэмшиж итгэл чадвартай болох нь ямар сайхан хэрэг вэ. Хөвгүүн бүрээ цэргийн алба хаалгаж шилдэг эрчүүд болдог сайхан систэмтэй болоосой Цэргийн дарга нар маань өөрсдөө шударга зарчимч байж залуучуудаа мэдлэг чадвартай ноён нуруутай эрчүүд болгох цэргийн албыг мундаг болгоосой

зочин [66.181.191.61] 2021-01-26 18:01:08

Маскаа зүүгээч.

Зочин [192.82.65.51] 2021-01-26 17:44:31

төмөр замаа ярилгүй яахав. Ерөнхийлөгч болж байж л энэ ажлыг эхлүүлсэн. Хүрэлсүхтэй хоршиж энэ ЭХ ОРОН-оо авраачээ. Хоорондоо битгий шөргөлцөөд байлдаа. Монгол орны төлөө ажиллах ямар ч гадаад улс орон байхгүй шүү дээ!!!!

Зочин [103.11.192.106] 2021-01-26 16:28:57

Togjoohon

Дрон эсэргүүцэх ангитай болоорой [202.179.14.245] 2021-01-26 15:48:18

Дроны эсэргүүцэх анги нэгтгэлтэй болмоор байна бас нисгэгчгүй анги нэгтгэлтэй болмоор байна

Иргэн [103.212.117.157] 2021-01-26 15:42:03

Урвагч хулгайч жонхуу монголын зэвсэгт хүчнээс савраа тат

Зочин [59.153.85.107] 2021-01-26 16:04:40

ЧИ ӨӨРӨӨ хорон хэлээ тат

zochin [43.228.129.40] 2021-01-26 14:11:03

amjilt

Монгол ялна [66.181.161.59] 2021-01-26 13:56:33

Төмөр зам ярих гэж л үг хэлсэн юм шив.Ерөнхий командлагчийн хувьд цэргийн шинжлэх ухааны онол стратеги бодлогын талаар юу ч дуугарсангүй шив .Төмөр замыг хурдан барьж намайг хэл амнаас сонгуулийн өмнө салгаж үзээч гэж гуйж байгаатай утга нэг байна.

Зочин [66.181.181.167] 2021-01-26 12:46:38

Ерөнхийлөнч өө төмөр замд ажиллаж байгаа бме бүрэлдэхүүний хөлсыг өгөөч ээ????? Халуун хүйтэнд ажиллаж байгаа хэдэн бор цэргээ ашиглачаад ерөнхийлөгчийн сонгуулын шоу хийхээ бол!!! Мөнгөө өг!!!

Зочин [59.153.85.107] 2021-01-26 16:05:21

ЗАСГИЙНН ГАЗРААСАА АВ.

Зочин [59.153.115.35] 2021-01-26 15:11:41

Өгөх байлгүй дээ ЗГ төсөвтөө суулгаа биз ерөнхийлөгчөд цалинд өгөөд байх мөнгө байдаг болов уу?

Зочин [203.91.115.47] 2021-01-26 12:40:20

Ulsiin sur tseregtee gej delhii yaridag ! armi goyo l doo negen tsagt delhiig chicheruulj yavsan hamgiin huchirheg tumur morin tsereg bsan shuu dee bugded ni amjilt husie

Зочин [202.126.92.99] 2021-01-26 12:12:06

том ах мундаг шүү амжилт


19 сэтгэгдэл байна
1000 тэмдэгт оруулах үлдлээ.
Уншигчдын бичсэн сэтгэгдэлд Medee.MN хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
19 сэтгэгдэл байна
Уншигчдын бичсэн сэтгэгдэлд Medee.MN хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.