Батлагдсан тохиолдлын ойрын хавьтлын тусгаарлах байранд тусгаарлагдах зардлыг төр хариуцна

Aдмин / Хууль

Улсын онцгой комиссын даргын 2021 оны 04 дүгээр сарын 02-ны өдрийн 31 дүгээр тушаалаар “Тусгаарлан ажиглах үйл ажиллагааг зохицуулах түр журам”-д нэмэлт өөрчлөлт орсон. Энэхүү өөрчлөлтөөр тус журмын 2.1.2-т коронавируст халдвар/КОВИД-19/-ын батлагдсан тохиолдлын ойрын хавьтлыг өөрийн хүсэлтээр тусгаарлан ажиглах байрны төлбөрийг төлүүлж 7 хоног тусгаарлахаар зааж өгсөн. Энэ талаар УОК-ын Шуурхай штабаас иргэдэд мэдээлэл хүргэсэн юм.

Тэгвэл журмын энэхүү заалт нь “Эрүүл мэндийн тухай” хуулийн 24.6.4-т заасан “Нийгмийн эрүүл мэндийн үйл ажиллагаа, арга хэмжээ болон гамшиг, нийтийг хамарсан халдварт өвчний дэгдэлтийн үеийн эрүүл мэндийн тусламж үйлчилгээг төр хариуцна” гэсэн заалттай зөрчилдсөн тул дахин өөрчлөхөөр болжээ.

Ингэхдээ коронавируст халдвар/КОВИД-19/-ын батлагдсан тохиолдлын ойрын хавьтлыг тандалтын багийн санал, эсвэл тухайн хүний хүсэлтийг харггалзан долоо хоног тусгаарлах байранд тусгаарлана гэж өөрчлөхөөр болсон байна.

Өөрөөр хэлбэл, коронавируст халдвар/КОВИД-19/-ын батлагдсан тохиолдлын ойрын хавьтал болсон хүн тусгаарлах байранд тусгаарлагдахад ямар нэгэн төлбөр төлөхгүй, зардлыг төр хариуцна.


Сэтгэгдэл

Зочин [202.9.47.33] 2021-04-08 06:22:04

ийм арчаагүй удирдах ажилтан байж болох уу?Өчигдрийн мэдэгдлээс хичнээн хүн хямарсан бол. Төр минь дээ. даанч дээ,хэтэрхий арчаагүй болоод б.на.Хариуцлагаа сэргээч чангатгаач.Эцэст нь иргэд бид л ухаантай байж тэмцлээ нэгтгэх хэрэгтэй.Өөрчлье.

Зочин [66.181.179.129] 2021-04-08 05:56:02

ТӨРИЙН ЭРГЭЛТ ХИЯМЭЭР БОЛЖ

Иргэн [103.57.94.167] 2021-04-08 05:34:32

Хууль эрх зүйн актаа уншиж судлаагүй мэдлэггүй. гаргах гэж буй шийдвэрийг хянан нягталдаггүйгээс гаргасан шийдвэрээ эргэж буцдаг төртэй болжээ


3 сэтгэгдэл байна
1000 тэмдэгт оруулах үлдлээ.
Уншигчдын бичсэн сэтгэгдэлд Medee.MN хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
3 сэтгэгдэл байна
Уншигчдын бичсэн сэтгэгдэлд Medee.MN хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.